ລາຍລະອຽດຂ່າວ
ການແຂ່ງຂັນບານໂລກ 2018 ຫຼັງຜ່ານໄປ 8 ນັດທຳອິດ
ຂຽນເມື່ອ: 17/06/2018 12:06 | ໂດຍ: ແອັດມິນ | ອ່ານ: 1080 ຄັ້ງ

   ການແຂ່ງຂັນບານໂລກ 2018 ທີ່ປະເທດລັດເຊຍ ໄດ້ເລີ່ມແຂ່ງໄປແລ້ວ 3 ວັນ ແລະ ແຂ່ງຈົບໄປ 8 ນັດ ໂດຍທີ່ນັດເປີດສະໜາມ ເຈົ້າພາບ Russia ເອົາໃຈແຟນບານ ຖະຫຼົ່ມ Saudi Arabia ໄປ 5 ປະຕູຕໍ່ 0 ເຊິ່ງໃນເກມນັດນີ້ ນອກຈາກການແຂ່ງຂັນແລ້ວ ສິ່ງທີ່ຫຼາຍຄົນໃຫ້ຄວາມສົນໃຈ ແລະ ເປັນສີສັນໃນສະໜາມ ກໍ່ຄົງໜີບໍ່ພົ້ນ ພາບຂອງ ກະສັດ Saudi Arabia ແລະ ປະທານາທິບໍດີ Russia Vladimir Putin ທີ່ເຂົ້າຮ່ວມເບິ່ງການແຂ່ງຂັນໃນນັດນີ້ ໂດຍມີປະທານ FIFA Gianni Infantino ນັ່ງຂັ້ນກາງ.

   ໄຊຊະນະຂອງ Russia ໃນນັດເປີດສະໜາມ ເຮັດໃຫ້ພວກເຂົາເກັບໄດ້ 3 ຄະແນນ ເປັນອັນດັບທີ 1 ຂອງກຸ່ມ A ຕາມມາດ້ວຍອັນດັບທີ 2 Uruguay ທີ່ເອົາຊະນະ Egypt ໃນນັດທີ 2 ຂອງກຸ່ມ A 1-0 ສົ່ງຜົນເຮັດໃຫ້ ອັນດັບທີ 3 ເປັນຂອງ Egypt ແລະ Saudi Arabia ຕົກໄປກົ້ນຕາຕະລາງ.

   ສ່ວນກຸ່ມ B ທີ່ມີ Portugal ແຊັມ UERO ສະໄໝລາສຸດ ແລະ Spain ທີມທີ່ຫຼິ້ນບານທີ່ສວຍງາມທີ່ສຸດອີກທີມ 1 ຂອງໂລກ( ແລະ ເປັນ 1 ໃນ 8 ທີມ ທີ່ໄດ້ເປັນແຊັມບານໂລກ) ພ້ອມດ້ວຍ Morocco ແລະ Iran. ຜ່ານການແຂ່ງຂັນ 2 ນັດຂອງກຸ່ມ B ຜົນປະກົດວ່າ Iran ຂຶ້ນນຳເປັນອັນດັບ 1 ຈາກການ ເອົາຊະນະ Morocco 1-0 ໂດຍການໄດ້ປະຕູໄຊ ໃນຊ່ວງທົດເວລາບາດເຈັບ ຈາກການສະກັດບານເຂົ້າປະຕູຕົວເອງຂອງ Morocco, ສ່ວນທາງດ້ານ Portugal ແລະ Spin ເຮັດໄດ້ພຽງສະເໝີກັນໄປຢ່າງສຸດມັນ 3-3 ແບ່ງຄະແນນໄປທີມລະ 1 ຄະແນນ ຄອງອັນດັບທີ 2 ແລະ 3, ສ່ວນ Morocco ຢູ່ອັນດັບທີ 4.

   ສ່ວນກຸ່ມ C ທີ່ມີ France ແລະ Denmark ເກັບໄດ້ 3 ຄະແນນ ໂດຍທີ່ Denmark ເອົາຊະນະ Peru ໄປ 1-0 ໂດຍທີ່ Peru ເອງກໍ່ພາດການຍິງຈຸດໂທດ (ທີ່ກຳມະການ ເປົ່າຈຸດຍ້ອນຫຼັງ ພາຍຫຼັງທີ່ເບິ່ງ VAR) ແລະ France ກໍ່ເອົາຊະນ Australia ໄປ 2-1 ໃນນັດນີ້ມີຈຸດໂທດເຖິງ 2 ລູກ, ຈຸດໂທດທີ 1 ເປັນຂອງ France ຈາກການເບິ່ງ VAR ຂອງກຳມະການ ແລະ ເປັນແມ່ນ GRIEZMANN ຮັບໜ້າທີ່ສັງຫານຈຸດໂທດເຂົ້າໄປ ໃນນາທີທີ 58 ແລະ ຈຸດໂທດທີ 2 ເປັນຂອງ Australia JEDINAK ຍິງເຂົ້າໄປໃນນາທີທີ 62; ແລະ ປະຕູໄຊຂອງ France ຈາກການຍິງຂອງ Paul Pogba ແຕ່ຖືກ BEHICH ສະກັດບານປ່ຽນທິດດົ່ງຂ້າມຜູ້ຮັກສາປະຕູ ຕົກລົງກາຍເສັ້ນປະຕູ ແລະ ກໍ່ເປັນການນຳໃຊ້ Goad Line Technology ເຂົ້າມາຊ່ວຍຕັດສິນ.

   ສ່ວນກຸ່ມ D ຄູ່ທຳອິດຂອງກຸ່ມ ແມ່ນກນພົບກັນລະຫວ່າງ Argentina ແລະ Iceland, ໃນເກມນີ້ຫຼາຍຄົນຈັບຕາເບິ່ງການຫຼິ້ນຂອງ Messi ວ່າຈະສາມາດ ເຈາະແນວຮັບຂອງ Iceland ໄດ້ຫຼືບໍ່ ແລະ ກໍ່ເປັນຝັນຮ້າຍຂອງ Messi ທີ່ຍິງຈຸດໂທດບໍ່ເຂົ້າ ແຕ່ Argentina ຍິງປະຕູຂຶ້ນນຳໄດ້ໃນນາທີທີ 19 ໂດຍ KUN AGUERO, ຫຼັງຈາກນັ້ນ 4 ນາທີ Iceland ກໍ່ປັ້ນເກມຂຶ້ນມາຍິງຕີສະເໝີໄດ້ ໂດຍ FINNBOGASON ຈົບເກມສະເໝີກັນໄປ 1-1 ແບ່ງກັນທີມລະ 1 ຄະແນນ. Croatia ຂຶ້ນເປັນອັນດັບທີ 1 ຂອງກຸ່ມ ຈາກການເອົາຊະນະ Nigeria ໄປ 2-0.

   ຄືນນີ້ ຈະມີການລົງສະໜາມຂອງ 2 ກຸ່ມ ເລີ່ມຈາກກຸ່ມ E ຄູ່ທີ 1 ເວລາ 19:00 Cosa Rica ພົບກັບ Serbia  ແລະ ຄູ່ທີ 2 ເວລາ 01:00 ຂອງວັນທີ 18/06/2018 Brazil ພົບກັບ Switzerlan, ແລະ ກຸ່ມ F 22:00 Germany ພົບກັບ Mexico

ຂອບໃຈຂໍ້ມູນ ແລະ ຮູບພາບຈາກ FIFA.com
ຂອບໃຈພາບຈາກ cbssports.com




ກະສັດ Saudi Arabia, ປະທານ FIFA ແລະ ປະທານາທິບໍດີ Russia ນັ່ງເບິ່ງການແຂ່ງຂັນຮ່ວມກັນ
ຂ່າວຍອດນິຍົມ 7 ວັນລ່າສຸດ