ລາຍລະອຽດຂ່າວ
ສະຫະພັນບານເຕະນະຄອນຫຼວງ ສານຝັນ ນັກເຕະເຍົາວະຊົນ ຈັດການແຂ່ງຂັນບານເຕະ ຮຸ້ນ U11, U13 ແລະ U16
ຂຽນເມື່ອ: 29/08/2019 14:08 | ໂດຍ: ເພຣເມັກເກີ | ອ່ານ: 57 ຄັ້ງ

      ໃນຕອນບ່າຍ ຂອງວັນທີ 28 ສິງຫາ 2019 ໄດ້ມີພິທີຈັບສະຫຼາກ ແລະ ຖະແຫຼ່ງຂ່າວການກຽມພ້ອມ ຈັດການແຂ່ງຂັນ ກິລາບານເຕະ ຮຸ່ນເຍົາວະຊົນ ຊິງຂັນປະທານ ປະທານສະຫະພັນບານເຕະນະຄອນຫວງວຽງຈັນ ຄັ້ງທີ 1 ປະຈຳປີ 2019 ທີ່ຫ້ອງການໂອແລມປິກແຫ່ງຊາດລາວ ໂດຍໃຫ້ກຽດເຂົ້າຮ່ວມຂອງທ່ານ ວຽງສະຫວັນ ແສງຈັນ ປະທານສະຫະພັນບານເຕະນະຄອນຫວງວຽງຈັນ ພ້ອມດ້ວຍຜູ້ຮັບຜິດຊອບຈັດການແຂ່ງຂັນ, ຄະນະນຳ, ຄູເຝິກ ແລະ ຕາງໜ້ານັກກິລາ 10 ພາກສ່ວນ ຄື: ລ໋ອບສະເຕດຽມ, ວຽງຈັນ ອາຄາເດມີ້ ເອັບຊີ, ໄກ່ປ່າ, ຕາວັນ ຊີຊີ-55, ປະສານໃຈ, ນະຄອນຫວງວຽງຈັນ, ດີເຄ, ຈິງໃຈ, ທຣາມຟາມຊັນ ແລະ ທະເວັນຕີຊິກເຂົ້າຮ່ວມຢ່າງພ້ອມພຽງ.
    ໃນໂອກາດນີ້ ທ່ານ ວຽງສະຫວັນ ແສງຈັນ ມີຄຳເຫັນໃນພິທີວ່າ: ລາຍການນີ້ຈັດຂຶ້ນເພື່ອເປັນການສ້າງຂະບວນຕ້ອນຮັບເປີດສົກຮຽນໃໝ່ 2019-2020 ພ້ອມທັງເປັນການ ຄັດເລືອກເອົານັກກິລາເພື່ອເຂົ້າຮ່ວມການແຂ່ງຂັນ ງານມະຫາກຳກິລານັກຮຽນ ທົ່ວປະເທດ ທີ່ຈະຈັດຂຶ້ນທີ່ແຂວງສາລະວັນ ຮັບກຽດເປັນເຈົ້າພາບ ໃນປີ 2021 ນີ້ອີກດ້ວຍ.
    ການແຂ່ງຂັນ ໃນຄັ້ງນີ້ມີ 10 ສະໂມສອນເຂົ້າຮ່ວມ ແບ່ງອອກເປັນ 3 ຮຸ່ນຄື: ຮຸ່ນອາຍຸບໍ່ເກີນ 11 ປີ,ຮຸ່ນອາຍຸບໍ່ເກີນ 13 ປີ ແລະ ຮຸ່ນອາຍຸບໍ່ເກີນ 16 ປີ ເຊິ່ງແຕ່ລະຮຸ່ນມີ 6 ທີມເຂົ້າຮ່ວມ ແລະ ແຕ່ລະຮຸ່ນແບ່ງອອກເປັນ 2 ກຸ່ມຄື: ກຸ່ມ ເອ ແລະ ກຸ່ມ ບີ ໂດຍຮູບແບບການແຂ່ງຂັນແມ່ນແຕ່ລະທີມໃຂກຸ່ມແຂ່ງຂັນພົບກັນໝົດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ ໂດຍກຳນົດໃຫ້ແຕ່ລລະທີມ ສົ່ງນັກກິລາເຂົ້າຮ່ວມໄດ້ທັງໝົດ 25 ຄົນ, ໃນນັ້ນ ຄະນະນຳ,ຄູເຝິກ 5 ຄົນ ແລະ ນັກກິລາ 20 ຄົນ .
    ສຳລັບ ຮຸ່ນອາຍຸ ບໍ່ເກີນ 11 ປີ ປະກອບດ້ວຍ


# ກຸ່ມເອ: ລ໋ອບສະເຕດຽມ,ວຽງຈັນ ອາຄາເດມີ້ ເອັບຊີ,ໄກ່ປ່າ
# ກຸ່ມບີ: ຕາວັນ ຊີຊີ-55,ປະສານໃຈ,ນະຄອນຫວງວຽງຈັນ
    ສຳລັບ ຮຸ່ນອາຍຸ ບໍ່ເກີນ 13 ປີ ປະກອບດ້ວຍ
# ກຸ່ມເອ: ດີເຄ,ວຽງຈັນ ອາຄາເດມີ້ ເອັບຊີ,ຕາວັນ ຊີຊີ-55
#ກຸ່ມບີ: ຈິງໃຈ,ນະຄອນຫວງວຽງຈັນ,ທຣາມຟາມຊັນ
  ສຳລັບ ຮຸ່ນອາຍຸ ບໍ່ເກີນ 16 ປີ ປະກອບດ້ວຍ
#ກຸ່ມເອ: ທະເວັນຕີຊິກ,ນະຄອນຫວງວຽງຈັນ,ຈິງໃຈ
#ກຸ່ມບີ: ປະສານໃຈ,ວຽງຈັນ ອາຄາເດມີ້ ເອັບຊີ,ດີເຄ


      ສຳລັບລາງວັນ, ທີມຊະນະເລີດແຕ່ລະຮຸ່ນ ຈະໄດ້ຮັບຂັນ 1 ໜ່ວຍ ແລະ ຫຼຽນຄຳ, ທີ2 ຈະໄດ້ຮັບຫຼຽນເງິນ ແລະ ທີ3 ຈະໄດ້ຮັບຫຼຽນທອງ ນອກຈາກນີ້ກໍ່ຍັງມີ ລາງວັນທີມດີເດັ່ນ ແລະ ລາງວັນນັກເຕະຜູ້ ຍິງປະຕູສູງສຸດຂອງແຕ່ລະຮຸ່ນອີກດ້ວຍ. ລາຍການນີ້ ຄາດວ່າ ຈະດຳເນີນເປັນເວລາ 3 ອາທິດ ຈຶ່ງຈະສຳເລັດ ແລະ ຈະເລີ່ມແຂ່ງຂັນ ໃນວັນເສົາທີ 7 ກັນຍາ 2019 ນີ້.

ພາບແລະຂ່າວໂດຍ: ສາວນ້ອຍ

ສະໜັບສະໜູນຂ່າວໂດຍ:



ຂ່າວລ່າສຸດ