ລາຍລະອຽດຂ່າວ
ໂຄຊລະດັບ A ລາຍເຊັນ ອຈ ເວີນສະຫວັນ ເວົ້າເຖິງວົງການບານເຕະລາວ
ຂຽນເມື່ອ: 05/02/2019 15:02 | ໂດຍ: ເພຣເມັກເກີ | ອ່ານ: 1616 ຄັ້ງ

      ໃນຕອນເຊົ້າມື້ນີ້ ວັນທີ 05/02/2019,  ທ່ານ ປອ ເວີນສະຫວັນ ສີວິໄຊ ຄູຝຶກບານເຕະ ລະດັບ A ລາຍເຊັນໄດ້ອອກມາເວົ້າເຖິງປະຫວັດຄວາມເປັນມາຂອງລາວພຣີເມຍລີກ ພ້ອມທັງໃຫ້ການສັງເກດ ແລະວິເຄາະການພັດທະນາແລະສິ່ງທ້າທາຍຕ່າງໆຂອງວົງການບານເຕະ ລາວເຮົາໂດຍຜ່ານເຟສບຸກສ່ວນຕົວ. ເຊິ່ງບົດຄວາມດັ່ງກ່າວເຫັນວ່າ ວິເຄາະໄດ້ໜ້າສົນໃຈແລະມີເຫດຜົນສົມຄວນໂດຍເນື້ອໃນຂອງການວິເຄາະມີດັ່ງນີ້:"

      ເຖິງບັນດາແຟນບານເຕະລາວ ມື້ນີ້ ພວກເຮົາ ມາຮູ້ຈັກ ປະຫວັດ ແລະຄວາມເປັນມາ ການແຂ່ງຂັນເຕະບານ ຢູ່ ສປປລາວ ແລະລາວພລີເມຍລີກ ຊື່ງ ເອີ້ນກັນໃນປັດຈຸບັນ ລາວແປບຊີ ພລີເມຍລີກ

      ບັນດາ ທ່ານ ທີ່ເປັນແຟນກິລາບານເຕະ ທັງຮຸ່ນເກົ່າ ແລະຮຸ່ນປັດຈຸບັນ ອາດຈະຄຸ້ນເຄີຍ ກັບຄຳວ່າ ລາວ ພລີເມຍລີກ ຫຼື ລາວແປບຊີພລີເມຍລີກ ທີ່ເອີ້ນກັນມາ ໄດ້ປະມານ 3-4 ປີຜ່ານມາ, ຖ້າເຮົາມາເບິ່ງຍ້ອນຫຼັງ ແຕ່ ປີ 1975 ຮອດປີ 2003 ຜ່ານມາ ກິລາເຕະບານເຮົາ ແມ່ນ ການແຂ່ງຂັນ ແບບ ແບ່ງເປັນສາຍ ຄື ສາຍ ກ, ສາຍ ຂ ແລະສາຍ ຄ, ຊື່ງການແຂ່ງຂັນ ແມ່ນຈະແຂ່ງຂັນ ແຕ່ຢູ່ນະຄອນຫຼວງວຽງຈັນ. 
ການແຂ່ງຂັນ ລະດັບ ສາຍ ກ ແລະສາຍ ຂ ແມ່ນ ສະຫະພັນບາານເຕະແຫ່ງຊາດລາວ ເປັນຜູ້ຮັບຜິດຊອບຈັດການແຂ່ງຂັນ ແລະບາງປີ ລະດັບ ສາຍຂ ແມ່ນນະຄອນຫຼວງເປັນຜູ້ຈັດການແຂ່ງຂັນ, ສ່ວນລະດັບ ຄ ແມ່ນ ນະຄອນຫຼວງ ຈັດການແຂ່ງຂັນ ໂດຍ ເອົາບັນດາ ທີມຕົວແທນຂອງແຕ່ລະເມືອງມາແຂ່ງຂັນ. ສະໜາມ ກິລາທີ່ໃຊ້ເຂົ້າໃນການແຂ່ງຂັນ ກ່ໍແມ່ນ ສະໜາມເດິ່ນກິລາແຫ່ງຊາດ ( ເດິ່ນເຈົ້າອານຸວົງ ປັດຈຸບັນ ). ລັກສະນະຂອງການແຂ່ງຂັນ ແມ່ນ ແຂ່ງຂັນແບບ ພັບກັນໝົດ ແຕ່ ແຂ່ງແຕ່ຂາໄປ ບໍ່ມີຂາກັບ. ນອກຈາກນີ້ ຈະມີການແຂ່ງຂັນ ຊິງຂັນວັນສໍຳຄັນຂອງຕ່າງໆຂອງຊາດເຊັ່ນ : ຊິງຂັນວັນຊາດທີ 2 ທັນວາ, ຊິງຂັນວັນສ້າງຕັ້ງພັກປະຊາຊົນປະຕິວັດລາວ, ຊິງຂັນວັນສ້າງຕັ້ງກອງທັບ, ຊິງຂັນຕ້ອນຮັບປີທ່ອງທ່ຽວລາວ, ຊິງຂັນ ມາກໂບໂລ ແລະຊິງຂັນ ພະນະທ່ານ ນາຍົກລັດຖະມົນຕີ ເປັນຕົ້ນ. 
ບັນດາທີມເຕະບານ ໃນໄລຍະຜ່ານມາ ສ່ວນໃຫ່ຍແມ່ນ ທີມຈາກກະຊວງຕ່າງໆ ເຊັ່ນ : ໃນຊຸມປີ 1975-1987 ປະກອບມີ : ທີມ ກອງທັບ, ກະຊວງພາຍໃນ, ກະຊວງກະສິກຳ, ກະຊວງຕ່າງປະເທດ, ກະຊວງວັດທະນາທຳ, ກະຊວງ ໂຍທາທິການ, ກະຊວງສາທາ, ກະຊວງສຶກສາ, ນະຄອນຫຼວງວຽງຈັນ ເປັນຕົ້ນ. 
ຊຸມປີ 1988-2002 : ກະເລີ້ມມີໜ້ອຍທີມຈາກບັນດາກະຊວງລຸດລົງ ທີມທີ່ຍັງສືບຕໍ່ ແຂ່ງຂັນສາຍກໍ ປະກອບ : ທີມ ກອງທັບ, ກະຊວງປກສ, ການເງິນກໍຳແພງ, ທະນາຄານ, ວິທະຍຸ, ນະຄອນຫຼວງ, ສັບພະວິຊາ (ມະຫາວິທະນາໄລແຫ່ງຊາດ ), ຄົມມະນາຄົມຂົນສົ່ງ ໄປສະນີ ແລະກໍ່ສ້າງ, ດາລາລັດ, ໄຟຟ້າລາວ, ກັນລະຍາ, ບ້ານທົ່ງຂັນຄຳ ເປັນຕົ້ນ. 
ສຳລັບຜູ້ຊົມ ເຫັນວ່າ ມີຜູ້ຊົມໄປຊົມເຊຍຂ້ອນຂ້າງຫຼາຍ ທັງລະດັບ ສາຍ ກໍ ແລະສາຍ ຂ ( ມີທັງລຸງແດງ ຕໍ່ມາ ກະຕູ້ບຸນຕາ, ທ່ານ ຄຳກ້ອນ, ທ່ານ ເຕົ່າ ) ທີ່ເປັນຜູ້ຮ້າຍ-ວິຈານ-ກະຕຸ້ນໃຫ້ ນັກກິລາ ມີຄວາມຫ້າວຫັນ.

ຕົກມາຊຸມປີ 2003 ເປັນຕົ້ນມາ ສະຫະພັນບານເຕະນາໆຊາດ ( FIFA ) ໄດ້ໃຫ້ການຊ່ວຍເຫຼືຶອ ບັນດາສະສະຫະພັນບານແຫ່ງຊາດ ຂອງປະເທດສະມາຊິກ ເພື່ອພັດທະນາ ວົງການເຕະບານພາຍໃນປະເທດ, ຈື່ງໄດ້ອອກກົດລະບຽບ ໃຫ້ ທຸກສະຫະພັນລິເລີ້ມໃນການໃຫ້ ມີການແຂ່ງຂັນລະດັບລີກ ສູງສຸດ ໂດຍການແຂ່ງຂັນ ແບບ ມີຂາໄປ-ຂາກັບ ໂດຍກຳນົດເປັນ ການລົງທະບຽນຂອງສະໂມສອນ ( Club Licensing )ຊື່ງແນ່ນອນກະຂື້ນກັບ ເງື່ອນໄຂຂອງແຕ່ລະປະເທດ. 
ສຳລັບ ສປປລາວ ເຮົາ ໃນປີ 2005 ສະຫະພັນບານເຕະແຫ່ງຊາດລາວເຮົາ ຈື່ງໄດ້ ປ່ຽນຊື່ການແຂ່ງຂັນເຕະບານ ສາຍ ກໍ ມາເປັນ ພລິເມຍລີກ ມາຮອດ 2013 ປ່ຽນຊື່ເປັນລາວ ພລີເມຍລີກ ແລະ ປີ 2016 ປ່ຽນຊື່ມາເປັນ ແປບຊີລາວພລີເມຍລີກ. 
ແນ່ນອນ ເມື່ອປ່ຽນລີກສູງສຸດ ແຕ່ລະສະໂມສອນ ກໍ່ຕ້ອງໄດ້ປັບຕົວເຂົ້າສູ່ລະບຽບຂອງ ສະຫະພັນບານເຕະນາໆວາງອອກຄື Club Licensing, ຊື່ງແນ່ນອນ ໃນລະບຽບຂອງ ການລົງທະບຽນຂອງສະໂມສອນ ມີເງື່ອນໄຂຫຼາຍດ້ານທີ່ ບັນດາສະໂມສອນ ບໍ່ສາມາດບັນລຸໄດ້ເທື່ອຄື :
1. ຕ້ອງມີສະໂມສອນ ເປັນຮູບປະທຳ ( ມີປະທານ, ຄະນະປະທານ, ເລຂາທິການສະໂມສອນ, ການເງິນສະໂມສອນ, ການຕະຫຼາດ, .... ). 
2. ມີສະໜາມ ຂອງຕົນເອງ ( ສະໜາມຝຶກແອບ, ສະໜາມແຂ່ງຂັນ )
3. ມີທີມເຍົາວະຊົນ ສືບທອດ. 
4. ມີຄູຝຶກ ລະດັບ A LICENCE BY AFC 
5. ຕ້ອງມີຖານະການເງິນ ທີ່ດີແລະສາມາດເປີດເຜີຍ ຕໍ່ສາທະລະນະໄດ້.
6. ຕ້ອງມີຂາເຊຍທີ່ລົງທະບຽນເປັນສະມາຊິກຂອງສະໂມສອນ ຢ່າງໜ້ອຍ 500 ຄົນ 
7. ແລະຍັງມີອີກຫຼາຍເງື່ອນໄຂ ທີ່ສະໂມສອນຕ້ອງ ປະຕິບັດ. 
ຊື່ງແນ່ນອນ ໃນໄລຍະຜ່ານມາ ບັນດາສະໂມສອນ ກະບໍ່ສາມາດເຮັດໄດ້ ແຕ່ ສະຫະພັນບານເຕະແຫ່ງຊາດ ກໍ່ ອະນຸໂລມ ແຕ່ລະສະໂມສອນ ເພື່ອໃຫ້ເຂົ້າຮ່ວມການແຂ່ງຂັນ. 
ເຮົາຈະເຫັນໄດ້ ໃນປີ 2015-2016 ມີ ສະໂມສອນ ເຂົ້າຮ່ວມ ລາວ ພລິເມຍລີກ ຫຼາຍກວ່າ 10 ທີມ ແລະ ເລີ້ມຫຼຸດໜ້ອຍຖອຍລົງ ແລະມາຮອດປັດຈຸບັນ ມີ ແຕ່ 6 ທີມ. 
ພວກເຮົາມາວິເຄາະເບິ່ງ ວ່າ ເປັນຫຍັງ ບັນດາສະໂມສອນ ໃນລາວພລິເມຍລີກຫຼຸດໜ້ອຍ ຖອຍລົງ ແຕ່ກົງກັບຂ້າມໃນລະດັບ ດີວີຊັນ 1 ແມ່ນ ມີຫຼາຍ ກວ່າ 20 ທີມ ຈົນ ສະຫະພັນບານເຕະແຫ່ງຊາດໄດ້ຄັດຈ້ອນເອົາແຕ່ 16 ທີມ. ພວກເຮົາມາເບິ່ງ : 
1. ເບື້ຶອງ ສະຫະພັນບານເຕະແຫ່ງຊາດ :
ການຈັດການແຂ່ງຂັນ ແມ່ນ ເນັ້ນໃສ່ລະບຽບຂອງ ສາກົນເກີນໄປເຊັ່ນ : 
• ສະໂມສອນໃດ ທີ່ບໍ່ມີ ເດິ່ນແຂ່ງຂັນ ເປັນຂອງຕົນເອງ ແມ່ນສາມາດນຳໃຊ້ ສະໜາມກາງແຕ່ທຸກໆ ຄ່າໃຊ້ຈ່າຍທີ່ເກີດຂື້ນໃນການແຂ່ງຂັນ ( ຄ່າແພດປະຈຳສະໜາມ, ຄ່າໂຄສົກ, ເດັກນ້ອຍເກັບບານ, ອານະໄມ, ປ້ອງກັນ ແລະອື່ນໆ ) ສະໂມສອນ ທີ່ເປັນເຈົ້າບ້ານຕ້ອງຮັບຜິດຊອບ. 
• ສະໜາມການແຂ່ງຂັນ ແມ່ນໄກ ຄືສະໜາມກິລາແຫ່ງຊາດຫຼັກ 16. 
• ລາງວັນໃນການເຂົ້າຮວ່ມການແຂ່ງຂັນ ບໍ່ສູງ ບໍ່ຄຸ້ມຄ່າກັບການລົງທຶນຂອງສະໂມສອນ. 
2. ເບື້ອງ ສະໂມສອນ : 
• ບໍ່ມີ ຄູຝຶກ ລະດັບ A LICENCE, ຖ້າ ຈ້າງຕ່າງປະເທດມາ ກໍ່ຕ້ອງມີຄ່າໃຊ້ຈ່າຍສູງ. 
• ງົບປະມານ ບໍ່ພຽງພໍໃນການເຄື່ອນໄຫວ ໃນແຕ່ລະລະດູການ. 
• ບໍ່ມີລາຍຮັບອື່ນໆ ( ບໍ່ມີສະປອນເຊີຮ່ວມ )
• ບໍ່ສາມາດສ້າງນັກເຕະໃຫ້ເກັ່ງໄດ້. 
• ບໍ່ມີຂາເຊຍປະຈຳທີມຮອດ 300 ຄົນ
3. ເບື້ອງຂາເຊັຍ-ຜູ້ຊົມ : 
• ຂາເຊຍໄປຊົມການແຂ່ງຂັນ ໜ້ອຍທີ່ສຸດ ( ມີແຕ່ຖ້າ ວິຈານ ຢູ່ໃນເຟຊບຸກ ), ຍ້ອນສະໜາມ ແຂ່ງຂັນ ຢູ່ສະໜາມກິລາແຫ່ງຊາດ ຫຼັກ 16 ເພິ່ນວ່າໄກ. 
• ຂາເຊຍບໍ່ມີສ່ວນຮ່ວມໃຫ້ສະໂມສອນຍືນຍົງໄດ້ ຄື : ການຊື້ເສື້ອສະໂມສອນ, ເຄື່ອງທີ່ລະນຶກຂອງ ສະໂມສອນ. 
ອີກບັນຫາໜື່ງ ທີ່ເຮັດໃຫ້ ສະໂມສອນ ຕ່າງແຂວງ ຖອນໂຕຈາກການແຂ່ງຂັນ ແປບຊີລາວພລີເມຍລີກ ຍ້ອນ ການກະກຽມເຂົ້າຮວ່ມງານມະຫາກຳກິລາແຫ່ງຊາດ, ເພາະໃນລະບຽບ ຂອງການແຂ່ງຂັນ ອະນຸຍາດ ໃຫ້ ນັກກິລາ ແປບຊີລາວພລີເມຍລີກ ລົງແຂ່ງຂັນໄດ້ແຕ່ 03 ຄົນເທົ່ານັ້ນ. ເພາະສະນັ້ນ ບັນດາແຂວງ ກໍ່ເຫັນຄວາມສຳຄັນຂອງກິລາແຫ່ງຊາດ ຫຼາຍກວ່າ ອີກຢ່າງໜື່ງ ບໍ່ມີງົບປະມານພຽງພໍ ທີ່ຈະສ້າງທີມເຕະບານ 02 ໃນເວລາດຽວກັນໄດ້ ( ທີມສຳລັບກິລາແຫ່ງຊາດ ແລະທີມສຳລັບ ແປບຊີລາພລີເມຍລີກ ).

