ລາຍລະອຽດຂ່າວ
ນັກກິລານັກຮຽນ ສ້າງຊື່່ສຽງໃຫ້ ລາວໃນງານ CDWG ທີ່ ສປ. ຈີນ
ຂຽນເມື່ອ: 10/08/2019 18:08 | ໂດຍ: ເພຣເມັກເກີ | ອ່ານ: 621 ຄັ້ງ

      ໃນງານບຸນມະໂຫລານ ກິລາ Colorful Dream World Games, ທີ່ຈັດຂຶ້ນໃນລະຫວ່າງວັນທີ 5-9 ສິງຫາ 2019 ຢູ່ທີ່ເມືອງ Linxia ແຂວງ Gansu ສປ. ຈີນ, ໃນງານແຂ່ງຂັນນີ້ ເປັນການແຂ່ງຂັນລະດັບເຍົາວະຊົນລະຫວ່າງ ອາຍຸ 6-16 ປີ ໂດຍມີທັງໝົດ 4 ປະເພດກີລາປະກອບດ້ວຍ ແລ່ນ-ລານ, ບານເຕະ(ເຕະເດີ່ນນ້ອຍ), ດອກປີກໄກ່, ແລະບານບ້ວງ, ມີທັງໝົດ 10 ປະເທດເຂົ້າຮ່ວມ ປະກອບດ້ວຍ ຄາຊັກສະຖານ, ຄີກິດສະຖານ, ອຸສເບກິສຖານ, ໄທ, ເນປານ, ສິງກະໂປ, ລາວ, ລັດເຊຍ, ເກົາຫຼີໃຕ້ ແລະ ຈີນ(ເຈົ້າພາບ). ສະເພາະລາວເຮົາໄດ້ມີການສົ່ງນັກກິລາພ້ອມດ້ວຍຄະນະເຂົ້າຮ່ວມແຂ່ງຂັນໃນຄັ້ງນີ້ທັງໝົດ 6 ຄົນ ປະກອບດ້ວຍ

  1. ທ່ານ ອຈ.ປອ ໃຈລາສີ ຍໍພັນໄຊ ວ່າການຫົວໜ້າພາກວິຊາ ວິທະຍາສາດການກີລາ ມຊ ເປັນຫົວໜ້າຄະນະ
  2. ທ່ານ ນາງ ຄໍາຫຼ້າ ເພັງສີດາລາ ຮອງຜູ້ອໍານວຍການ ໂຮງຮຽນພອນສະຫວັນກີລາ ເປັນຮອງທັງເປັນຄູຝຶກ
  3. ທ່ານ ນາງ ເອລາວັນ ນິຕິພົງ ຮອງຜູ້ອຳນວຍການ ໂຮງຮຽນມັດທະຍົມສົມບູນສາທິດ ເປັນຄະນະ
  4. ທ້າວ ຄຳສີ ຄູນນິວາດ ນັກກິລາ
  5. ນາງ ວິນັດ ສິງຫາລາດ ນັກກິລາ
  6. ນາງ ກ້ວຍຫອມ ສີປານທອງ ນັກກິລາ

      ລົງແຂ່ງຂັນທັງໝົດ 6 ລາຍການແລະສາມາດກວດໝົດ 6 ຫລຽນຄຳໃນ 6 ລາຍການທີ່ລົງແຂ່ງຂັນ, ພ້ອມກັບ 4 ຫຼຽນເງິນ ແລະ 1 ຫຼຽນທອງ ນອກນັ້ນ ທີມຈາກລາວຍັງໄດ້ຮັບລາງທີ່ດີເດັ່ນປະຈຳການແຂ່ງຂັນນີ້ພ້ອມກັບ ປະເທດ ກຳປູເຈຍ ແລະເຈົ້າພາບຈີນອີກດ້ວຍ, ໂດຍ 6 ຫຼຽນຄຳ ໄດ້ຈາກ ທ້າວ ຄຳສີ ຄູນນິວາດ 3 ຫຼຽນຈາກແລ່ນ 100 ແມັດຊາຍ, ແລ່ນ ຂ້າມຮົ້ວ 110 ແມັດຊາຍ ແລະ ເຕັ້ນຍາວ, ນາງ ວິນັດ ສິງຫາລາດ 2 ຫຼຽນຄຳຈາກ ແລ່ນ 100 ແມັດຍິງ ແລະ ແລ່ນ 1000 ແມັດຍິງ ແລະອີກ 1 ຫຼຽນຄຳ ໄດ້ຈາກ ນາງ ກ້ວຍຫອມ ສີປານທອງ ຈາກແລ່ນຂ້າມຮົ້ວ 110 ແມັດ, ແລະ 4 ຫຼຽນເງິນໄດ້ຈາກ ນາງ ກ້ວຍຫອມ ສີປານທອງ ຈາກແລ່ນ ຂ້າມຮົ້ວ 110 ແມັດ ແລະ ເຕັ້ນຍາວ, ນາງ ວິນັດ ສິງຫາລາດ 1 ຫຼຽນເງິນ ຈາກ ແລ່ນຂ້າມຮົ້ວ 110 ແມັດ ແລະ ອີກ 1 ຫຼຽນເງິນຈາກ ທ້າວ ຄຳສີ ຄູນນິວາດ ໃນປະເພດແລ່ນ 1000 ແມັດ ແລະ ອີກ 1 ຫຼຽນທອງຈາກ ນາງ ວິນັດ ສິງຫາລາດ ຈາກເຕັ້ນຍາວ.

ພາບແລະຂ່າວໂດຍ: ນັກຂ່າວ ເງົາ

ສະໜັບສະໜູນຂ່າວໂດຍ: