ລາຍລະອຽດຂ່າວ
ເກັ່ງຈົນບໍ່ຮູ້ສິເອົາຄຳຫຍັງມາປຽບທຽບຈຶ້ງເໝາະກັບຄວາມເກັ່ງຂອງ ລົດແກ້ວ ທີ່ສາມາດປ້ອງກັນແຊ້ມສະໄໝທີ 3 ໄດ້
ຂຽນເມື່ອ: 10/02/2019 14:02 | ໂດຍ: ເພຣເມັກເກີ | ອ່ານ: 708 ຄັ້ງ

      ຕ້ອງບອກວ່າ ສຸດໆໆໆໆ ຍອດອີ່ຫຼີ ສຳລັບ ລົດແກ້ວ ອິນທະກຸມມານ ຍອດນັກແລ່ນໄລຍະໄກທີມຊາດລາວ ໄວ 23 ປີ ໂດຍໃນຕອນເຊົ້າຂອງມື້ນີ້ ວັນທີ 10/02/2019 ລົດແກ້ວສາມາດສ້າງຊື່ສຽງໃຫ້ກັບ ປະເທດລາວໄດ້ອີກແລ້ວ ໄດ້ການຄວ້າ ອັນດັບ 1​ ໃນລາຍການແລ່ນໃຫຍ່ຂອງປີ ບູຣີຣຳມາຣາທອນທີມີຜູ້ເຂົ້າຮ່ວມແຂ່ງຂັນໃນປີນີ້ 24.000 ກວ່າຄົນ ໂດຍລົດແກ້ວລົງແຂ່ງຂັນໃນລາຍການ 10 km ຍິງ ແລະສາມາດຢ່າງຜົນງານໄດ້ດີ ດ້ວຍສະຖິຕິ 38 ນາທີ 15​ ວິນາທີ ຖິ້ມຫ່າງອັນດັບ 2 ຈາກປະເທດ ເຈົ້າພາບ 2 ນາທີຄວ້າແຊ້ມຂອງລາຍການໄປຄອງ.

       ເຊິ່ງການຄວ້າແຊ້ມໃນຄັ້ງນີ້ ເປັນແຊ້ມສະໄໝທີ 3 ຂອງ ລົດແກ້ວໃນລາຍການນີ້ ພ້ອມກັບຮັບຂັນລາງວັນຊະນະເລີດ ພ້ອມເງິນລາງວັນ 20.000 ບາດ. ລົດແກ້ວຖືເປັນ ບຸກຄົນທີ່ສ້າງຊື່ສຽງໃຫ້ປະຫວັດສາດຂອງວົງການກີລາລາວໃນຍຸກນີ້ເລີຍກໍ່ວ່າໄດ້ ເພາະທຸກລາວການທີ່ລົງແຂ່ງມັກຈະຄວ້າລາງວັນໃດໜຶ່ງມາເຮັດໃຫ້ແຟນກິລາຊາວລາວ ມີຄວາມສຸກຢູ່ສະເໝີ. ຂໍໃຫ້ນ້ອງລົດແກ້ວ ຈົ່ງຮັກສາມາດຕະຖານແລະສ້າງຜົນງານນຳເອົາຊື່ສຽງມາໃຫ້ປະເທດຊາດແບບນີ້ຕໍ່ໄປ.

ໂດຍ: ໃຈລາສີ

ພາບຈາກ: Kasem Seandee

ສະໜັບສະໜູນຂ່າວໂດຍ:



ຂ່າວລ່າສຸດ