ລາຍລະອຽດຂ່າວ
ແຊ້ມເກົ່າອອກໂຕບໍ່ດີ! ປະລາໄຊນັດທຳອິດ! ເຕະບານເອຊຽນຄັບ 2019
ຂຽນເມື່ອ: 06/01/2019 21:01 | ໂດຍ: ແອັດມິນ | ອ່ານ: 861 ຄັ້ງ

      ການແຂ່ງຂັນເຕະບານຊາຍ ຊິງແຊ້ມອາຊີ ຫລື ເອຊຽນຄັບ 2019 ທີ່ສະຫະລັດອາຣັບເອມີເຣສ ໄດ້ຮັບກຽດເປັນເຈົ້າພາບ ໃນວັນທີ 5 ມັງກອນ ຫາວັນທີ 1 ກຸມພາ 2019 ໃນມື້ນີ້ ຄູ່ທຳອິດ ທີ່ສະໜາມ Hazza bin Zayed ໃນເມືອງອາວອາຍ ແຊ້ມເກົ່າ ທິມຊາດອົດສະຕຣາລີ ຖືກທິມຊາດຈໍແດນ (ຊັອກດານີ້) ນັອກ 1-0 ຈາກປະຕູໄຊຂອງກອງຫລັງ Anas Bani Yaseen ຂຶ້ນເອົາຫົວຕໍາບານເຂົ້າປະຕູນາທີ 26′.

ອົດສະຕຣາລີ ກາຍເປັນແຊ້ມເກົ່າທິມທີ 2 ທີ່ເສຍໃນນັດທຳອິດຂອງຮອບແບ່ງກຸ່ມ ຕໍ່ຈາກ ສາທາລະນະລັດເກົາຫລີ ປີ 1964, ຊາອຸດິອາຣາບີ ປີ 2000 ແລະ ອີຣັກ ປີ 2011 ອີກ 1 ຄູ່ໃນກຸ່ມດຽວກັນ ຊີເຣຍ (ຊີຣີ້) ພົບກັບ ປາເລັສຕາຍ (ປາເລັສຕິນ) ຈະແຂ່ງຂັນເວລາ 23:00 ຂອງມື້ນີ້ (6 ມັງກອນ 2019). ນັດທີ 2 ຂອງກຸ່ມ ອົດສະຕຣາລີ ຈະພົບກັບ ປາເລັສຕິນ ໃນວັນທີ 11 ມັງກອນນີ້, ສ່ວນ ຈໍແດນ ຈະພົບກັບ ຊີຣີ້ ໃນວັນທີ 10 ມັງກອນນີ້.

Photo: #AsianCup2019




Anas Bani Yaseen
ຂ່າວຍອດນິຍົມ 7 ວັນລ່າສຸດ