ລາຍລະອຽດຂ່າວ
ທີມງານ ເຊລຊີ ຖືກລົງໂທດໃນເຫດການເຢາະເຢີ້ຍ ຕໍ່ໜ້າມູຣິນໂຢ້
ຂຽນເມື່ອ: 23/10/2018 12:10 | ໂດຍ: ເພຣເມັກເກີ | ອ່ານ: 845 ຄັ້ງ

       ຈາກເຫດການທີ່ເກີດຂຶ້ນໃນເກມວັນເສົາວັນທີ 20/10/2018 ທີ່ຜ່ານມາ ເຊລຊີ ເປີດບ້ານໄລ່ຕີສະເໝີ ແມນຢູ 2-2 ທ້າຍເກມຈົນເຮັດໃຫ້ 1 ໃນທີມງານຂອງເຊລຊີ ອອກອາການດີໃຈ ຢ່າງເຕັມທີ່ ແຕ່ໃນຄວາມດີໃຈນັ້ນກໍ່ສະແດງອອກເຖິງ ການເຢາະເຢີ້ຍ ຄູ່ຕໍ່ສູ້ໂດຍສະເພາະ ໂມຣິນຢູ້ ຫົວໜ້າຄູຝຶກທີ່ນັ່ງຢູ່ໃກ້ໆ ກັບບ່ອນທີ່ ມາໂຄ ຍານນີ້ ທີມງານຂອງ ເຊລຊີ ຜູ້ທີ່ສະແດງອາການດັ່ງກ່າວອອກໄປ ຈົນເຮັດໃຫ້ ໂມຣິນໂຢ້ ເກີດອາການບໍ່ພໍໃຈຢ່າງຮຸນແຮງຈົນເກືອບຈະເປັນເຫດສະນວນໃຫ້ ເກີດປັນຫາຢູ່ ຂ້າງສະໜາມ ແຕ່ຫຼັງຈາກໄດ້ຮັບການຫ້າມຈາກຜູ້ຈັດການແຂ່ງຂັນ ແລະ ທີມງານຂອງ ແມນຢູເອງ ໂມຣິນໂຢກໍ່ສາມາດຄວບຄຸມອາລົມຂອງຕົນເອງໄດ້. ຫຼ້າສຸດ ຈາກການລາຍງາານຂອງ ເວັບໄຊ www.soccersuck.com ໄດ້ມີການລາຍງານວ່າ ສະມາຄົມບານເຕະອັງກິດ(FA)  ໄດ້ປະກາດຕັ້ງຂໍຫາ ມາໂຄ ຍານນີ້ ທີມງານຂອງເຊລຊີ ປະພຶດຕົວບໍ່ເໝາະສົມ ສ່ວນລາຍລະອຽດຂອງການລົງໂທດຈະມີແນວໃດນັ້ນຈະມີການປະກາດເປັນທາງການອີກເທື່ອໜຶ່ງ, ສ່ວນໂມຣິນໂຢ້ເອງ ບໍ່ໄດ້ຮັບຂໍ້ຫາໃດໆ ເພາະໃນເຫດການ ຝ່າຍເຕັກນິກຈັດການແຂ່ງຂັນເຫັນວ່າ ໂມຣິນໂຢສາມາດຄວບຄຸມອາລົມຂອງຕົນເອງໄດ້ ແລະ ຢູ່ໃນເຂດ ເທັກນິກຂອງຕົນເອງຢູ່. ເຫດການນີ້ເປັນອຸທາຫອນສອນໃຈ ສຳລັບຄົນໃນວົງການກີລາ ນອກຈາກ ຈະເປັນຄົນທີ່ເກັ່ງ ດ້ານກີລາແລ້ວ ຕ້ອງເປັນຄົນທີ່ມີນ້ຳໃຈນັກກີລາພ້ອມ, ບໍ່ດັ່ງນັ້ນກໍ່ຈະຖືກລົງໂທດດັ່ງເຫດການນີ້.


ຂໍ້ມູນຈາກ: www.soccersuck.com

ພາບຈາກ:www.naijanews.com

ໂດຍ: Ura asia




ຂ່າວຍອດນິຍົມ 7 ວັນລ່າສຸດ