ລາຍລະອຽດຂ່າວ
ບານເຕະ ເຍົາ​ວະ​ຊົນ 2 ຊາດ ຊີງຂັນປະທານຝ່າຍພັດທະນາບານເຕະອານຸຊົນ ແລະ ເຍົາວະຊົນ 2019 ຈະ​ຈັດ​ຂຶ້ນ​ເສົາ​ນີ້
ຂຽນເມື່ອ: 31/10/2019 21:10 | ໂດຍ: ເພຣເມັກເກີ | ອ່ານ: 354 ຄັ້ງ

           ສະຫະພັນກິລາບານເຕະນະຄອນຫຼວງວຽງຈັນ  ຈະຈັດການແຂ່ງຂັນ​ກິ​ລາເຕະບານເຍົາວະຊົນ ມິດ​ຕະ​ພາບ ລາວ-ໄທ ໃນຮຸ່ນອາຍຸ 13 ປີ ແລະ ຮຸ່ນອາຍຸ 15 ປີ (ຢູ-13 ແລະ ຢູ-15) ​ຄັ້ງ​ທີ lll ຊີງຂັນປະທານຝ່າຍພັດທະນາກິລາບານເຕະອານຸຊົນ ແລະ ເຍົາວະຊົນຂອງສະຫະພັນບານເຕະນະຄອນຫຼວງວຽງຈັນ ປະຈຳປີ 2019 ເພື່ອສ້າງຂະບວນການສະເຫຼີມສະຫຼອງບຸນ​ນະ​ມັດ​ສະ​ການ​ພະ​ທາດ​ຫຼວງ ແລະ ວັນ​ຊາດ​ທີ 2 ທັນ​ວາ ຄົບ​ຮອບ 44 ປີ ພ້ອມ​ທັງ​ສ​ືບ​ຕໍ່​ຜູກ​ແໜ້ນ​ຄວາມ​ສາ​ມັກ​ຄີ​ຮັກ​ແພງ​ນັກ​ກິ​ລາ 2 ຊາດ ລາວ-ໄທ ​ໃຫ້​ນັບ​ມື້​ເຕີບ​ໃຫ​ຍ່​ຂະ​ຫ​ຍາຍ​ຕົວ​ຂຶ້ນ​ເລື້ອຍໆ.

          ອີງຕາມການໃຫ້ສຳພາດທ່ານ ສົງການ ພັນແພງດີ ຄະນະຮັບຜິດຊອບຈັດການແຂ່ງຂັນ ຂອງຝ່າຍພັດທະນາກິລາບານເຕະອານຸຊົນ ແລະ ເຍົາວະຊົນ ສະຫະພັນບານເຕະນະຄອນຫຼວງວຽງຈັນ ໃນວັນທີ 31 ຕຸລາ ຜ່ານມາ ໃຫ້ຊາບວ່າ : ໃນອາທິດນີ້ ພວກ​ເຮົາຈະໄດ້ມີການຈັດການແຂ່ງຂັນກິ​ລາເຕະບານເຍົາວະຊົນ 2 ຮຸ່ນ ກໍ​ຄື ຮຸ່ນອາຍຸ 13 ປີ ແລະ ຮຸ່ນອາຍຸ 15 ປີ ມິດ​ຕະ​ພາບ 2 ຊາດ ລາວ-ໄທ ຄັ້ງ​ທີ lll ຊີງຂັນປະທານຝ່າຍພັດທະນາກິລາບານເຕະອານຸຊົນ ແລະ ເຍົາວະຊົນ ສະຫະພັນບານເຕະນະຄອນຫຼວງວຽງຈັນ ປະຈຳປີ 2019 ຂຶ້ນທີ່​ສະ​ໜາມ​ກິ​ລາ​ເຕະ​ບານ​ເຈົ້າ​ອາ​ນຸ​ວົງ ເພື່ອສ້າງຂະບວນການສະເຫຼີມສະຫຼອງບຸນນະມັດສະການທາດຫຼວງ ປະ​ຈຳ​ປີ 2019 ແລະ ຂ່ຳ​ນັບ​ຮັບຕ້ອນຮັບວັນຊາດທີ 2 ທັນວາ ຄົບ​ຮອບ 44 ປີ. ນອກຈາກນັ້ນ, ກໍຍັງເປັນການສ້າງສາຍຜົວພັນດ້ານກິລາບານເຕະມິດຕະພາບ ລະຫວ່າງ ລາວ-ໄທ ອີກ​ດ້ວຍ ການແຂ່ງຂັນດັ່ງກ່າວ ແມ່ນມີທີມເຂົ້າຮ່ວມທັງໝົດ 8 ທີມ ແບ່ງອອກເປັນ 2 ຮຸ່ນ ​ຄື ຮຸ່ນລະ 4 ທີມ ສຳ​ລັບ​ຮຸ່ນອາຍຸ 13 ປີ ປະກອບມີ ສະໂມສອນ ລ໋ອບ ສະເຕດ໊ຽມ ເອັບຊີ, ສະໂມສອນ ວຽງຈັນ ເອັບທີ, ສະໂມສອນ ນະຄອນຫຼວງ ເອັບຊີ ແລະ ສະໂມສອນ ວໍລະວິ ມັກ​ຄູ​ດີ ຈາກປະເທດໄທ ແລະ ຮຸ່ນອາຍຸ 15 ປີ ປະກອບມີ ສະໂມສອນ ລ໋ອບ ສະເຕດ໊ຽມ, ສະໂມສອນທະເວັນຕີຊິກ ຢູໄນເຕັດ, ສະໂມສອນ ນະຄອນຫຼວງ ເອັບຊີ ແລະ ສະໂມສອນ ວໍລະວິ ມັກ​ຄູ​ດີ ຈາກປະເທດໄທ ເລີ່ມແຂ່ງຂັນລະ​ຫວ່າງວັນທີ 2-3 ພະຈິກ 2019.

