ລາຍລະອຽດຂ່າວ
ເທັນນິດນະຄອນຫລວງ ສົ່ງນັກກີລາເຂົ້າຮ່ວມການແຂ່ງຂັນລາຍການ World junior tennis tour
ຂຽນເມື່ອ: 13/09/2019 22:09 | ໂດຍ: ເພຣເມັກເກີ | ອ່ານ: 296 ຄັ້ງ

      ໃນຕອນແລງຂອງມື້ນີ້ ວັນທີ 13 ກັນຍາ 2019 ຄະນະນັກກິລາເທັນນິສ ຈາກສະຫະພັນເທັນນິສ ນະຄອນຫຼວງໄດ້ອອກເດີນທາງເຂົ້າຮ່ວມການແຂ່ງຂັນໃນລາຍການ World junior tennis tour ທີ່ນະຄອນຫຼວງໂຕກຽວ, ປະເທດຢິປຸ່ນ ໃນລາຍການນີ້ມີທັງໝົດ 13 ປະເທດເຂົ້າຮ່ວມ ປະກອບດ້ວຍ ສະຫະລັດອາເມລິກາ, ອອສເຕຣເລຍ, ຈີນ, ສ.ເກົາຫຼີ, ຮ່ອງກົງ, ໄທ, ຟີລິບປິນ, ລາວ, ຍິປຸ່ນ, ຝລັ່ງ, ໄອແລນ, ອັງກິດ ແລະ ອີ່ຢິບ
        ການແຂ່ງຂັນຈະດຳເນີນຂຶ້ນລະຫວ່າງ ວັນທີ 13-22 ກັນຍາ 2019, ໂດຍການນຳທີມເຂົ້າຮ່ວມຂອງທ່ານ ຕຸ້ຍ ບຸນທະລາ ປະທານ ສະຫະພັນເທັນນິດນະຄອນຫລວງ ແລະມີທ່ານ ທ່ານ ຈິດຕະກອນ ໄຊຍະລິນ ຄູຝຶກ ນຳທີມເຂົ້າຮ່ວມການແຂ່ງຂັນພ້ອມດ້ວຍ ນັກກີລາ 3 ຄົນຄື : ທ້າວ ໄດມອນ ບຸນທະລາ ອາຍຸ 11 ປີ, ທ້າວ ເຄນນີ້ ຄຳສິງ ນັກກີລາຈາກຫລວງພະບາງ ອາຍຸ 13 ປີ ແລະ ທ້າວ ໄຊຊະຫວັດ ຈັນຊົມພູ ອາຍຸ 15 ປີ. ການເຂົ້າຮ່ວມແຂ່ງຂັນໃນຄັ້ງນີ້ຖືວ່າເປັນຄັ້ງທຳອິດ ທີ່ສະຫະພັນເທັນນິດນະຄອນຫລວງໄດ້ສົ່ງນັກກີລາອອກແຂ່ງລາຍການໃຫຍ່ຢ່າງເປັນທາງການຫລັງຈາກແຕ່ງຕັ້ງຄະນະບໍລິຫານຊຸດໃຫມ່ໄດ້ພຽງ 2 ເດືອນ.

ຮຽບຮຽງໂດຍ: ນັກຂ່າວເງົາ

ພາບຈາກ: 

ສະໜັບສະໜູນຂ່າວໂດຍ: