ລາຍລະອຽດຂ່າວ
ທີມນັກກີລາຊ໊ອບເທັນນິສລາວ ອອກເດີ່ນທາງພ້ອມລ່າຫລຽນຊີເກມ
ຂຽນເມື່ອ: 05/12/2019 13:12 | ໂດຍ: ເພຣເມັກເກີ | ອ່ານ: 530 ຄັ້ງ

      ຫລັງເຄີຍໄດ້ຫລຽນທອງຊີເກມຄັ້ງທີ 28 ທີ່ຜ່ານມາ ນັກກີລາຊ໊ອບເທັນນິສທີມຊາດລາວ, ໄດ້ອອກເດີ່ນທາງແລ້ວເມື່ອເວລາ 13:25 ຂອງມື້ນີ້ ວັນທີ 5/12/2019 ພ້ອມກັບຄວາມຫວັງທີ່ຈະຄວ້າຫຼຽນໃດຫຼຽນໜຶ່ງ, ໃນຊີເກມຄັ້ງທີ 30 ທີປະເທດຟິລິປິນ ຮ່ວມເດີ່ນທາງໃນຄັ້ງນີ້ປະກອບດ້ວຍນັກກີລາ 7 ຄົນ ສ່ວນ ຄູຝຶກພ້ອມດ້ວຍຄະນະແມ່ນເດີ່ນທາງໄປກ່ອນໜ້ານີ້ແລ້ວ 3 ຄົນ ປະກອບດ້ວຍ: ທ່ານ Chong Ryul Choi ຄູຝຶກຄົນເກົາຫລີໄຕ້ ທ່ານ ວິລະກົດ ຄະນະນຳ ທ່ານ ໄຊຍະເດດ ວົງສາ ຄະນະນຳ, ທ້າວ ຈິດຕະກອນ ໄຊຍະລິນ ນັກກີລາ, ທ້າວ ຂັນທະນູ ພົງສະຫວັນ ນັກກີລາ, ທ້າວ ໂຕບີ້ ບຸນສາອາດ ນັກກີລາ, ທ້າວ ສົມຊາຍ ວັນນະສັກ ນັກກີລາ, ແລະ ທ້າວ ອານັນດອນ ຄຳພິມີ ນັກກີລາ. ການແຂ່ງຂັນຊ໊ອບເທັນນິດ ໃນຊີເກມຄັ້ງນີ້ຈະດຳເນີນການແຂ່ງຂັນລະຫວ່າງວັນທີ 6 ຫາ ວັນທີ 10 ທັນວາ ເຊິ່ງຈະມີການຊີງໄຊທັງຫມົດ 3 ຫລຽນຄຳ ໂດຍທີທັບນັກກີລາລາວແມ່ນຕັ່ງຄວາມຫວັງຍາດເອົາຫລຽນໃດຫລຽນຫນຶ່ງກັບມາເປັນຂອງຂວັນວັນຊາດ ແລະ ຂອງຂວັນຕ້ອນຮັບປີໄຫມ່ໃຫ້ປະຊາຊົນລາວໃຫ້ໄດ້

ຂ່າວ ແລະພາບຈາກ: ສະຫະພັນເທັນນິສແຫ່ງຊາດລາວ.