ລາຍລະອຽດຂ່າວ
ທີມຊາດລາວ ຊຸດໃຫຍ່ ເດີນທາງເຖິງປະເທດບັງກະລາເທດ ເປັນທີ່ຮຽບຮ້ອຍ
ຂຽນເມື່ອ: 09/06/2019 12:06 | ໂດຍ: ເພຣເມັກເກີ | ອ່ານ: 185 ຄັ້ງ

      ວັນທີ 08 ມິຖຸນາ 2019 ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ໄດ້ອອກເດີນທາງໄປປະເທດບັງກະລາເທດ ເພື່ອເຂົ້າຮ່ວມ ການແຂ່ງຂັນບານເຕະໂລກ 2022 ຮອບຄັດເລືອກຮອບທໍາອິດ ແລະ ການແຂ່ງຂັນບານເຕະຊີງແຊ້ມອາຊີ ຫຼື ເອເອັຟຊີ ເອຊຽນ ຄັບ 2023 ຮອບຄັດເລືອກ ນັດທີ 2, ເຊິ່ງນັດທຳອິດ ທີມຊາດລາວ ພາດທ່າ ເສຍໃຫ້ ທີມຊາດບັງກະລາເທດ 0-1. ສຳລັບນັກກິລາ 23 ຄົນທີ່ເດີນທາງໄປແຂ່ງຂັນໃນຄັ້ງນີ້ປະກອບມີ:

+ ຜູ້ຮັກສາປະຕູ

1. ອຸດທິລັດ ນາມມະໂຄດ ຈາກ ສະໂມສອນ ລາວໂຕໂຢຕ້າ ເອັຟຊີ

2. ໄຊສະຫວາດ ສຸວັນນະໂຊກ ຈາກ ສະໂມສອນ ຊ້າງນ້ອຍ ເອັຟຊີ

3. ສໍລະສັກ ທິລະວົງ ຈາກ ສະໂມສອນ ຊ້າງນ້ອຍ ເອັຟຊີ

+ ກອງຫລັງ

4. ຄູນສົມບັດ ພົມມະໄຊ ຈາກ ສະໂມສອນ ປກສ ເອັຟຊີ

5. ທິນນະກອນ ວົງສາ ຈາກ ສະໂມສອນ ປກສ ເອັຟຊີ

6. ທິບພະຈັນ ອິນທະວົງ ຈາກ ສະໂມສອນ ລາວໂຕໂຢຕ້າ ເອັຟຊີ

7. ກ້າຫານ ເພັດສີວິໄລ ຈາກ ສະໂມສອນ ຊ້າງນ້ອຍ ເອັຟຊີ

8. ກິດຕິສັກ ພົມວົງສາ ຈາກ ສະໂມສອນ ຊ້າງນ້ອຍ ເອັຟຊີ

9. ວັນນາ ບຸນຫລໍ່ວົງສາ ຈາກ ສະໂມສອນ ຊ້າງນ້ອຍ ເອັຟຊີ

10. ລັດທະໄຊ ລຸນລາສີ ຈາກ ສະໂມສອນ ຊ້າງນ້ອຍ ເອັຟຊີ

+ ກອງກາງ

11. ຈັນທະພອນ ແຫວນວົງສົດ ຈາກ ສະໂມສອນ ຂອນແກ່ນ ເອັຟຊີ ໄທລີກ 2

12. ພຸດທະໄຊ ໂຄຈະເລີນ ຈາກ ສະໂມສອນ ນະຄອນປະຖົມ ຢູໄນເຕັດ ໄທລີກ 3

13. ແສງວິໄລ ຈັນທະສິລີ ຈາກ ສະໂມສອນ ພິດສະນຸໂລກ ເອັຟຊີ ໄທລີກ 4

14. ມະໂນລົມ ເພັດພັກດີ ຈາກ ສະໂມສອນ ລາວໂຕໂຢຕ້າ ເອັຟຊີ

15. ພຸດດາວີ ພົມມະສານ ຈາກ ສະໂມສອນ ລາວໂຕໂຢຕ້າ ເອັຟຊີ

16. ສີສະຫວາດ ດາລາວົງ ຈາກ ສະໂມສອນ ກອງທັບ ເອັຟຊີ

17. ພູທອນ ອິນນະໄລ ຈາກ ສະໂມສອນ ກອງທັບ ເອັຟຊີ

18. ຄິດສາຄອນ ຈຳປາທອງ ຈາກ ສະໂມສອນ ປກສ ເອັຟຊີ

19. ສົມລິດ ແສງວັນນີ ຈາກ ສະໂມສອນ ຊ້າງນ້ອຍ ເອັຟຊີ

+ ກອງຫນ້າ

20. ສຸກອາພອນ ວົງຈຽງຄຳ ຈາກ ສະໂມສອນ ໄຊນາດ ເອັຟຊີ ໄທລີກ 1

21. ບຸນພະຈັນ ບຸນກອງ ຈາກ ສະໂມສອນ ຊ້າງນ້ອຍ ເອັຟຊີ

22. ສົມໄຊ ແກ້ວຫານາມ ຈາກ ສະໂມສອນ ຊ້າງນ້ອຍ ເອັຟຊີ

23. ວັນນະສອນ ດວງໄມຕີ ຈາກ ສະໂມສອນ ຊ້າງນ້ອຍ ເອັຟຊີ

        ໂດຍແຂ່ງຂັນກັນ 2 ນັດຈະແຂ່ງຂັນກັນໃນວັນທີ 11 ມິຖຸນາ 2019 ເວລາ 19:00 ຕາມເວລາທ້ອງຖິ່ນ ແຂ່ງຂັນຢູ່ທີ່ສະຫນາມ Bangabandhu National Stadium ປະເທດບັງກະລາເທດ. ສໍາລັບຮອບຄັດເລືອກຮອບທໍາອິດຂອງ ບານໂລກ 2022 ແລະ ເອຊຽນ ຄັບ 2023 ໂຊນອາຊີ ຈະຄັດເລືອກເອົາມາດຕະຖານດຽວກັນຄື ນໍາເອົາ 34 ທີມ ທີ່ມີອັນດັບແຕ່ 1 - 34 ຂອງໂຊນອາຊີ ເຂົ້າໄປຢືນລໍຖ້າໃນຮອບຄັດເລືອກຮອບ 2, ສ່ວນອັນດັບທີ 35 - 46 ຕ້ອງມາຄັດເລືອກໃນຮອບທໍາອິດເພື່ອລຸ້ນເຂົ້າຮອບ 2 ຕໍ່ໄປ, ເຊັ່ນດຽວກັບ ທີມຊາດລາວ ທີ່ປັດຈຸບັນຢູ່ອັນດັບທີ 184 ຂອງໂລກ ແລະ ອັນດັບທີ 38 ຂອງໂຊນອາຊີ ຕ້ອງໄດ້ຫຼິ້ນຮອບທໍາອິດ.

ພາບແລະຂ່າວ ຈາກນັກຂ່າວ: ສຕລ

ສະໜັບສະໜູນຂ່າວໂດຍ: