ລາຍລະອຽດຂ່າວ
ນັກກິລາຄົນພິການລາວ ລຸຍແຂ່ງຂັນຊີງແຊ້ມໂລກ ທີ່ UAE ຫວັງເກັບຄະແນນ
ຂຽນເມື່ອ: 05/11/2019 15:11 | ໂດຍ: ເພຣເມັກເກີ | ອ່ານ: 213 ຄັ້ງ

          ນັກກິລາຄົນພິການທີມຊາດລາວ ລຸຍການແຂ່ງຂັນແລ່ນ-ລານຊີງແຊ້ມໂລກ 2020 ທີ່ນະຄອນຫຼວງດູໄບ ປະເທດສະຫະລັດ ອາຣັບ ເອມິເລດ (UAE) ເປັນເຈົ້າພາບ. ຫວັງເກັບຄະແນນ ໃຫ້ໄດ້ໄປແຂ່ງຂັນພາຣາແລມປິກເກມ ທີ່ນະຄອນຫຼວງໂຕກຽວ ປະເທດຍີ່ປຸ່ນ ໃນປີ 2020.

     ເມື່ອອາທິດທີ່ຜ່ານມາ (2 ພະຈິກ) ທັບນັກກິລາຄົນພິການທີມຊາດລາວ ນຳໂດຍ ທ່ານ ທອງສະຫວັດ ວົງສະຫວ່າງ ປະທານສະຫະພັນກິລາແລ່ນ-ລານຄົນພິການແຫ່ງຊາດລາວ, ພ້ອມດ້ວຍນັກກິລາ 2 ຄົນ ປະກອບມີ ທ້າວ ແກ່ນ ເທບທິດາ ແລະ ທ້າວ ບຸນເພັດ ເທບທິດາ ໄດ້ອອກເດີນທາງຈາກສະໜາມບິນສາກົນ ວັດໄຕ ນະຄອນຫຼວງວຽງຈັນ ໄປນະຄອນຫຼວງດູໄບ ປະເທດສະຫະລັດ ອາຣັບ ເອມິເລດ (ຢູເອອີ) ເຂົ້າຮ່ວມການແຂ່ງຂັນແລ່ນ-ລານຊີງແຊ໋ມໂລກ ລະຫວ່າງວັນທີ 2-17 ພະຈິກ 2019 ເພື່ອແຂ່ງຂັນເກັບຄະແນນໃຫ້ໄດ້ເຂົ້າຮ່ວມການແຂ່ງຂັນພາຣາແລມປິກເກມ ທີ່ນະຄອນຫຼວງໂຕກຽດ ປະເທດຍີ່ປຸ່ນ ເປັນເຈົ້າພາບ ໃນປີ 2020 ຈະເຖິງນີ້.

            ໂອກາດດັ່ງກ່າວ, ທ່ານ ທອງສະຫວັດ ວົງສະຫວ່າງ ກໍ່ໄດ້ໃຫ້ສຳພາດກັບທີມຂ່າວກິລາ ໃຫ້ຊາບວ່າ : ນັກກິລາຄົນພິການທີມຊາດລາວເຮົາ ແມ່ນໄດ້ຝຶກຊ້ອມກັນມາຢ່າງຕໍ່ເນື່ອງພາຍໃນປະເທດ ແລະ ການໄປເຂົ້າຮ່ວມການແຂ່ງຂັນແລ່ນ-ລານຊີງແຊ້ມໂລກ ໃນຄັ້ງນີ້ ກໍ່ມີຄວາມຫວັງວ່າ ຈະໄດ້ອັນດັບທີ່ດີຂຶ້ນ ແລະ ໄດ້ຕາມເປົ້າໝາຍທີ່ວາງໄວ້ ເພື່ອໃຫ້ໄດ້ຄະແນນຈະເຂົ້າຮ່ວມການແຂ່ງຂັນ ພາຣາແລມປິກເກມ ທີ່ນະຄອນຫຼວງໂຕກຽວ ປະເທດຍີ່ປຸ່ນ  ໃນປີ 2020 ຈະເຖິງນີ້.

          ສຳລັບ ການໄປເຂົ້າຮ່ວມງານແຂ່ງຂັນແລ່ນ-ລານຊີງແຊ໋ມໂລກ ໃນຄັ້ງນີ້ ຍັງເປັນການກະກຽມ ແລະ ທົດສອບນັກກິລາແລ່ນຄົນພິການທີມຊາດລາວ ນຳອີກ ກ່ອນເຂົ້າຮ່ວມງານມະຫະກຳກິລາ ອາຊຽນພາຣາເກມ ທີ່ປະເທດຟີລິບປິນ ໃນຕົ້ນປີ 2020 ນຳອີກ

ໂດຍ: ວັນສົດໃສ