ລາຍລະອຽດຂ່າວ
ເຢຍລະມັນ ຮ່ວມກຸ່ມກັບ ເນເທີແລນ! ຈັບສະຫລາກ ຢູໂຣ 2020 ຮອບຄັດເລືອກ ສ່ວນແຊ້ມເກົ່າ ໂປຕູເກດ ຝຣັ່ງ ແລະ ອັງກິດ ສາຍບໍ່ໜັກ!!!
ຂຽນເມື່ອ: 03/12/2018 08:12 | ໂດຍ: ແອັດມິນ | ອ່ານ: 752 ຄັ້ງ

      ການຈັບສະຫລາກແບ່ງສາຍການແຂ່ງຂັນເຕະບານຊິງແຊ້ມເອີຣົບ ຫລື ຢູໂຣ 2020 ຮອບຄັດເລືອກ ຈັດຂຶ້ນທີ່ຫໍປະຊຸມດັບລິນ ຕັ້ງຢູ່ນະຄອນຫລວງດັບລິນ, ສາທາລະນະລັດໄອຣແລນ (ອຽກລັງ) ໃນວັນທີ 2 ທັນວາຜ່ານມາ.

ກຸ່ມ A ປະກອບມີ: ອັງກິດ, ສາທາລະນະລັດເຊັກ, ບຸນກາລີ (ເບົາເກເຣຍ), ມອນເຕເນໂກຣ ແລະ ໂຄໂຊໂວ.

ກຸ່ມ B ໂປຕູເກດ (ປອກຕຸຍການ) ແຊ້ມເກົ່າ, ອູເກຣນ (ຢູເຄຣນ), ແຊກບີ້ (ເຊີເບຍ), ລິດທົວເນຍ ແລະ ລຸກຊໍາບວກ (ລັກແຊມເບີກ).

ກຸ່ມ C ເນເທີແລນ (ໂຮນລັງ), ເຢຍລະມັນ, ໄອແລນເໝືອ (ອຽກລັງເໝືອ), ເອັສໂຕນີ້ (ເອັສໂຕເນຍ) ແລະ ເບລາຣຸສ.

ກຸ່ມ D ສະວິດເຊີແລນ, ດານມາກ (ເດັນມາກ), ສາທາລະນະລັດໄອຣແລນ (ອຽກລັງ), ຊັອກຊີ້ (ຈໍເຈຍ) ແລະ ຈີເບົາຕ້າ.

ກຸ່ມ E ໂຄຣເອເຊຍ (ໂຄຣອາຊີ້), ເວວ, ສະໂລວັກ (ສະໂລວາເກຍ), ຮົງກາຣີ (ຮັງກາຣີ) ແລະ ອາເຊີໄບຈັນ (ອາແຊກໄບຊານ).

ກຸ່ມ F ສະເປນ (ແອັສປາຍ), ສະວີເດັນ (ຊູແອັດ), ນໍຣເວ (ນອກແວ), ໂຣມາເນຍ (ຣູມານີ້), ເກາະເຟໂຣ ແລະ ມາວຕ້າ.

ກຸ່ມ G ໂປແລນ (ໂປໂລຍ), ອັອສເຕຣຍ (ໂອຕຣິດ), ອິດສະຣາເອວ (ອິດສະຣາແອນ), ສະໂລເວເນຍ (ສະໂລເວນີ້), ມາເຊໂດເນຍ (ມາເຊໂດນີ້) ແລະ ລັດເວຍ (ລັດວີ້).

ກຸ່ມ H ຝຣັ່ງ ຮອງແຊ້ມ 2016, ໄອຊແລນ (ອິດສະລັງ), ຕຸລະກີ (ຕວກກີ້), ເອວເບເນຍ (ອານບານີ້), ມອນໂດວາ ແລະ  ອັນດຣໍຣາ.

ກຸ່ມ I ເບວຢ້ຽມ (ແບນຊິກ), ຣັດເຊຍ, ສະກັອດແລນ, ໄຊປຣັສ, ຄາຊັກສະຖານ ແລະ ຊານມາຣີໂນ້.

ກຸ່ມ J ອີຕາລີ, ບັອສເນຍ-ເຮີເຊໂກມີນ້າ (ບົດສະນີ້-ແຮກເຊີໂກວີນ້າ), ຟິນແລນ (ແຟັງລັງ), ກຣິຊ (ເກຣັກ), ອາຣເມເນຍ (ອາກເມນີ້) ແລະ ລິດເທີນສະຕາຍ (ເລັກແຕນສະແຕນ).

ການແຂ່ງຂັນຮອບແບ່ງກຸ່ມ ຈະແຂ່ງຂັນໃນລະຫວ່າງວັນທີ 21 ມີນາ ຫາວັນທີ 19 ພະຈກ ປີ 2019 ແຂ່ງແບບພົບກັນໝົດໃນກຸ່ມ ແບບໄປ-ກັບ ຄັດເອົາທີ 1-2 ຂອງແຕ່ລະກຸ່ມ ເຂົ້າຮອບສຸດທ້າຍ ບວກກັບ 4 ທິມຜ່ານການເພລອັອຟ ລວມເປັນ 24 ທິມໃນຮອບສຸດທ້າຍ ປີ 2020 (ທິມທີ່ສາມາດເພລອັອຟເປັນທິມແຊ້ມກຸ່ມຈາກ 4 ລີກຂອງ ຢູຟ້າ ເນຊັ່ນລີກ ທີ່ເຊື່ອມໂຍງກັບການແຂ່ງຂັນຢູໂຣ ເປັນຮູບແບບໃຫມ່ໃນການຄັດເລືອກຄັ້ງນີ້)

ສ່ວນການແຂ່ງຂັນ ຮອບສຸດທ້າຍ ປີ 2020 ມີເຈົ້າພາບ 12 ທິມຄື: ອັງກິດ, ເຢຍລະມັນ, ອີຕາລີ, ເນເທີແລນ, ແອັສປາຍ, ຣັດເຊຍ, ສະກັອດແລນ, ອາເຊີໄບຈັນ, ດານມາກ, ຣູມານີ້, ຮົງກາຣີ ແລະ ອຽກລັງ.

ແປ ແລະ ຮຽບຮຽງໂດຍ: ທິມຂ່າວກິລາໂທລະພາບແຫ່ງຊາດລາວ

Info: UEFA

Photo: UEFA EURO 2020




ອາເລັກຊານເດີ ເຊເຟີລິນ ປະທານ UEFA
ຜົນຈັບສະຫລາກ 10 ກຸ່ມ
ຂ່າວຍອດນິຍົມ 7 ວັນລ່າສຸດ