ລາຍລະອຽດຂ່າວ
ໂຣນາວໂດ້ ເໝົາ 3 ປະຕູ! ກູ້ຊີບຢູເວັນຕຸສ ຜ່ານຮອບ 16 ທິມ ຢູຟ້າ ແຊ້ມປ້ຽນລີກ!!
ຂຽນເມື່ອ: 13/03/2019 08:03 | ໂດຍ: ແອັດມິນ | ອ່ານ: 168 ຄັ້ງ

      ການແຂ່ງຂັນເຕະບານ ຢູຟ້າ ແຊ້ມປ້ຽນລີກ ລະດູການ 2018-19 ຮອບ 16 ທິມສຸດທ້າຍ ນັດທີ 2 ຄືນຜ່ານມາ (12 ມີນາ 2019) ຢູເວັນຕຸສ ທິມຊັ້ນນຳຈາກອີຕາລີ ທີ່ກຳລັງໄລ່ລ່າແຊ້ມສະໄຫມທີ 3 ໂດຍຫ່າງຫາຍຈາກການສຳຜັດແຊ້ມລາຍການນີ້ມາແຕ່ປີ 1996 ເປີດບ້ານພົບກັບ ແອັດເລຕິໂກ້ ມາດຣິດ ທິມຂາປະຈຳແຊ້ມປ້ຽນລີກຈາກສະເປນ (ແອັສປາຍ), ນັດທີ 1 ຢູເວ່ ບຸກເສຍມາກ່ອນ 0-2 ນັດນີ້ ທວງຄືນຢ່າງໄດ້ໃຈແຟນບານ ໂດຍສະເພາະ ພະເອກຂອງທິມ ຄຣິສເຕຍໂນ້ ໂຣນາວໂດ້ ສະແດງຜົນງານປະທັບໃຈແຟນບານ ຍິງແຮັດທຣິກ ຮີໂຣ ເໝົາ 3 ປະຕູຜູ້ດຽວ ນາທີ 27', 49' ແລະ ປິດທ້າຍດ້ວຍການຍິງຈຸດໂທດ ນາທີ 86' ນຳທິມຊະນະ ແອັດເລຕິໂກ້ ມາດຣິດ 3-0 ລວມຜົນສອງນັດ ຢູເວ່ ຊະນະ 3-2 ເດີນໜ້າສູ່ຮອບ 8 ທິມສຸດທ້າຍຕໍ່ໄປ.

+ ນັດນີ້ ເຈົ້າບ້ານ ຢູເວັນຕຸສ ສ້າງສັນເກມບຸກມີໂອກາດຍິງຄູ່ແຂ່ງ 16 ຄັ້ງ ຊື່ກອບປະຕູ 4 ຄັ້ງ, ຂະນະທີ່ ທິມຢາມ ມີໂອກາດຍິງພຽງ 5 ຄັ້ງ ບໍ່ຊື່ກອບປະຕູເລີຍ ຊຶ່ງເປັນຄັ້ງທຳອິດໃນຮອບ 11 ປີຂອງແອັດເລຕິໂກ້.

+ ຄຣິສເຕຍໂນ້ ໂຣນາວໂດ້ ຍິງແຮັດທຣິກ (Hattrick) ທີ 8 ໃນແຊ້ມປ້ຽນລີກ ແລະ ເປັນປະຕູທີ 124 ນຳເປັນດາວຍິງສູງສຸດຕໍ່ໄປ ໂດຍນຳ ເມັສຊີ້ 18 ໜ່ວຍ.

+ ຢູເວັນຕຸສ ເສຍກ່ອນໃນນັດທີ 1 ແລະ ກັບມາຊະນະຄູ່ແຂ່ງໃນຮອບນັອກເອົ້າແຊ້ມປ້ຽນລີກ ຄັ້ງທຳອິດໃນຮອບ 13 ຕໍ່ຈາກພົບກັບ ແວເດີເບເມັນ ລະດູການ 2005-06.

+ ແອັດເລຕິໂກ້ ມາດຣິດ ກາຍເປັນທິມທີ 4 ໃນແຊ້ມປ້ຽນລີກ ຊະນະກ່ອນໃນນັດທີໜຶ່ງ 2-0 ແຕ່ຕົກຮອບນັອກເອົ້າ.

+ ຈໍໂຈ້ ຄິເອວລີນີ້ ກາຍເປັນນັກເຕະຄົນທີ ລົງຫລິ້ນໃນແຊ້ມປ້ຽນລີກແຕະຫລັກ ນັດ ຕໍ່ຈາກ ອາເລັສຂານໂດຣ ເດວ ປີໂຣ, ຈານລຸຍຈິ ບຸບຟ໋ອນ, ແກຕາໂນ້ ຊຣີເຣຍ ແລະ ຈຸຍເຊັບເປ້ ຟຸຣີໂນ້.

ການຈັບສະຫລາກ ຮອບ 8 ທິມສຸດທ້າຍ ຈະມີຂຶ້ນໃນວັນສຸກທີ 15 ມີນານີ້.

ພາບ: UEFA Champions League

ສະໜັບສະໜູນຂ່າວໂດຍ: