ລາຍລະອຽດຂ່າວ
ເປີດເຜີຍ ເງິນລາງວັນແລະເງິນຊຸກຍູ້ ຂອງແຕ່ລະສະໂມສອນຈະໄດ້ຮັບໃນລາວພຣີເມຍລີກ 2019
ຂຽນເມື່ອ: 11/04/2019 10:04 | ໂດຍ: ເພຣເມັກເກີ | ອ່ານ: 620 ຄັ້ງ

      ການແຂ່ງຂັນ ແປ໋ບຊີ ລາວພຣີເມຍລີກ 2019 ດຳເນີນມາໄດ້ 3 ນັດແລ້ວ, ເຊິ່ງປີນີ້ ມີທີມເຂົ້າຮ່ວມແຂ່ງຂັນທັງໝົດ 6 ທີມ ແລະຮູບແບບຂອງການແຂ່ງຂັນ ກໍ່ແຕກຕ່າງຈາກແຕ່ລະລະດູການທີ່ຜ່ານມາ ໂດຍລະດູການນີ້ ທຸກທີມຈະໄດ້ພົບກັບຄູ່ຕໍ່ສູ້ເກົ່າ 3 ຄັ້ງ. ນອກຈາກນັ້ນ ແລ້ວຮູບຂອງຂອງເງິນສະໜັບສະໜູນເງິນລາງ ວັນຈາກ ສຕລ ກໍ່ມີການປັບປ່ຽນຕື່ມອີກ ເຮົາມາເບິ່ງລາຍລະອຽດນຳກັນວ່າ ມີຫຍັງແດ່.

      ເງິນສະໜັບສະໜູນທີມທຸກທີມຈະໄດ້ຮັບທໍ່ກັນ 50 ລ້ານກີບ, ແລະຈະມີເງິນພິເສດ ຫາກສະໂມສອນໃດມີການຈັດການເລື່ອງເອກະສານ Club Licensing (ມາດຕະຖານຂອງສະໂມສອນລະດັບອາຊີບເຊິ່ງເປັນລະບຽບຂອງ AFC)ຜ່ານຈະໄດ້ຮັບອີກ 20 ລ້ານກີບ ເທົ່າກັບວ່າສະໂມສອນດັ່ງກ່າວຈະໄດ້ຮັບເງິນບຳລຸງລວມເປັນ 70 ລ້ານກີບ. ນອກຈາກນັ້ນ ອັນດັບທີມຫຼັງຈາກຈົບການແຂ່ງຂັນຈະໄດ້ຮັບເງິນລາງວັນດັ່ງນີ້: ອັນດັບ 1 ໄດ້ຮັບ 300 ລ້ນກີບ, ອັນດັບ 2 ໄດ້ຮັບ 200 ລ້ານກີບ, ອັນດັບ 3​ ໄດ້ຮັບ 100 ລ້ານກີບ, ອັນດັບ 4 ໄດ້ຮັບ 20 ລ້ານກີບ, ອັນດັບ 5 ໄດ້ຮັບ 10 ລ້ານກີບ ແລະ ອັນດັບ 6 ຈະບໍ່ໄດ້ຮັບລາງວັນ.

       ສິ່ງດັ່ງກ່າວ ຂ້າງເທິງແມ່ນ ບັນດາເງິນລາງວັນແລະເງິນສະໜັບສະໜູນຂອງແຕ່ລະສະໂມສອນຈະໄດ້ຮັບໃນການແຂ່ງຂັນລາພຣີເມຍລີກ ໃນລະດູການ 2019 ນີ້

ໂດຍ: ນັກຂ່າວເງົາ

ສະໜັບສະໜູນຂ່າວໂດຍ: