ລາຍລະອຽດຂ່າວ
ແກ້ວວຽງເພັດ ຊັດ 2 ປະຕູ ຂຶ້້ນນຳດາວຊັນໂວ ລາວພຣີເມຍລີກ ພ້ອມພາ Master 7  ຄອງອັນດັບ 2
ຂຽນເມື່ອ: 13/09/2019 20:09 | ໂດຍ: ເພຣເມັກເກີ | ອ່ານ: 197 ຄັ້ງ

      ໃນຕອນແລງຂອງມື້ນີ້ ມີການແຂ່ງຂັນບານເຕະນັດສຸດທ້າຍ 2 ຄູ່ແຂ່ງຂັນພ້ອມກັນ ເວລາ 16:30 ທີ່ສະໜາມກິລາແຫ່າງຊາດຫຼັກ 16 ເດີ່ນນອກແລະເດີ່ນໃນ ເຊິ່ງຜົນຂອງຄູ່ນີ້ມີຜົນຕໍ່ການລຸ້ນອັນດັບ 2 ຂອງການແຂ່ງຂັນລາວພຣີເມຍລີກປີກນີ້. ໂດຍເດີ່ນໃນ ເປັນການພົບກັນລະຫວ່າງ ສະໂມສອນ ຊ້າງນ້ອຍ ພົບກັບ ອີໂວ້ ຢູໄນເຕັດ ແລະ ເດີ່ນນອກເປັນການພົບກັນລະຫວ່າງ Master 7 ພົບກັບ ກອງທັບ.

      ການແຂ່ງຂັນໃນຄູ່ລະຫວ່າງ Master 7 ພົບກັບ ກອງທັບ ຖ້າຫາກຜົນຈົບລົງດ້ວຍໄຊຊະນະຂອງ Master 7 ຄອງອັນດັບ 2 ທັນທີ, ພໍແຕ່ເກມເປີດສາກຂຶ້ນ Master 7 ກໍ່ເປີດເກມບຸກໃສ່ທັນທີ ແລະ ເປັນຝ່າຍຄອງບານຫຼາຍກວ່າ ແລະ ຄວາມພະຍາຍາມຂອງ Master 7 ມາປະສົບຜົນສຳເລັດໃນນາທີ ທີ 40 ໂດຍການຍິງ ຂອງຜູ້ຫຼິ້ນໝາຍເລກ 10 Takaya Sugasawa, ເຮັດໃຫ້ Master 7 ຂຶ້ນນຳ 1-0 ຈາກນັ້ນທັງ 2 ທີມເປີດເກມບຸກເຂົ້າໃສ່ກັນຢ່າງມັນ ແຕ່ບໍ່ມີທີມໃດ ສາມາດເພີ່ມສະກໍ່ໃຫ້ຕົນເອງໄດ້ຈົບເຄິ່ງເວລາທີ 1 Master 7 ຂຶ້ນນຳ ກອງທັບ 1-0

       ກັບເຂົ້າສູ່ ເຄິ້ງເວລາທີ 2 ທັງ 2 ທີມເປີດເກມເຂົ້າໃສ່ກັນເໝືອນເຄີຍ ແຕ່ ເກມບຸກຂອງ Master 7 ສຽບຄົມກວ່າ ແລະມາໄດ້ປະຕູໜີ່ຮ່າງອອກໄປ ເປັນ 2 ປະຕູໄດ້ຈາກການຍິງຂອງ Takaya Sugasawaຄົນເກົ່າ ໃນນາທີ ທີ 54, ຈາກນັ້ນບໍ່ດົນ ແກ້ວວຽງເພັດ ລິດທິເດດ ທີ່ຫຼິ້ນໄດ້ຢ່າງໂດດເດັ່ນໃນເກມນີ້ ມີເບິ້ນອີກ 2 ປະຕູໃຫ້ໃນນາທີ ທີ 67 ແລະ 82 ຂຶ້ນນຳເປັນດາວຊັນໂວ ຂອງລາວພຣີເມຍລີກ ຍິງໄດ້ທັງໝົດ 14 ປະຕູນຳບຸນພະຈັນ ບຸນກອງ ຂອງຊ້າງນ້ອຍ ທີ່ຍິງໄດ້ 13 ປະຕູ ແລະ Kazuo Homma ຂອງລາວ ໂຕໂຢຕ້າທີ່ຍິງໄດ້ 12 ປະຕູ ເຮັດໃຫ້ຈົບເກມ Master 7 ຖະລົ່ມກອງທັບໄປ 4-0, ຄວ້າອັນດັບ 2 ຂອງລາວພຣີເມຍລີກ ແລະ ໄດ້ສິດໃນການເຂົ້າຮ່ວມການແຂ່ງຂັນ AFC Cup ໃນລະດູການໜ້າ, ແລະ ສົ່ງຜົນໃນຊ້າງນ້ອຍ ໄດ້ອັນດັບ 3

ໂດຍ: ນັກຂ່າວເງົາ

ພາບຈາກ: ສຕລ