ຈາກປັດໃຈ ແລະບັນຫາຂ້າງເທິງ ( ອາດຈະມີ ບັນຫາອື່ນ ) ເປັນອຸປະສັກ ໃນການພັດທະນາວົງການເຕະບານລາວ ກໍ່ຄື ແປບຊີພລິເມຍລີກ. ແລ້ວ ພວກທ່ານ ຄິດວ່າ ຈະສາມາດແກ້ໄຂ ໄດ້ແນວໃດ, ຖ້າບໍ່ມີສະໂມສອນ ເຂົ້າແຂ່ງຂັນ ກະຊິໄປໂທດໃຫ້ ຜູ້ໃດອີກ.

ຂໍໂທດເດີ້ ທີ່ຂຽນຍາວ ແຕ່ເພື່ອຄວາມຊັດເຈນ".

      ຈາກສິ່ງທີ່່ທ່ານໄດ້ກ່າວມາ ເຊື່ອແນ່ວ່າ ບັນດາແຟນບານຄົງຈະເຫັນໄດ້ເຖິງສິ່ງທ້າທາຍແລະສາເຫດຂອງສະຖານະການ ວົງການບ້ານເຕະຂອງບ້ານເຮົາໃນປັດຈຸບັນ ແລະ ທີມງານ laosportnews ຕ້ອງຂໍຂອບໃຈບົດຄວາມດີໆນີ້ຈາກທ່ານ ປອ. ເວີນສະຫວັນ ສີວິໄຊ ມານະໂອກາດນີດ້ວ

ຮຽບຮຽງໂດຍ: ນັກຂ່າວເົງາ

ຂໍ້ມູນ ແລະພາບຈາກ: ເຟສບຸກ Veunsavanh Sivisay

 

ສະໜັບສະໜູນຂ່າວໂດຍ:



ຂ່າວລ່າສຸດ