ລາຍລະອຽດຂ່າວ
ລາວໂຕໂຢຕ້າ ຢ້ຳແຄ້ນ ປກສ ໃນນັດສຸດທ້າຍ ຄວ້າແຊ້ມ ແປ໋ບຊີລາວພຣີເມຍລີກ 2018 ໄປຄອງ
ຂຽນເມື່ອ: 04/08/2018 23:08 | ໂດຍ: ເພຣເມັກເກີ | ອ່ານ: 389 ຄັ້ງ

      ໃນຕອນຄ່ຳຂອງມື້ນີ້ ວັນ 04/08/2018 ການແຂ່ງຂັນບານເຕະ ແປ໋ບຊີ ລາວພຣີເມຍລີກ 2018 ໄດ້ເດີນທາງມາເຖິງ ນັດສຸດທ້າຍແລ້ວ ໂດຍໃນມື້ນີ້ມີການແຂ່ງຂັນກັນທັງໝົດ 2 ຄູ່ ແລະລົງແຂ່ງຂັນກັນທີ່ສະໜາມກິລາແຫ່ງຊາດ ຫຼັກ 16​ ທັງ 2 ຄູ່ ໂດຍຄູ່ທີ 1 ມາສເຕີ 7 ພົບກັບ ດີເຄ ຜົນປະກົດວ່າ ມາສເຕີ 7 ສາມາດບຽດເອົາຊະນະ ດີເຄ ໄປໄດ້ດ້ວຍສະກໍ 3-2 , ສ່ວນອີກຄູ່ໜຶ່ງ ເຊິ່ງເປັນຄູ່ເອກ ແລະເປັນຄູ່ສຸດທ້າຍຂອງລະດູການ ເປັນການພົບກັນລະຫວ່າງ ທີມແຊ້ມ 2 ສະໄໝ ລາວໂຕໂຢຕ້າ ພົບກັບ ຮອງແຊ້ມຂອງລະດູການນີ້ ປກສ. ເຖິງແມ່ນວ່າ ແຊ້ມແລະຮອງແຊ້ມຈະຮູ້ຜົນກ່ອນໜ້ານີ້ແລ້ວ ແຕ່ທັງ 2 ທີມກໍ່ລົງຫຼິ້ນຢ່າງເຕັມທີ ໂດຍໃນເກມນີ້ມີປະຕູເກີດຂຶ້ນທັງໝົດ 4 ປະຕູ ເລີ່ມຈາກ ສົມສະຫວາດ ສໍພາບມີໄຊ ຍິິງປະຕູໃນນາທີທີ 6 ເຮັດໃຫ້ ລາວໂຕໂຢຕາ ອອກນຳຢ່າງໄວວາ 1-0 ຈາກນັ້ນ ເກດສະດາ ສະດາສຸກສະຫວັນ ມາບວກປະຕູຕື່ມອີກໃນນາທີທີ 17​ເຮັດໃຫ້ຂອງລາວໂຕໂຢຕ້າ ໜີຫ່າງອອກໄປ 2-0 ແຕ່ຄູນສົມບັດ ມາປັ່ນ ຟຣີຄິກໜ້າ ກອບເຂດໂທດເຂົ້ໄປຢ່າງສວຍງາມຊ່ວຍໃຫ້  ປກສ ໄລ່ຂຶ້ນມາເປັນ 1-2, ແຕ່ກ່ອນຈະໝົດເວລາໃນເຄິ່ງເວລາທີ 1​ພຽງ 7 ນາທີ Federic Pooda ມາຍິງຕືື່ມໃຫ້ ລາວໂຕໂຢຕາໜີຫ່າງອອກໄປ 3-1 ແລະຫຼັງຈາກນັ້ນທັງ 2​ ທີມ ກໍ່ບໍ່ສາມາດຍິງປະຕູເພີ່ມໄດ້ ເຮັດໃຫ້ລາວໂຕໂຢຕ້າ ຢ້ຳແຄ້ນ ປກສ ໄປຫຼັງຈາກໃນນັດຂາໄປ ລາວໂຕໂຢຕ້າ ສາມາດເອົາຊະນະມາໄດ້ 3-0. ເປັນການສະຫຼອງແຊ້ມຢ່າງຈົບງາມຂອງລາວໂຕໂຢຕ້າໃນລະດູການນີ້ ພ້ອມທັງໄດ້ສິດເປັນຕົວແທນ ສະໂມສອນຈາກ ລາວ ເຂົ້າໄປຮ່ວມແຂ່ງຂັນລາວການ AFC Cup ໃນລະດູການໜ້າອີກດ້ວຍ.

 

ພາບແລະຂ່າວໂດຍ: Ura Asia

ສະໜັບສະໜູນຂ່າວໂດຍ: