ລາຍລະອຽດຂ່າວ
ສິນທະນົງ ຍິງປະຕູໄຊ ໃຫ້ ປກສ ບຽດຊະນະ  ຊ້າງນ້ອຍ ແຊງເປັນທີມນຳຕາຕະລາງ ສາຍ ກໍ
ຂຽນເມື່ອ: 31/08/2019 22:08 | ໂດຍ: ເພຣເມັກເກີ | ອ່ານ: 191 ຄັ້ງ

      ຄູ່ເອກການແຂ່ງຂັນບານເຕະ ສາຍ ກ(Division 1) ປະຈຳປີ 2019 ປະຈຳອາທິດນີ້ເປັນການລົງສະໜາມນັດທີ 17 ຂອງແຕ່ລະທີມ ແລະ ເປັນການຍາດຊີງອັນດັບ 1 ຂອງຕາຕະລາງ ລະຫວ່າງ ທີມ ກະຊວງປ້ອງກັນຄວາມສະຫງົບ(ປກສ) ພົບກັບ ທີມ ຊ້າງນ້ອຍ ໄດ້ທໍາການແຂ່ງຂັນກັນໃນຕອນແລງເວລາ 16:00 ຂອງມື້ນີ້ວັນທີ 31/08/2019, ທີ່ສະໜາມກິລາແຫ່ງຊາດຫຼັກ 16(ເດີ່ນນອກ)ເຊິ່ງກ່ອນລົງສະໜາມທັງ 2 ທີມມີຄະນະແນນລວມເທົ່າກັນ 41 ຄະແນນແຕ່ຊ້າງນ້ອຍ ມີປະຕູໄດ້ເສຍທີ່ດີກວ່າ. ເກມເປີດສາກຂຶ້ນໂດຍທັງ 2 ທີມຕ່າງຝ່າຍຕ່າງກໍ່ຫຼິ້ນກັນແບບລະມັດລະວັງຕະຫຼອດເວລາຂອງເຄິ່ງເວລາທີ 1 ຕ່າງຝ່າຍຕ່າງກໍ່ມີໂອກາດບຸກແຕ່ຈົບດ້ວຍການຍິງໜ້ອຍເຮັດໃຫ້ຈົບເຄິ່ງທັງ ຄູ່ສະເໝີກັນ 0-0, ເຂົ້າສູ່ເູຄິ່ງເວລາທີ 2 ເປັນ ປກສ ເປີດເກມເຂົ້າໃສ່ ຊ້າງນ້ອຍແລະມາປະສົບຜົນສຳເລັດໃນນາທີ ທີ 53 ເປັນ ສິນທະນົງ ພັນວົງສາ ຜູ້ຫຼິ້ນໝາຍເລກ 26 ເຮັດໃຫ້ ປກສ ອອກນຳໄປ 1-0 ຫຼັງຈາກເສຍປະຕູ ຊ້າງນ້ອຍກະມີການປັບເກມແລະເດີນເກມເປີດເກມບຸກເຂົ້າໃສ່ ປກສ ຢ່າງເຕັມທີ ແລະມີໂອກາດເຂົ້າໄປປັ່ນປ່ວນໃນເຂດໜ້າປະຕູຂອງ ປກສ ຫຼາຍຄັ້ງ ແຕ່ຈົນແລ້ວຈົນເລົ່າ ກໍ່ບໍ່ສາມາດທວງປະຕູຄືນໄດ້ ເຮັດໃຫ້ຈົບ ເກມ ປກສ ບຽດເອົາຊະນະ ຊ້າງນ້ອຍ FC ໄປ 1-0 ແລະກາຍເປັນທີມອັນດັບ 1 ໃນຕາຕະລາງແຂ່ງຂັນບານເຕະສາຍ ກ ມີ 44​ ຄະແນນ ແລະ ເຮັດໃຫ້ຊ້າງນ້ອຍ ຕົກມາເປັນອັນດັບ 2 ມີ 41 ຄະແນນຄືເກົ່າ

      ສ່ວນຜົນການແຂ່ງຂັນ ອີກ 2 ຄູ່ທີ່ແຂ່ງຂັນພ້ອມກັນທີ່ສະໜາມບານເຕະຂອງສະຫະພັນບານເຕະແຫ່ງຊາດລາວ, ທຣີນິຕີ FC ຍັງມາແຮງຢ່າງຕໍ່ເນື່ອງເອົາຊະນະ ທີມ ແບລາວອາຄາເດມີ ໄປ 1-0 ແລະ ທີມ ກອງທັບ FC ຊະນະ ທີມ Master 7 2-0 ເຮັດໃຫ້ ກອງທັບມີຄະແນນລວມເປັນ 34 ຄະແນນຢືດອັນດັບ 3​ຂອງຕາຕະລາງໄວ້ຢ່າງໜຽວແໜ້ນ ແລະ ທຣີນິຕີມີ 8 ຄະແນນ ຢູ່ ອັນດັບ 11​ຂອງຕາຕະລາງ

      ສຳລັບມື້ອື່ນ ຄູ່ເອກຕ້ອງຍົກໃຫ້ ຄູ່ຊີງອັນດັບ 5 ຂອງຕາຕະລາງ ວຽງຈັນ FT ເປີດບ້ານພົບກັບ ມຊ FC ເຊິ່ງຈະເລີ່ມແຂ່ງຂັນກັນໃນເວລາ 16:00 ທີ່ສະໜາມກິລາ ຫຼັກ 16. ແຟນບານບໍ່ຄວນພາດ

ໂດຍ: ນັກຂ່າວເງົາ

ພາບຈາກ: ສຕລ

ສະໜັບສະໜູນຂ່າວໂດຍ:



ຂ່າວລ່າສຸດ