ລາຍລະອຽດຂ່າວ
ນະຄອນຫຼວງ ພົບກັບ ຊຽງຂວາງ ບານເຕະທົດສອບຄວາມພ້ອມກ່ອນ ກິລາແຫ່ງຊາດ ຊີງເງິນ 20 ລ້ານກີບ ຈະເປີດສາກ ບ່າຍມື້ນີ້
ຂຽນເມື່ອ: 04/02/2020 12:02 | ໂດຍ: ເພຣເມັກເກີ | ອ່ານ: 245 ຄັ້ງ

      ການແຂ່ງຂັນກິລາເຕະບານ 4 ແຂວງເພື່ອເປັນການທົດສອບຄວາມສາມາດຂອງນັກກິລາຈາກ 3 ແຂວງ ແລະ 1 ນະຄອນຫຼວງວຽງຈັນ ເຈົ້າພາບ ໃຫ້ມີຄວາມພ້ອມຢ່າງຮອບດ້ານ ກຽມຮ່ວມລ່າຫຼຽນຄຳ ໃນການແຂ່ງຂັນເຕະບານຊາຍ ງານມະຫະກຳກິລາແຫ່ງຊາດ ຄັ້ງທີ XI ຫຼື “ຊຽງຂວາງ ເກມ” ທີ່ແຂວງຊຽງຂວາງ ຮັບກຽດເປັນເຈົ້າພາບ ລະຫວ່າງວັນທີ 22 ມີນາ ຫາ 1 ເມສາ 2020 ຈະເປີດສາກຂຶ້ນໃນຕອນບ່າຍມື້ນີ້ (4 ກຸມພາ) ເວລາ 15:00 ໂມງເປັນຕົ້ນໄປ ຄູ່ທຳອິດລະຫວ່າງ ນະຄອນຫຼວງ ພົບກັບ ແຂວງຊຽງຂວາ່ງ.

      ກອງປະຊຸມຜ່ານຂໍ້ຕົກລົງຄະນະຮັບຜິດຊອບຈັດການແຂ່ງຂັນກິລາເຕະບານຊາຍ 4ແຂວງກຽມຊຽງຂວາງ ເກມ ໃນຄັ້ງນີ ໄດ້ມີຂຶ້ນ ໃນຕອນເຊົ້າວັນທີ 3 ກຸມພາ ຜ່ານມາ ທີ່ຫ້ອງປະຊຸມພະແນກສຶກສາທິການ ແລະ ກິລາ ນະຄອນຫຼວງ (ບ້ານບຶງຂະຍອງ) ເມືອງສີສັດຕະນາກ ໂດຍພາຍໃຕ້ການເປັນປະທານຂອງທ່ານ ສົມພອນ ສອນດາລາ ຮອງຫົວໜ້າພະແນກສຶກສາທິການ ແລະ ກິລາ ນວ, ມີກອງແກ້ວ ແຫ່ງດາວົງໄຊ ຫົວໜ້າຂະແໜງກິລາລະດັບສູງ ແລະ ທ່ານ ວຽງສະຫວັນ ແສງຈັນ ປະທານສະຫປະພັນບານເຕະ ນວ ພ້ອມດ້ວຍບັນດາອານຸກຳມະການຝ່າຍຕ່າງໆ ເຂົ້າຮ່ວມຢ່າງພ້ອມພຽງ.

      ໂອກາດນີ້, ທ່ານ ສົມພອນ ສອນດາລາ ກໍໄດ້ຜ່ານຂໍ້ຕົກລົງຈາກຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ວ່າດ້ວຍການແຕ່ງຕັ້ງຄະນະຮັບຜິດຊອບລວມ, ແຕ່ງຕັ້ງອະນຸກຳມະການພິທີການ ແລະ ບໍລິຫານ, ແຕ່ງຕັ້ງອະນຸກຳມະການການແພດ ແລະ ກູ້ໄພ, ແຕ່ງຕັ້ງອະນຸກຳມະການການເງິນ ແລະ ໂຮງແຮມ, ແຕ່ງຕັ້ງອະນຸກຳມະການຂະບວນການ, ແຕ່ງຕັ້ງອະນຸກຳມະການຝາກລົດ ແລະ ຂາຍປີ້ເຂົ້າຊົມ ບັນດາທ່ານທີ່ຖືກແຕ່ງຕັ້ງທີ່ໄດ້ກ່າມາຂ້າງເທິງນັ້ນ ຈົ່ງຮັບຮູ້ ແລະ ປະສານສົມທົບຮ່ວມມືກັນໃນການຈັດຕັ້ງປະຕິບັດ ແລະ ສາມາດຍາດໄດ່ຜົນສຳເລັດໃນການຈັດການແຂ່ງຂັນຄັ້ງນີ້ ໃຫ້ໄດ້ຮັບໝາກຜົນຢ່າງຈົບງາມ. ຫຼັງຈາກນັ້ນ, ໃນກອງປະຊຸມດັ່ງກ່າວ ກໍໄດ້ມີການປືກສາຫາລືເຈາະຈີ້ມບັນຫກາທີ່ຍັງຄົງຄ້າງ ເພື່ອປັບປຸງ ແລະ ແກ້ໄຂໃຫ້ແທດເໝາະກັບການແຂ່ງຂັນ ທີ່ຈະຈັດຂຶ້ນໃນວັນທີ 4 ກຸມພານີ້.

      ສຳລັບການແຂ່ງຂັນເຕະບານ 4 ແຂວງ ໃນຄັ້ງນີ້ ຈະດຳເນີນ ລະຫວ່າງວັນທີ 4-8 ກຸມພາ 2020 ທີ່ສະໜາມກິລາເຈົ້າອານຸວົງ ເມືອງຈັນທະບູລີ ທັງ 4 ທີມແຂ່ງຂັນພົບກັນໝົດຄັດເອົາທີມທີ່ມີຄະແນນທີ່ສຸດ ອັນດັບທີ 1 ແລະ ທີ 2 ໄປຊີງຊະນະເລີດ ສ່ວນໂປຣແກຣມແຂ່ງຂັນຄູ່ທຳອິດ ລະຫວ່າງນະຄອນຫຼວງ ພົບກັບ ຊຽງຂວາງ ເວລາ 15:00 ໂມງ ແລະ ຄູ່ທີ 2 ແຂວງຜົ້ງສາລີ ພົບກັບ ແຂວງສະຫວັນນະເຂດ ຂະນະທີ່ເງິນລາງວັນ ອັນດັບທີ 1 ຈະໄດ້ຮັບຂັນແຊ໋ມ ພ້ອມເງິນລາງວັນ 10 ລ້ານກີບ, ທີ 2 ຈະໄດ້ຮັບເງິນລາງວັນ 6 ລ້ານກີບ ແລະ ທີ 3 ຮ່ວມໄດ້ຮັບເງິນສົດທີມລະ 4 ລ້ານກີບ.

ໂດຍ: ປາກກາດຳ




ຂ່າວຍອດນິຍົມ 7 ວັນລ່າສຸດ
ຂ່າວລ່າສຸດ