ລາຍລະອຽດຂ່າວ
ທ່ານ ນາງ ກັນຍາ ແກ້ວມະນີ ຖືກຄັດເລືອກເປັນຮອງປະທານຄະນະກໍາມະການພັດທະນາບານເຕະຂອງ AFC
ຂຽນເມື່ອ: 26/09/2019 10:09 | ໂດຍ: ເພຣເມັກເກີ | ອ່ານ: 80 ຄັ້ງ

      ຖືວ່າເປັນບົດບາດໃໝ່ ທີ່ສຳຄັນຂອງວົງການບານເຕະລາວ ທີ່ເລຂາທິການບານເຕະຂອງລາວ ທັງແມ່ຍິງຄົນທຳອິດທີ່ໄດ້ຮັບຄັດເລືອກໃຫ້ເປັນ ຮອງປະທານ ຄະນະກໍາມະການພັດທະນາບານເຕະ ອາຊີ(AFC) ເຊິ່ງກ່ອນໜ້ານີ້ ທ່ານ ນາງ ກັນຍາ ແກ້ວມະນີ ກໍ່ໄດ້ຖືກຄັດເລືອກໃຫ້ເປັນ ຄະນະກຳມະກາກິລາບານເຕະຍິງ ຂອງ AFC ມາກ່ອນແລ້ວ.
      ອີງຕາມຂໍ້ມູນຈາກເພສ ທາງການຂອງ ສຕລ (ສະຫະພັນບານເຕະແຫ່ງຊາດລາວ), ໃນວັນທີ 25 ກັນຍາ 2019 ທີ່ສະຫະພັນບານເຕະອາຊີ ກົວລາ ລໍາເປີ, ປະເທດມາເລເຊຍ , ຄະນະກໍາມະການພັດທະນາບານເຕະຂອງສະຫະພັນບານເຕະອາຊີ (AFC Development Committee) ໄດ້ຈັດກອງປະຊຸມຄັ້ງປະຖົມມະລຶກ ຂອງສົກປີ 2019-2023 ທີ່ສໍານັກງານໃຫຍ່ສະຫະພັນບານເຕະອາຊີ ໂດຍການເປັນປະທານຂອງ ທ່ານ Salem Said Salem Al Wahaibi ຈາກປະເທດໂອມານ ເຂົ້າຮ່ວມໂດຍ ທ່ານ Dato’ Windsor John ເລຂາທິການສະຫະພັນບານເຕະອາຊີ ແລະ ພະແນກພັດທະນາສະຫະພັນບານເຕະປະເທດສະມາຊິກ. ວາລະສໍາຄັນຂອງກອງປະຊຸມແມ່ນການປຶກສາຫາລືແນວທາງການຊ່ວຍເຫຼືອປະເທດສະມາຊິກດ້ານງົບປະມານ ເພື່ອພັດທະນາກິລາບານເຕະເຊັ່ນ ໂຄງການ AFAP, AFC President’s Development Initiative, AFC President’s Infrastructure Initiative, AFC President’s Technical Staff Initiative ເປັນຕົ້ນ. ທັ້ງນີ້ ທ່ານ ນາງ ກັນຍາ ແກ້ວມະນີ ເລຂາທິການສະຫະພັນບານເຕະແຫ່ງຊາດລາວ ທັງເປັນ ຄະນະບໍລິຫານງານ ສະຫະພັນບານເຕະອາຊີ ໄດ້ຖືກແຕ່ງຕັ້ງເປັນຮອງປະທານ ຄະນະກໍາມະການ ພັດທະນາບານເຕະ ອີກດ້ວຍ.

      ເຊິ່ງວາລະຂອງການປະຕິບັດໜ້າທີ່ແມ່ນສົກປີ 2019-2023. ຄະນະກໍາມະການພັດທະນາບານເຕະຂອງສະຫະພັນບານອາຊີ (AFC Development Committee) ປະກອບມີສະມາຊິກທັງໝົດ 19  ທ່ານ ຄື:

1. ທ່ານ Salem Said Salem Al Wahaibi (ໂອມານ) ເປັນປະທານ

2. ທ່ານ ນາງ ກັນຍາ ແກ້ວມະນີ (ສປປ ລາວ) ເປັນຮອງປະທານ

3. ທ່ານ David Gallop (ອົດສະຕຣາລີ) ເປັນຄະນະ

4. ທ່ານ Ali Al Buainain (ບາເຣນ) ເປັນຄະນະ

5. ທ່ານ Jigme N. Norbu (ພູຖານ) ເປັນຄະນະ

6. ທ່ານ Luo Zhao (ສປ ຈີນ) ເປັນຄະນະ

7. ທ່ານ Kazumichi Iwagami (ຍິ່ປຸ່ນ) ເປັນຄະນະ

8. ທ່ານ Yong Soo Park (ສ ເກົາຫຼີ) ເປັນຄະນະ

9. ທ່ານ Chan Keng Hou (ມາເກົາ) ເປັນຄະນະ

10. ທ່ານ Mohd Joehari Ayub (ມາເລເຊຍ) ເປັນຄະນະ

11. ທ່ານ Shijir Ulzhiikhuu (ມົງໂກລີ) ເປັນຄະນະ

12. ທ່ານ Karma Tsering Sherpa (ເນປານ) ເປັນຄະນະ

13. ທ່ານ Ross Zapanta (ໝູ່ເກາະມາຣິອານນ່າເໝືອ) ເປັນຄະນະ

14. ທ່ານ Ahmed Yar Khan Lodhi (ປາກິສະຖານ) ເປັນຄະນະ

15. ທ່ານ Mohammed Khalid Fakhroo (ກາຕ້າ) ເປັນຄະນະ

16. ທ່ານ Korrawee Prissananantakul (ໄທ) ເປັນຄະນະ

17. ທ່ານ Arslan Aynazarov (ເຕີກເມນິດສະຖານ) ເປັນຄະນະ

18. ທ່ານ Mohammed Hazzam Al Dhaheri (ສະຫະລັດອາຫລັບເອມິເຣດ) ເປັນຄະນະ

19. ທ່ານ Avaz Maksumov (ອຸດເບກິສະຖານ) ເປັນຄະນະ

ພາບແລະຂ່າວ ສຕລ

ສະໜັບສະໜູນຂ່າວໂດຍ: