ລາຍລະອຽດຂ່າວ
ເຕະບານ ຊີງຂັນພອນທະວີ ຄັບ 2019 ຊ້າງສີໂຄດ ຊະນະ ຂຸນແຜນ ແບບສຸດມັນ
ຂຽນເມື່ອ: 11/11/2019 15:11 | ໂດຍ: ເພຣເມັກເກີ | ອ່ານ: 264 ຄັ້ງ

          ການແຂ່ງຂັນເຕະບານ 7 ຄົນ ຊີງຂັນສະໜາມກິລາເຕະບານຫຍ້າທຽມ ພອນທະວີ ປະຈໍາປີ 2019 ຫຼື ລາຍການ ພອນທະວີ ຄັບ 2019 ທີ່ເມືອງທ່າແຂກ, ແຂວງຄຳມ່ວນ ເພື່ອສ້າງຂະບວນການຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 44 ປີ ພ້ອມທັງເປັນການເປີດນໍາໃຊ້ສະໜາມພອນທະວີ ຢ່າງເປັນທາງການ ພາຍຫຼັງທີ່ໄດ້ປິດປັບປຸງຊົວຄາວ ເມື່ອປີ 2018 ຜ່ານມາ. ທີມຊ້າງສີໂຄດ ໄລ່ແຊງເອົາຊະນະ ທີມຂຸນແຜນ ໄປແບບຫວຸດຫວິດ 4-3 ປະຕູ ຄວ້າແຊ້ມໄດ້ແບບສຸດມັນ

          ຕາມການລາຍງານຂອງທ່ານ ວິໄລສັກ ຈຽງສະກຸນ ອະດີດນັກກິລາເຕະບານສະໂມສອນ ທະນາຄານແຫ່ງ ສປປ ລາວ ທັງເປັນປະທານບໍລິສັດ ພອນທະວີ ຄອມພິວເຕີ ແລະ ເຈົ້າຂອງສະໜາມເຕະບານຫຍ້າທ່ຽມ ພອນທະວີ ແຈ້ງໃຫ້ຊາບວ່າ: ເມື່ອວັນທີ 8 ພະຈິກ ຜ່ານມາ ທີ່ສະໜາມພອນທະວີ ໄດ້ມີພິທີປິດການແຂ່ງຂັນກິລາເຕະບານ ຮຸ່ນຊາວໜຸ່ມທົ່ວໄປ ຊີງຂັນສະໜາມພອນທະວີ ປະຈຳປີ 2019 ເພື່ອສ້າງຂະບວນການຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 44 ປີ ພ້ອມທັງເປັນການເປີດນຳໃຊ້ສະໜາມພອນທະວີ ຢ່າງເປັນທາງການ ພາຍຫຼັງທີ່ໄດ້ປິດປັບປຸງຊົວຄາວ ເມື່ອປີ 2018 ຜ່ານມາ ພ້ອມທັງເປັນການສົ່ງເສີມນັກກິລາພາຍໃນແຂວງໄດ້ມີການເຄື່ອນໄຫວພັດທະນາຕົນເອງ ສາມາດເຂົ້າຮ່ວມຄັດເລືອກນັກກິລາເຕະບານແຂວງ ກຽມເຂົ້າຮ່ວມປ້ອງກັນແຊ້ມ ງານມະຫາກຳກິລາແຫ່ງຊາດ ຄັ້ງທີ Xl ທີ່​ແຂວງ​ຊຽງ​ຂວາງ ເປັນ​ເຈົ້າ​ພາບ ໃນຕົ້ນປິ 2020 ໃຫ້​ກຽດ​ເຂົ້າ​ຮ່ວມ ແລະ ມອບ​ລາງວັນ​ຂອງ​ທ່ານ ສີ​ພອນ ສຳ​ລີ​ບູນ ກຳ​ມະ​ການ​ສູນ​ກາງ​ແນວ​ລາວ​ສ້າງ​ຊາດ​ແຂວງຄຳ​ມ່ວນ, ​ທ່ານ ບຸນ​ປອນ ສຸ​ວັນ​ນະ​ລາດ ຮອງ​ຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາ ແຂວງ ແລະ ທ່ານ ພອນ​ທະ​ວີ ຈ​ຽງ​ສະ​ກຸນ ປະ​ທານ​ບໍ​ລິ​ສັດ ພອນ​ທະ​ວີ​ຂົນ​ສົ່ງ ໂດຍ​ສານ​ຈຳ​ກັດ ພ້ອມ​ດ້ວຍ​ບັນ​ດາ​ຄະ​ນະ​ນຳ, ຄູ​ຝຶກ ແລ​ະ ນັກ​ກິ​ລາ ຕະ​ຫຼອດ​ຮອດກອງ​ເຊຍ​ເຂົ້າ​ຮ່ວມ​ຊົມ ແລະ ເຊຍ​ຢ່າງ​ຫຼວງ​ຫຼາຍ.

ການແຂ່ງຂັນໃນຄັ້ງນີ້ ມີທີມເຂົ້າຮ່ວມທັງໝົດເຖິງ 34 ທີມ ຈັດແບ່ງອອກເປັນ 8 ກຸ່ມ ແຕ່ລະກຸ່ມມີ 4 ທີມ ແລະ ແຕ່ລະກຸ່ມແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ ໄດ້ດໍາເນີນແຂ່ງ​ຂັນມາແຕ່ວັນທີ 4 ຕຸລາ ຜ່ານມາ ໂດຍກຳນົດເງື່ອນໄຂນັກກິລາ ສຳລັບນັກກິລາຕ່າງປະເທດ ແລະ ນັກກິລາລາວຜູ້ທີ່ຕິດລະດັບທີມຊາດ, ລາຍການ ເປບຊີ ລາວພຣີເມຍລີກ ແລະ ນັກກິລາແຂວງ ແມ່ນອານຸຍາດໃຫ້ຮ່ວມຕົ້ນສັງກັດ ທີມ 1 ໄດ້ພຽງ 2 ຄົນ ເທົ່ານັ້ນ.

          ໃນ​ພິ​ທີ​ປິດ​ການ​ແຂ່ງ​ຂັນ ກໍ​ຍັງ​ມີ ຄູ່​ຊະ​ນະ​ເລີດ ລະ​ຫວ່າງ ທີມ​ຊ້າງ​ສີ​ໂຄດ ພົບ​ກັບ ທີມ​ຂຸນ​ແຜນ ຜ່ານ​ການ​ແຂ່ງ​ຂັນ ນັດ​ຊີງ​ຊະ​ນະ​ເລີດ ລະ​ຫວ່າງ​ທີມ​ຊ້າງ​ສີ​ໂຄດ ພົບ​ກັບ ທີມ​ຂຸນ​ແຜນ ທັງ​ສອງ​ທີມ​ແຂ່ງ​ຂັນ​ກັນ​ຢ່າງ​ດຸ​ເດືອດ ແລະ ສູ​ສີ​ກັນ ຜັດ​ປ່ຽນ​ກັນ​ບຸກ​ຜັດ​ປ່ຽນ​ກັນ​ຮັບ ແລະ ຜັດ​ປ່ຽນ​ກັນ​ຍິງ​ປະ​ຕູ​ຂຶ້ນ​ນຳ ກ່ອນ​​ທ້າຍ​ເກມ ທີມ​ຊ້າງ​ສີ​ໂຄດ ຈະ​ມາ​ແຊງ​ເອົາ​ຊະ​ນະໄປ​ແບບ​ຫວຸດ​ຫວິດ 4-3 ປະ​ຕູ ສົ່ງ​ຜົນ​ໃຫ້​ຄອງ​ແຊ້ມ​ການ​ແຂ່ງ​ຂັນ​ລ​າຍ​ການ​ດັ່ງ​ກ່າວ​ໄປ​ຄອງ ພ້ອມ​ເງິນ​ລາງວັນ 2 ລ້ານ​ກີບ ສ່ວນທີມ​ຂຸນ​ແຜນ​ໄດ້​ທີ 2 ໄດ້​ຮັບ​ຂັນ ແລະ ເງິນ​ສົດ 1,5 ລ້ານ​ກີບ ຂະ​ນະ​ທີ່​ຄູ່​ຊີງ​ທີ 3 ກໍ​ເປັນ​​ທີມ​ເດີ​ຄ໋ອບ ຖະ​ຫຼົ່ມ​ເອົາ​ຊະ​ນະ ທີມ​ແກ້ວ​ເພັດ​ມະ​ນີ 8-2 ປະ​ຕູ ຄວ້າທີ 3 ໄດ້ຮັບ​ຂັນ ແລະ ເງິນ​ລາງວັນ 1 ລ້ານ​ກີບ ແລະ ທີມ​ແກ້ວ​ເພັດ​ມະ​ນີ ໄດ້​​ອັນ​ດັບ​ທີ 4 ໄດ້​ຮັບ​ຂັນ ແລະ ເງິນ​ລາງວັນ 5 ແສນ​ກີບ.

ໂດຍ ປາກກາດຳ