ລາຍລະອຽດຂ່າວ
ທີມແລ່ນລານລາວ ຄວ້າ 1 ຫຼຽນຄຳ 2​ ຫຼຽນເງິນ 1 ຫຼຽນທອງ ໃນລາຍການ Thailand Open
ຂຽນເມື່ອ: 22/05/2019 10:05 | ໂດຍ: ເພຣເມັກເກີ | ອ່ານ: 464 ຄັ້ງ

      ການແຂ່ງຂັນແລ່ນລາຍ ລາຍການ Thailand Open 2019 ທີ່ດຳເນີນການແຂ່ງຂັນໃນລະຫວ່າງ 18-21/05/2019 ທີ່ສະໜາມສຸກພັກສະລາໄສ, ໃນລາຍການນີ້ ລາວເຮົາສົ່ງນັກກິລາເຂົ້າແຂ່ງຂັນທັງໝົດ 9 ລາຍການ ແລະສາມາດສ້າງຜົນງານໄດ້ຢ່າງໜ້າເພິ່ງພໍໃຈ ໂດຍສາມາດຄວ້າມາໄດ້  1 ຫຼຽນຄຳ ຈາກ 110ແມັດ ຂ້າມຮົ້ວຊາຍ, 2 ຫຼຽນເງີນ ເຕັ້ນຍາວຍິງ ແລະ 4x100 ແມັດ ຍິງ ແລະ 1 ຫຼຽນທອງແດງ ຈາກລາຍການ 100ແມັດ ຂ້າມຮົ້ວຍິງ.

      ແຕ່ທີ່ຕ້ອງລຸ້ນກັນແບບສຸດໆຕ້ອງຍົກໃຫ້ ຫຼຽນຄຳ 110ແມັດ ຂ້າມຮົ້ວຊາຍ ທີ່ໄດ້ຈາກ ອານຸສອນ ໄຊສາ ທີ່ເຂົ້າເສັ້ນໄຊ ແບບຕ້ອງໄດ້ໃຊ້ພາບຖ່າຍຕັດສິນ ເພາະສູສີກັບ ນັກແລ່ນຈາກສີລັງກາ ແບບສຸດໆ ແລະຫຼຽນຄຳຄັ້ງນີ້ເປັນ ການສ້າງສະຖິຕິໃໝ່ ຂອງ ອານຸສອນ ເອງ ດ້ວຍເວລາ 14:22 ວິນາທີ. 

      ຫຼັງຈາກການແຂ່ງຂັນລາຍການນີ້ ອານຸສອນ ແລະທີມນັກແລ່ນຂອງລາວທັງໝົດ 5 ຄົນຈະໄດ້ເດີນທາງໄປເກັບຕົວ ທີ່ປະເທດຍິປຸ່ນ, ໂດຍເປົ້າໝາຍສູງສຸດໃນປີນີ້ຂອງ ອານຸສອນ ຄືການຄວ້າຫຼຽນຄຳ ຊີເກມ 110ແມັດ ຂ້າມຮົ້ວຊາຍທີ່ປະເທດ ຟີລິບປິນໃນທ້າຍປີນີ້.

      ຜົນງານຂອງນັກກິລາແລ່ນ-ລານ ລາວຈະເປັນແນວໃດຂໍໃຫ້ແຟນກິລາລາວທຸກຄົນຊ່ວຍຕິດຕາມແລະໃຫ້ກຳລັງໃຈບັນດານັກກິລາລາວສ້າງຜົນງານແລະນຳຊື່ສຽງມາສູ່ປະເທດຊາດດ້ວຍ.

ໂດຍ: ໃຈລາສີ

ພາບຈາກ: ສະຫະພັນ ແລ່ນ-ລານແຫ່ງຊາດລາວ