ລາຍລະອຽດຂ່າວ
ລາວໂຕໂຢຕ້າ ສະເໝີ ທິບ ສະຫວັນ 3-3 ຢຸດສະຕິຊະນະລວດໄວ້ທີ 11 ນັດຕິດ
ຂຽນເມື່ອ: 27/07/2017 11:07 | ໂດຍ: ເພຣເມັກເກີ | ອ່ານ: 1143 ຄັ້ງ

      ຕ້ອງຢຸດສະຖິຕິຊະນະລວດໄວ້ພຽງ 11 ນັດ ຫຼັງນັດຫຼ້າສຸດ ເປີດບ້ານສະເໝີກັບ ທິບ ສະຫວັນ ເອັຟຊີ 1-1 ໃນການແຂ່ງຂັນບານເຕະ ລາວພຣີເມຍລີກ 2017 ( ນັດຕົກຄ້າງ ) ເມື່ອວັນທີ 26 ກໍລະກົດ ທີ່ຜ່ານມາ ທີ່ສະໜາມກີລາແຫ່ງຊາດ ຫຼັກ 16. ໂດຍເປັນ ທິບ ສະຫວັນ ໄດ້ປະຕູຂຶ້ນນໍາກ່ອນ 1-0 ຈາກ ບຸນພະຈັນ ບຸນກອງ ນາທີໆ 15 ກ່ອນທີ່ ຕໍາພັນ ສົນທະນາໄລ ຈະມາຍິງປະຕູຕີສະເໝີກັບໃຫ້ ລາວໂຕໂຢຕ້າ ເອັຟຊີ 1-1 ກ່ອນຈົບເຄິ່ງເວລາທໍາອິດໄປ ແຕ່ເຄິ່ງເວລາທີ 2 ທິບ ສະຫວັນ ໄດ້ 2 ປະຕູລວດໜີຫ່າງເປັນ 3-1 ຈາກການຍິງຂອງ FOFANA ນາທີໆ 50 ແລະ SOULEYMANE ນາທີໆ 58. ຢ່າງໃດກໍ່ຕາມ ລາວໂຕໂຢຕ້າ ໄລ່ຕີສະເໝີໄດ້ສໍາເລັດ ຈາກການຍິງຂອງ ກາຊູ ໂຮມມະ 2 ປະຕູລວດນາທີໆ 67 ກັບ 71 ກ່ອນຈົບການແຂ່ງຂັນສະເໝີກັບ 3-3 ຈາກຜົນດັ່ງກ່າວ ສົ່ງຜົນໃຫ້ ລາວໂຕໂຢຕ້າ ເອັຟຊີ ເກັບເພີ່ມ 34 ຄະແນນຈາກ 13 ນັດ ຊະນະ 11, ສະເໝີ 1 ແລະ ເສຍ 1 ນັດ ຄວ້າແຊັມເປັນທີ່ແນ່ນອນແລ້ວ, ສ່ວນ ທິບ ສະຫວັນ ເກັບເພີ່ມເປັນ 17 ຄະແນນຈາກ 12 ນັດຢຶດທີ 5 ຂອງຕາຕະລາງ. ສໍາລັບ ລາວໂຕໂຢຕ້າ ເອັຟຊີ ເຫຼືອການແຂ່ງຂັນອີກ 1 ນັດທີ່ຈະບຸກໄປຢາມ ດີເຄ ເອັຟຊີ ໃນວັນເສົາທີ 29 ກໍລະກົດນີ້ ເຊິ່ງຜົນຈະເປັນແນວໃດກໍ່ຕາມ ລາວໂຕໂຢຕ້າ ກໍ່ຈະໄດ້ຍົກຂັນແຊັມລາວພຣີເມຍລີກ 2017 ຢູ່ທີ່ສະໜາມດັ່ງກ່າວ ຢ່າງເປັນທາງການ.

ຂ່າວໂດຍ: ຫຼ້າ

ພາບຈາກ: ແຟນເພສ ລາວໂຕໂຢຕ້າ