ລາຍລະອຽດຂ່າວ
ລາວພຣີເມຍລີກ ປີນີ້ມີທັງໝົດ 6 ທີມຈະເລີ່ມຟາດແຂ່ງກັນ 23 ກຸມພານີ້
ຂຽນເມື່ອ: 04/02/2019 16:02 | ໂດຍ: ເພຣເມັກເກີ | ອ່ານ: 288 ຄັ້ງ

      ອີງຕາມການລາຍງານຜ່ານ ແຟນເພສທາງການຂອງສະຫະພັນບານເຕະແຫ່ງຊາດລາວ ໄດ້ລາຍງານໃນມື້ນີ້ວ່າ: ການແຂ່ງຂັນບານເຕະ ເປບຊີ ລາວພຣີເມຍລີກ 2019 ກຽມເປີດສາກຄວາມມັນໃນວັນທີ 23 ກຸມພາ 2019. ໂດຍການແຂ່ງຂັນບານເຕະ ເປບຊີ ລາວພຣີເມຍລີກ 2019 ຈະມີທີ່ເຂົ້າຮ່ວມແຂ່ງຂັນທັງໝົດ 6 ທີມປະກອບມີ: ລາວໂຕໂຢຕ້າ ເອັຟຊີ ( ແຊ້ມເກົ່າ ), ປກສ ເອັຟຊີ,  ມາສເຕີ້ ເຊເວັ້ນ ເອັຟຊີ,  ຊ້າງນ້ອຍ ເອັຟຊີ,  ກອງທັບ ເອັຟຊີ ແລະ  ອີໂວ ຢູໄນເຕັດ ( ນ້ອງໃຫມ່ ).
      ເຊິ່ງຮູບແບບການ ການແຂ່ງຂັນຈະມີ 3 ຮອບຄື: ຮອບຂາໄປ, ຮອບຂາກັບ ແລະ ຮອບທີ 3. ໂດຍໃນການແຂ່ງຂັນຮອບທີ 3 ນັ້ນຈະນໍາໃຊ້ຫຼັກການ Head to Head ໂດຍທີມທີ່ມີຜົນ Head to Head ຈາກການແຂ່ງຂັນ 2 ຮອບໄປກັບດີກວ່າຈະໄດ້ລົງແຂ່ງຂັນໃນສະໜາມຂອງຕົນເອງໃນການແຂ່ງຂັນຮອບທີ 3 ລວມທັງຫມົດ 45 ນັດ ໂດຍໃຊ້ 3 ສະຫນາມແຂ່ງຂັນປະກອບມີ: ສະຫນາມກິລາແຫ່ງຊາດຫລັກ 16 , ສະຫນາມກິລາ ມຊ ແລະ ສະຫນາມກິລາເຈົ້າອານຸວົງ.
        ຕາຕະລາງ ການແຂ່ງຂັນ ເປບຊີ ລາວພຣີ້ເມຍລີກ 2019 ອາທິດທີ 1 
- ວັນທີ 23 ກຸມພາ 2019 ເວລາ 17:00 ປກສ ເອັຟຊີ ພົບ ກອງທັບ ເອັຟຊີ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16.
- ວັນທີ 23 ກຸມພາ 2019 ເວລາ 17:00  ມາສເຕີ້ ເຊເວັ້ນ ເອັຟຊີ ພົບ ຊ້າງນ້ອຍ ເອັຟຊີ ແຂ່ງຂັນຢູ່ທີ່ສະຫນາມກິລາມຊ.
- ວັນທີ 06 ມີນາ 2019 ເວລາ 17:00 ລາວໂຕໂຢຕ້າ ເອັຟຊີ ພົບ  ອີໂວ ຢູໄນເຕັດ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16.


ທຸກໆນັດແມ່ນສາມາດຕິດຕາມການຖ່າຍທອດສົດ Mycujoo.

ໂດຍ: ນັກຂ່າວເງົາ

ພາບ: ສຕລ
 

ສະໜັບສະໜູນຂ່າວໂດຍ: