ລາຍລະອຽດຂ່າວ
ບານເຕະຊາຍ ຄສບ ຊະນະ 2 ນັດລວດ ເຂົ້າຮອບເປັນທີ 1 ຂອງສາຍ, ສ່ວນຟຸດຊໍ ຄວສ ຖະລົ່ມ ຄູ່ຕໍ່ສູ້ຂາດຮອຍ
ຂຽນເມື່ອ: 06/02/2019 23:02 | ໂດຍ: ເພຣເມັກເກີ | ອ່ານ: 530 ຄັ້ງ

       ການແຂ່ງຂັນກິລານັກສຶກສາທົ່ວມະຫາວິທະຍາໄລແຫ່ງຊາດ ປະຈຳປີ 2019 ໃນຕອນບ່າຍຂອງມື້ນີ້ ວັນທີ 06/02/2019, ມີການແຂ່ງຂັນກິລາ 2 ປະເພດດ້ວຍກັນຄື ບານເຕະຊາດ ແລະ ຟຸດຊໍ ຊາຍ. ໂດຍການແຂ່ງຂັນບານເຕະຊາຍ ມີແຂ່ງຂັນກັນ 2 ຄູ່, ຄູ່ທີ 1 ແຂ່ງຂັນກັນໃນເວລາ 15:00 ກເປັນການພົບກັນລະຫວ່າງ ຄະນະວິທະຍາສາດສັງຄົມ(ຄສຄ) ພົບກັບ ຄະນະນິຕິສາດລັດຖະສາດ(ຄນລ) ໃນຄູ່ນີ້ ທັງ 2 ທີມລ້ວນແຕ່ມີນັກເຕະທີມຊາດ ແລະ ນັກກິລາລະດັບ ສາຍ ກ ແລະ ລາວພຣີເມຍລີກເກມລົງແຂ່ງຂັນ ໂດຍໃນເຄີ່ງເວລາທຳອິດ ທັງ 2 ທີມເປີດເກມບຸກເຂົ້າໃສ່ກັນ ແລະມີໂອກາດຈົບສະກໍຫຼາຍຄັ້ງ ຈົນເຮັດໃຫ້ເຄິ່ງເວລາທຳອິດມີປະຕູເກີດຂຶ້ນ 3 ປະຕູ ໂດຍທີ່ ຄສຄ ຄົມກວ່າ ອອກນຳໄປກ່ອນ 2-1

      ກັບເຂົ້າສູ່ເຄິ່ງເວລາທີ 2 ຮູບເກມຍັງຄົນຄືກັບເຄິ່ງເວລາທີ 1 ທັງ 2 ທີມເປີດເກມບຸກໃສ່ກັນແບບບໍ່ມີຜ່ອນ ແຕ່ ຄສຄ ຈົບສະກໍໄດ້ຄົມກວ່າ ຍິງມາເພີ່ມໄດ້ 2 ປະຕູຈົບເກມແຂ່ງຂັນໃນຄູ່ນີ້ ຄສຄ ສາມາດເອົາຊະນະໄປໄດ້ 4-1.

      ສ່ວນຄູ່ທີ 2 ເປັນການພົບກັນລະຫວ່າງ ຄະນະເສດຖະສາດ ແລະບໍລິຫານທຸລະກິດ(ຄສບ) ພົບກັບ ຄະນະກະເສດສາດ(ຄກສ) ໂດຍເກມໃນນັດນີ້ເປັນນັດທີ 2 ຂອງ ຄສບ ຫຼັງຈາກນັດທີ່ຜ່ານມາ ຄສບ ສາມາດເອົາຊະນະ ຄະນະວິທະຍາສາດທຳມະຊາດ (ຄວທ) ມາໄດ້ 3-1 ແລະໃນເກມນີ້ ຄສບ ກໍ່ສາມາດເອົາຊະນ ຄກສ ໄປດ້ວຍສະກໍເດີມ 3-1 ເຮັດໃຫ້ ຄສບ ລົງແຂ່ງຂັນ 2 ນັດ ຊະນະລວດທັງ 2 ນັດ ໂອກາດເຂົ້າຮອບສົດໃສ. ສ່ວນ ຄກສ ຕ້ອງໄປຕັດເຊືອກນັດສຸດທ້າຍກັບ ຄວທ

      ສ່ວນການແຂ່ງຂັນ ຟຸດຊໍ ຄະນະວິສະວະກຳສາດ(ຄວສ) ຖະລົ່ມເອົາຊະນະ ຄະນະວິທະຍາສາດສິ່ງແວດລ້ອມ(ຄສວ) ໄປແບບຂາດຮອຍ 10-4 ສ່ວນຄູ່ທີ 2 ຄະນະອັກສອນສາດ(ຄອສ) ບຽດອົາຊະນະ ຄະນະວິທະຍາສາດສັງຄົມ(ຄສຄ)ໄປ 6-5

ສຳລັບການແຂ່ງຂັນບານເຕະຊາຍ ກິລານັກສຶກສາທົ່ວມະຫາວິທະຍາໄລແຫ່ງຊາດ ປະຈຳປີ 2019 ມີທີມເຂົ້າຮ່ວມແຂ່ງຂັນທັງ ໝົດ 13 ທີມ ແບ່ງອອກເປັນ 4 ສາຍຄື:

ສາຍ ກ: ຄະນະວິທະຍາສາດການກີລາ-ກາຍະກຳ(ຄວກ), ຄສວ, ຄນລ ແລະ ຄສວ

ສາຍ ຂ: ຄວທ, ຄສບ ແລະ ຄກສ

ສາຍ ຄ: ຄອສ, ຄະນະສະຖາປັດຕິຍະກຳສາດ(ຄສປ) ແລະ ຄະນະຊັບພະຍາກອນນ້ຳ(ຄຊນ)

ສາຍ ງ: ຄະນະວິທະຍາສາດປ່າໄມ້(ຄປມ), ຄະນະສຶກສາສາດ(ຄສສ) ແລະ ຄວສ

        ເຊິ່ງການແຂ່ງເປັນແບບພົບກັນໝົດພາຍໃນສາຍແລ້ວເອົາທີມອັນດັບທີ 1​ ແລະ 2 ຂອງແຕ່ລະສາຍຜ່ານເຂົ້າໄປຫຼິ້ນຮອບຕໍ່ໄປ 

        ສ່ວນ ຟຸດຊໍ ມີທັງໝົດ 9 ທີມເຂົ້າຮ່ວມແຂ່ງຂັນແບ່ງອອກເປັນ 2 ສາຍປະກອບດ້ວຍ 

ສາຍ ກ: ຄປມ, ຄວກ, ຄວສ, ຄວທ ແລະ ຄສວ

ສາຍ ຂ: ຄອສ, ຄສຄ, ຄສປ ແລະ ຄນລ

        ໂດຍການແຂ່ງເປັນແບບພົບກັນໝົດພາຍໃນສາຍແລ້ວເອົາທີມອັນດັບທີ 1​ ແລະ 2 ຂອງແຕ່ລະສາຍຜ່ານເຂົ້າໄປຫຼິ້ນຮອບຕໍ່ໄປ 

ຂ່າວໂດຍ: ໃຈລາສີ

ພາບຈາກ: ເພສ ງານແຂ່ງຂັນກິລານັກສຶກສາທົ່ວມະຫາວິທະຍາໄລແຫ່ງຊາດ

 

ສະໜັບສະໜູນຂ່າວໂດຍ:



ຂ່າວລ່າສຸດ