          ສຳລັບ ຕາຕະລາງການແຂ່ງຂັນປະກອບມີ ຮຸ່ນລະ 4 ທີມ ປະກອບມີ ຮຸ່ນອາຍຸ 13 ປີ ປະກອບມີ ໃນວັນທີ 2 ພະຈິກ 2019 ເວລາ 15:00 ໂມງ ສະໂມສອນ ລ໋ອບ ສະເຕດ໊ຽມ ພົບກັບ ສະໂມສອນ ວຽງຈັນ ເອັບທີ ແລະ ເວລາ 16:00 ໂມງ ສະໂມສອນ ນະຄອນຫຼວງ ເອັບຊີ ພົບກັບ ສະໂມສອນ ວໍລະວິ ຈາກປະເທດໄທ ແລະ ຮຸ່ນອາຍຸ 15 ປີ ປະກອບມີ ເວລາ 13:00 ໂມງ ສະໂມສອນ ລ໋ອບ ສະເຕດ້ຽມ ພົບກັບ ສະໂມສອນ ທະເວັນຕີຊິກ ຢູໄນເຕັດ ແລະ 14:00 ໂມງ ສະໂມສອນ ນະຄອນຫຼວງ ເອັບຊີ ພົບກັບ ສະໂມສອນ ວໍລະວິ ຈາກປະເທດໄທ ສ່ວນໃນວັນທີ 3 ພະຈິກ 2019 ແລະ ຮຸ່ນອາຍຸ 15 ປີ ປະກອບມີ ເວລາ 10:00 ໂມງ ສະໂມສອນ ລ໋ອບ ສະເຕດ້ຽມ ພົບກັບ ສະໂມສອນ ນະຄອນຫຼວງ ເອັບຊີ ແລະ ເວລາ 11:00 ໂມງ ສະໂມສອນ ວໍລະວິ ຈາກປະເທດໄທ ພົບກັບ ສະໂມສອນ ທະເວັນຕີຊິກ ຢູໄນເຕັດ; ຮຸ່ນອາຍຸ 15 ປີ ເວລາ 13:30 ໂມງ ສະໂມສອນ ນະຄອນຫຼວງ ເອັບຊີ ພົບກັບ ສະໂມສອນ ທະເວັນຕີຊິກ ຢູໄນເຕັດ ແລະ ເວລາ 14:30 ໂມງ ສະໂມສອນ ລ໋ອບ ສະເຕດ້ຽມ ເອັບເອ ພົບກັບ ສະໂມສອນ ວໍລະວິ ຈາກປະເທດໄທ ແລະ ຮຸ່ນອາຍຸ 13 ປີ ເວລາ 15:30 ໂມງ ສະໂມສອນ ນະຄອນຫຼວງ ເອັບຊີ ພົບກັບ ສະໂມສອນ ວຽງຈັນ ເອັບທີ ແລະ ເວລາ 16:30 ໂມງ ສະໂມສອນ ລ໋ອບ ສະເຕດ້ຽມ ເອັບເອ ພົບກັບ ສະໂມສອນ ວໍລະວິ ຈາກປະເທດໄທ.

ໂດຍ: ວັນສົດໃສ