ລາຍລະອຽດຂ່າວ
ຄູຝຶກເທັນນິສລາວ ໄດ້ຮັບການຍົກລະດັບຈາກ ຄູຝຶກລະດັບສາກົນ
ຂຽນເມື່ອ: 13/08/2019 21:08 | ໂດຍ: ເພຣເມັກເກີ | ອ່ານ: 81 ຄັ້ງ

      ໃນຕອນເຊົ້າຂອງັວນທີ 13 ສິງຫາ 2019 ທີ່ສະຫະພັນເທັນນິສແຫ່ງຊາດລາວ ໄດ້ມີການຈັດຝຶກອົບຮົມຄູຝຶກເທັນນິດຂັນພື້ນຖານ (play-Stay coaching) ໂດຍ ສະຫະພັນເທັນນິດແຫ່ງຊາດລາວຮ່ວມກັບສະຫະພັນເທນນິດສາກົນ ໂດຍມີ ທ່ານ ດາວວອນ ພະຈັນທະວົງ ປະທານສະຫະພັນເທນນິດແຫ່ງຊາດລາວໃຫ້ກຽດ ເປັນປະທານ ໃນພິທີດັ່ງກ່າວ ແລະ ມີທ່ານ Jonathan Stubbs ຄູຝຶກຈາກສະຫະພັນເທັນນິດສາກົນ ຜູ້ດູແລການພັດທະນາກິລາເທັນນິດໃນຂົງເຂດອາຊີຕາເວັນອອກສຽງໃຕ້ ເປັນວິທະຍາກອນຝຶກສອນໃນຄັ້ງນີ້, ການຝືກອົບຮົມຄັ້ງນີ້ມີສຳມະນາກອນທີ່ເປັນບັນດາຄູຝຶກເທັນນິສ ແລະ ນັກເທັນນິດທີ່ມີຄວາມສົນໃຈຈະເປັນຄູຝຶກໃນອານາຄົດເຂົ້າຮ່ວມທັງຫມົດ 16 ທ່ານ. ໃນນັ້ນ ມາຈາກແຂວງສະຫວັນນະເຂດ 3 ທ່ານ, ອາຈານຈາກພະແນກສຶກສານະຄອນຫລວງ 1 ທ່ານ, ນັກກິລາຈາກສະຫນາມກິລາແຫ່ງຊາດຫລັກ16 2 ທ່ານ , ນັກກິລາຈາກສະໂມສອນເທັນນິດເຈົ້າອານຸວົງ 5 ທ່ານ ແລະ ບັນດາອາຈານ ແລະ ນັກກິລາຈາກນະຄອນຫລວງ ອີກ 4 ທ່ານ. 

       ສຳລັບຜູ້ທີ່ເຂົ້າຮ່ວມເຝິກເອົາຮົ່ມໃນຄັ້ງນີ້ຖ້າເສັງຜ່ານແມ່ນຈະໄດ້ຮັບໃບປະກາດ play-stay coaching ຈາກສະຫະພັນເທັນນິດສາກົນ ແລະ ໄດ້ຮັບໃບຢັ້ງຢືນການເຂົ້າຮ່ວມເຝິກອົບຮົ່ມຈາກສະຫະພັນເທັນນິດແຫ່ງຊາດລາວອີກດ້ວຍ.

     

ສະໜັບສະໜູນຂ່າວໂດຍ: