ລາຍລະອຽດຂ່າວ
ລີໂອ ຊະ​ນະ ເພັດເມືອງເຟືອງ ມວຍຄູ່ເອກ ເສີກນະຄອນຫຼວງ ກໍກຽດແດນຈຳປາ 2019
ຂຽນເມື່ອ: 04/11/2019 22:11 | ໂດຍ: ເພຣເມັກເກີ | ອ່ານ: 186 ຄັ້ງ

      ລີໂອ ເພັດນະຄອນ ນັກ​ຊົກ​ນ້ອງ​ໃໝ່​ວົງ​ການມວຍ​ນະ​ຄອນ​ຫຼ​ວງວຽງ​ຈັນ ສາມາດແຈ້ງ​ເກີດ​ໄລ່​ເອົາຊະນະ​ຄະ​ແນນ ເພັດເມືອງເຟືອງ ນັກ​ຊົກ​ສີ​ມື​ດີ​ຈາກ​ກະ​ຊວງ​ປ້ອງ​ກັນ​ປ້ອງ​ກັນ​ຄວາມ​ສະ​ຫງົບ ຫຼື ປກສ ມວຍຄູ່ເອກ ໃນຮຸ່ນນ້ຳ​ໜັກ 54 ກິໂລກຣາມ ໃນການແຂ່ງຂັນມວຍສົ່ງ​ເສີມ​ນັກ​ຊົກ​ສາຍ​ເລືອດ​ໃໝ່​ກ້າວ​ສູ່​ເງິນ​ລ້ານ ລາຍ​ການ ເສີກນະຄອນຫຼວງ ກໍກຽດແດນຈຳປາ ເພື່ອ​ເປັນ​ການ​ຄັດ​ເລືອກ​ນັກ​ກິ​ລາ​ກຽມ​ຕາງ​ໜ້າ​ທັບ​ນັກ​ກິ​ລາ​ນະ​ຄອນ​ຫຼວງວຽງ​ຈັນ ເຂົ້າ​ຮ່ວມ​ລ່າ​ຫຼຽນ​ຄຳ ງານມ​ະ​ຫາກຳກິ​ລາ​ແຫ່ງ​ຊາດ ຄັ້ງ​ທີ Xl ທີ່​ແຂວງ​ຊຽງ​ຂວາງ ເປັນ​ເຈົ້າ​ພາບ ໃນ​ປີ 2020.

      ການ​ແຂ່ງ​ຂັນ​ມວຍ​ລາຍ​ການ​ເສີກນະຄອນຫຼວງ ກໍກຽດແດນຈຳປາ ຈັດ​ຂຶ້ນ ເປັນ​ປົກ​ກະ​ຕິ ໃນ​ວັນ​ທີເມື່ອວັນເສົາທີ 2 ພະຈິກ ຜ່ານ​ມາ ທີ່ສະໂມສອນກິ​ລາໃນຮົ່ມ ສະຫະພັນມວຍລາວນະຄອນຫຼວງວຽງຈັນ (ບຶງຂະຫຍອງ) ໂດຍ​ມີ​ນັກ​ຊົກ​ຈາກ​ຄ້າຍ​ດັງ​ຕ່າງໆ​ອ້ອມ​ຂ້າງ​ສູນ​ກາງ ສົ່ງ​ນັກ​ກິ​ລາ​ຂຶ້ນ​ຊົກ​ເຖິງ 6 ຄູ່ ຕາມ​ເຄີຍ, ໃນ​ນັ້ນ ມວຍ​ຄູ່​ເອກ ເປັນ​ການ​ພົບ​ກັນ​ລະ​ຫວ່າງ ລີ​ໂອ ເພັດ​ນະ​ຄອນ ພົບ​ກັບ ເພັດ​ເມືອງ​ເຟືອງ ຈາກ ປກ​ສ ໃນ​ຮຸ່ນ​ນ້ຳ​ໜັກ 54 ກິໂລກຣາມ.

      ຜ່ານ​ການ​ແຂ່ງ​ຂັນ​ຜົນ​ປະ​ກົດ​ວ່າ: ມວຍ​ຄູ່​ເອກໃນ 2-3 ຍົກທໍາອິດ ລີ​ໂອ ຍ່າງ​ເຂົ້າ​ຫາ​ພ້ອມ​ທັງ​ປ່ອຍ​ອາ​ວຸດ​ເດີນໜ້າຕີ ແລະ ເຮັດໄດ້ດີກວ່າ. ແຕ່​ເຖິງ​ຢ່າງ​ກໍ​ດີ, ເພັດ​ເມືອງ​ເຟືອງ ມາ​ເລັ່ງ​ອອກ​ອາ​ວຸດທັງ​ມັດ, ເຂົ່າ​ສອກ ແລະ​ພ ເຕະ ​ຫວັງ​ຈະ​ທວງ​ເອົາ​ຄືນ ​ແຕ່​ ລີ​ໂອ ກໍ​ອາ​ໃສ​ດັກ​ຈັງ​ຫວະ​ສອງ ບອກ​ມັດ ແລະ ຖີບ​ເປັນ​ຫຼັກ​ທັງ​ສອງສູ້​ກັນໄດ້ຢ່າງສູສີ ແລະ ດຸ​ເດືອດ ກ່ອນ​ຄົຍ​ບ 5 ຍົກ ກໍາມະການກາງ​ເວ​ທີ​ຍົກມືໃຫ້ ລີໂອ ເປັນ​ຝ່າຍເອົາຊະນະຄະແນນໄປ​ຢ່າງ​ຂາວ​ສະ​ອາດ ສ່ວນຜົນຂອງຄູ່ອື່ນໆ ແສງໄຊ ຊະນະຄະແນນ ເພັດນະຄອນ ຮຸ່ນນ້ຳ​ໜັກ 52 ກິໂລ, ໂຈໂຈ້ ສະໂມສອນສອນທອງຄໍາ ຊະນະນ໊ອກ ຈິມບີ້ ສ.ບຸນທະວີ ຮຸ່ນນ້ຳ​ໜັກ 56 ກິໂລຍົກທີ 3, ກ້ອງກັນວານ ປກສ ຊະນະນ໊ອກ ໂບແດງ ສ.ວໍລະສິງ ຮຸ່ນນ້ຳ​ໜັກ 57 ກິໂລຍົກທີ 3, ນ້ອງຝິນຄໍາ ສະໂມສອນ ຄໍາເສັງ ຊະນະຄະແນນ ນ້ອງພິມແພ ສະໂມສອນສອນທອງຄໍາ ຮຸ່ນນ້ຳ​ໜັກ 45 ກິໂລຍິງ ແລະ ສີບລໍ້ ສິດໂຕ້ພາລຸ້ງ ​ຖືກ ເພັດແທ້ ບ້ານໜອງວຽງຄໍາ ຮຸ່ນນ້ຳ​ໜັກ 58 ກິໂລຍົກທີ 3.

ໂດຍ: ປາກກາດຳ