ລາຍລະອຽດຂ່າວ
ສຕລ ເປີດຮັບ 16 ທີມ ຮ່ວມແຂ່ງຂັນເຕະບານ ຢູ12 ຊີງຂັນ ສຕລ ປະຈໍາປີ 2020
ຂຽນເມື່ອ: 14/01/2020 13:01 | ໂດຍ: ເພຣເມັກເກີ | ອ່ານ: 432 ຄັ້ງ

          ສະຫະພັນກິລາບານເຕະແຫ່ງຊາດລາວ (ສຕລ) ແຈ້ງເຖິງບັນດາສະໂມສອນສຳມະຊິກ ສົ່ງທີມເຂົ້າຮ່ວມການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 12 ປີ ຊີງຂັນ ສຕລ ປະຈໍາປີ 2020 (LFF U-12 Championship 2020). ພ້ອມເປີດຮັບສະໝັກພຽງ 16 ທີມ ແຂ່ງຂັນກັນແບບແບ່ງກຸ່ມ ແລະ Knock Out ໃນຮອບ 2.

       ອີງຕາມຂໍ້ມູນຈາກເຟສບຸກທາງການຂອງ ສະຫະພັນກິລາບານເຕະແຫ່ງຊາດລາວ ໃນວັນທີ 14 ມັງກອນ ຜ່ານມາ ໃຫ້ຊາບວ່າ : ສະຫະພັນກິລາບານເຕະແຫ່ງຊາດລາວ ມີຄວາມຍິນດີແຈ້ງມາຍັງບັນດາສະໂມສອນທີ່ເຂົ້້າຮ່ວມການແຂ່ງຂັນບານເຕະ ເປບຊີ ລາວພຣີເມຍລີກ 2019, ການແຂ່ງຂັນບານເຕະ ຄອມມານໂດ ສາຍ ກໍ 2019, ການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 18 ປີ ຊີງຂັນ ສຕລ 2019 ແລະ ການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 15 ປີ ຊີງຂັນ ສຕລ 2019 ໃຫ້ຊາບຮ່ວມກັນວ່າ ເພື່ອເປັນການພັດທະນາກິລາບານເຕະໃຫ້ມີການເຄື່ອນໄຫວຢ່າງເປັນປົກກະຕິ ແລະ ຕໍ່ເນື່ອງພ້ອມທັງປະຕິບັດຕາມແຜນການຈັດແຂ່ງຂັນປະຈຳປີ 2020 ໃຫ້ບັນລຸເປົ້າໝາຍ. ສະຫະພັນບານເຕະແຫ່ງຊາດລາວມີຍິນດີແຈ້ງໃຫ້ບັນດາສະໂມສອນຊາບວ່າ ພະແນກຈັດການແຂ່ງຂັນ ສະຫະພັນບານເຕະແຫ່ງຊາດລາວ ຈະໄດ້ມີການຈັດການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 12 ປີ ຊີງຂັນ ສຕລ (LFF U-12 Championship 2020) ປະຈໍາປີ 2020 ຂື້ນ. ຊຶ່ງມີລາຍລະອຽດດັ່ງນີ້ ການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 12 ປີ ຊີງຂັນ ສຕລ LFF U-12 Championship ປະຈໍາປີ 2020 ຈະກໍຳນົດເອົາ 16 ສະໂມສອນເທົ່ານັ້ນເຂົ້າຮ່ວມການແຂ່ງຂັນ ແລະ ຈະໃຫ້ບຸລິມະສິດໃນການເຂົ້າຮ່ວມແຂ່ງຂັນຄັ້ງນີ້ສະເພາະສະໂມສອນທີ່ເປັນສະມາຊິກຂອງ ສຕລ ເທົ່ານັ້ນ. ໂດຍການປິດຮັບສະໝັກສະໂມສອນທີ່ເຂົ້າຮ່ວມການແຂ່ງຂັນໃນວັນທີ 24 ມັງກອນນີ້. ການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 12 ປີ ຊີງຂັນ ສຕລ ປະຈໍາປີ 2020 ມີກໍຳນົດການເປີດການແຂ່ງຂັນໃນວັນທີ 8 ມັງກອນ 2020. ໂດຍເກນອາຍຸນັກກິລາທຸກຄົນທີ່ເຂົ້າຮ່ວມແຂ່ງຂັນລາຍການນີ້ແມ່ນຕ້ອງເກີດໃນປີ 2008-2010 ເທົ່ານັ້ນ ແລະ ຮູບແບບການແຂ່ງຂັນແມ່ນຈະແຂ່ງຂັນແບບແບ່ງກຸ່ມ (Group Stage) ແລະ (Knock Out).

ໂດຍ ວັນສົດໃສ