ລາຍລະອຽດຂ່າວ
ສິ່ງທ້າທາຍ ຂອງສະໂມສອນນ້ອງໃໝ່ ແລະ ສະໂມສອນນ້ອຍ ໃນແປ໋ບຊີ ລາວພຣີເມຍລີກ
ຂຽນເມື່ອ: 14/02/2019 11:02 | ໂດຍ: ເພຣເມັກເກີ | ອ່ານ: 642 ຄັ້ງ

      ການຈະກ້າວຂຶ້ນໄປຫຼິ້ນໃນລະດັບ ພຣີເມຍລີກ ເປັນສິ່ງທີ່ບໍ່ງ່າຍແລ້ວແຕ່ເມື່ອຂຶ້ນມາຫຼິ້ນໃນລະດັບ ລີກສູງສຸດກໍ່ຍັງມີສິ່ງທ້າຍທາຍອີກຫຼາຍຢ່າງທີ່ຕ້ອງໄດ້ຜ່ານຜ່າ, ໂດຍສະເພາະບັນດາທີມນ້ອງໃໝ່ ແລະ ທີມນ້ອຍທີ່ງົບປະມານບໍ່ສູງ ໂດຍສະເພາະປັນຫາຄ່າຕອບແທນຂອງນັກກິລາດັ່ງເຫດການທີ່ສະໂມສອນນ້ອງໃໝ່ EVO United ຈົນມີການອອກມາ ໂພສໃນເພສສະໂມສອນດັ່ງນີ້: ນັກກິລາ ຈົ່ງຢ່າຫລິ້ນເພື່ອສະໂມສອນນ້ອຍໆ ນ້ອງໃຫມ່ຄືພວກເຮົາ
ແຕ່ຈົ່ງ ສູ້ເພື່ອໂຕທ່ານເອງ ສູ້ຮ່ວມເພື່ອນໃນທີມຂອງທ່ານ ຢ່າສູ້ເພື່ອ ອີໂວ໌ ພວກເຮົາບໍ່ມີປັດໃຈຫລາຍເທົ່າທີມອື່ນ ພວກເຮົາກຽມທີມກັນບໍ່ຮອດເດືອນ ເພື່ອເຕະໃນລີກສູງສຸດຂອງປະເທດ ແຕ່ທຸກຢ່າງບໍ່ແມ່ນ ຂໍ້ອ້າງ ໃນການທີ່ຈະ #ອ່ອນແອ ໃນການທີ່ຈະອະນຸຍາດ #ເປັນທີມຂີ້ແພ້ ຈົ່ງພ່າຍແພ້ ເພື່ອຍົກລະດັບຂອງຕົນເອງ ຢູ່ໃນຈຸດທີ່ຮ່ວມກັນ ໂດຍບໍ່ມີຫຍັງ ມັນດີກວ່າ ເພາະຈະໄດ້ຮູ້ວ່າ ຄົນແທ້ ທີ່ຢູ່ຂ້າງທ່ານ ທີ່ຈະໄປຕໍ່ ແມ່ນໃຜ? ເປົ້າຫມາຍພວກເຮົາຊັດເຈນ 
      1. ຄືເປັນເວທີ ໃຫ້ທ່ານໄດ້ມາບັນເລງ ຝີຕີນຂອງທ່ານໃຫ້ເຕັມທີ່ ແລະ ກ້າວໄປສູ່ ອະນາຄົດທີ່ດີຂຶ້ນໄປ
      2. ເມື່ອທ່ານອະນຸຍາດທີ່ຈະສູ້ເພື່ອຕົນເອງ ແລະ ຕ້ອງການພັດທະນາ , ເຮົາເຮົາກໍ່ພ້ອມທີ່ຈະສົ່ງເສີມທ່ານ ດ້ວຍຈຸດແຂງສະເພາະຂອງເຮົາໃຫ້ແກ່ທ່ານ 
     3. ພວກເຮົາ ຍິນດີມອບວຽກເຮັດງານທຳ ໂດຍບໍ່ສົນວ່າທ່ານຈະຮຽນຫຍັງສາຍໃດ ຫລື ບໍ່ຈົບຫຍັງ ຫລື ຍັງຮຽນບໍ່ຈົບ ຄຽງຄູ່ກັບການເຮັດໃນສິ່ງທີ່ທ່ານຝັນ
ສຸດທ້າຍນີ້ ທີ່ພວກເຮົາອີໂວ໌ ຈະກ່າວຄື: ຖ້າທ່ານຈະມາເພາະເງິນ ຄຳຕອບຄື ຈົ່ງຫາທີມອື່ນ  ແຕ່ຖ້າທ່ານ ຈະມາເພື່ອອະນາຄົດຂອງທ່ານ 
ເຮົາຍິນດີ ຕ້ອນຮັບ ແລະ ຈະເຮັດໃຫ້ຝັນຂອງທ່ານເປັນຈິງ

ສະບາຍດີ ວັນແຫ່ງຄວາມຮັກ 

ໂດຍ: ນັກຂ່າວເງົາ

ພາບແລະຂໍ້ມູນ: ເພສ EVO United

ສະໜັບສະໜູນຂ່າວໂດຍ: