ລາຍລະອຽດຂ່າວ
3 ຄ້າຍມວຍຈາກ ໄທ ຈະຂ້າມຂອງ ປະທະ ມວຍນະຄອນຫຼວງ ງານບຸນຊ່ວງເຮືອທ່າວັດຈັນ
ຂຽນເມື່ອ: 10/10/2019 13:10 | ໂດຍ: ເພຣເມັກເກີ | ອ່ານ: 285 ຄັ້ງ

       ໃນວັນທີ 13 ຕຸລາ 2019  ກຽມພົບກັບຄວາມມັນຂອງກິລາມວຍ ໃນງານສະເຫຼີມສະຫຼອງບຸນປະເພນີທ່າວັດຈັນ ປະຈຳປີ 2019 , ເຊິ່ງຈະມີສາມຄ້າຍມວຍດັງ ກໍຄື ຄ້າຍຂວັນໃຈຍີ້ມ, ສໍພິຈິດມົນຕຣີ ແລະ ກຽດສົມນຶກ ຈາກປະເທດໄທ ຂົນ 6 ຍອດນັກຊົກ ຂ້າມແມ່ນໍ້າຂອງ ຈະຂຶ້ນສັງວຽນປະທະ ກັບສຸດຍອດນັກຊົກ 6 ຄົນ ຂອງນະຄອນຫຼວງວຽງຈັນ ການແຂ່ງຂັນມວຍມິດຕະພາບ ລາວ-ໄທ ຫຼື ລາຍການ ເສີກນະຄອນຫຼວງວຽງຈັນ+ກໍກຽດແດນຈຳປາ ທີ່ເວທີມວຍຊົ່ວຄາວບຸນຊ່ວງເຮືອປະເພນີທ່າວັດຈັນ ສະເຫຼີມສະຫຼອງງານບຸນອອກພັນສາປະວໍລະນາ ປະຈຳປີ 2019 ທີ່ໜ້າຜາມໄຊຄະນະກຳມະການ (ຕໍ່ໜ້າທ່າວັດຈັນ) ເມືອງຈັນທະບູລີ ນະຄອນຫຼວງວຽງຈັນ.

          ສຳລັບໂປຣແກຣມການແຂ່ງຂັນ ມວຍມິດຕະພາບ ລາວ-ໄທ ຫຼື ລາຍການ ເສີກນະຄອນຫຼວງວຽງຈັນ+ກໍກຽດແດນຈຳປາ ທີ່ເວທີມວຍຊົ່ວຄາວບຸນຊ່ວງເຮືອທ່າວັດຈັນ ເພື່ອສ້າງຂະບວນການສະເຫຼີມສະຫຼອງງານບຸນປະເພນີ ບຸນອອກກພັນສາປະວໍລະນາ ທີ່ທ່າວັດຈັນ ປະຈຳປີ 2019 ຈະຈັດຂຶ້ນ ໃນວັນທີ 13 ຕຸລາ 2019 ເລີ່ມເວລາ 20:00 ໂມງ ເປັນຕົ້ນໄປ ໂດຍບັນດາແຟນພັນແທ້ມວຍລາວ ຈະໄດ້ຊົມ ແລະ ເຊຍນັກຊົກຂວັນໃຈຂອງຕົນເອງຢ່າງເຕັມອີມເຖິງ 6 ຄູ່ ຈາກ 5 ຮຸ່ນ ກໍຄື ຮຸ່ນທີ 1 ເປັນການພົບກັນລະຫວ່າງ ເພັດນໍ້າຂອງ ມູງຄຸນເພັດ ພົບກັບ ຈະເລີນເດດ ຂວັນໃຈຍີ້ມ (ໄທ) ຮຸ່ນນໍ້າໜັກ 50 ກິໂລກຣາມ, ຄູ່ທີ 2 ສົມບັດ ສໍຮຸ່ງອາລຸນ ພົບກັບ ສຸລິຍັນເຫຼັກ ສໍພິຈິດມົນຕຣີ (ໄທ) ຮຸ່ນນໍ້າໜັກ 56 ກິໂລກຣາມ, ຄູ່ທີ 3 ເພັດພັນແທ້ ກະຊວງປ້ອນກັນຄວາມສະຫງົບ ຫຼື ປກສ ພົບກັບ ຊານເດດ ກຽດສົມນຶກ (ໄທ) ຮຸ່ນນໍ້າໜັກ 55 ກິໂລກຣາມ, ຄູ່ທີ 4 ເພັດເມືອງຊົນ ຂວັນໃຈສີໂຄດ ພົບກັບ ລູກເຕົາ ສໍພິຈິດມົນຕຣີ ຮຸ່ນນໍ້າໜັກ 57 ກິໂລກຣາມ, ຄູ່ທີ 5 ເພັດບຸນຄໍ້າ ປກສ ພົບກັບ ຄົມເພັດ ສໍພິຈິດມົນຕຣີ ຮຸ່ນນໍ້າໜັກ 56 ກິໂລກຣາມ ແລະ ຄູ່ທີ 6 ເພັດສາລະວັນ ມຸງຄຸນເພັດ ພົບກັບ ຍອດຍິງ ຂວັນໃຈຍີ້ມ ຮຸ່ນນໍ້າໜັກ 52 ກິໂລກຣາມ.

ໂດຍ: ສົງການ

ພາບ: ຈ່ອຍ ເຊຍລາວ

 

 

 

 

 

ສະໜັບສະໜູນຂ່າວໂດຍ:



ຂ່າວລ່າສຸດ