ລາຍລະອຽດຂ່າວ
ໄອດີຊີ ສາມາດເກັບແຕ້ມ ໃນບ້ານ ສ່ວນ ອັນດັບ 2 ແລະ 3 ຕ້ອງລຸ້ນກັນຈົນຮອດນັດສຸດທ້າຍ
ຂຽນເມື່ອ: 20/07/2017 12:07 | ໂດຍ: ເພຣເມັກເກີ | ອ່ານ: 1610 ຄັ້ງ

      ການແຂ່ງຂັນ ລາວພຣີເມຍລີກ ດຳເນີນມາໃກ້ຈະເຮັດນັດປິດລະດູການແລ້ວ, ເຊິ່ງທີມທີ່ລົງແຂ່ງຂັນ ຄົບ 14 ນັດ ກ່ອນໝູ່ໄດ້ແກ່ ທີມ ໄອດີຊີ ຈຳປາສັກ ທີມອັນດັບ ສຸດທ້າຍຂອງຕາຕະລາງ. ໂດຍໃນຕອນແລງຂອງວານນີ້ ວັນທີ 19/07/2017 ທີ່ສະໜາມກິລາແຂວງ ຈຳປາສັກ, ໄອດີຊີ ຈຳປາສັກ ເປີດບ້ານສະເໝີ ກັບທີມນ້ອງໃໝ່ DK FC ໄປແບບສຸດມັນ 3-3 ປະຕູ. ຈົບ 14 ນັດ ໄອດີຊີ ຊະນະ 1 ສະເໝີ 3 ເສຍ 10 ມີ 6 ຄະແນນ ຢູ່ອັນດັບ 8 ຂອງຕາຕະລາງ. ສ່ວນນັດຕໍ່ໄປ ຂອງ DK ຈະເປີດບ້ານຮັບການມາຢາມຂອງ ທີມແຊ້ມລະດູການນີ້ ລາວໂຕໂຢຕ້າ ໃນວັນເສົາ ວັນທີ 29/07/2017, ເວລາ 17:00 ທີ່ສະໜາມກິລາເຈົ້າອານຸວົງ

     ສ່ວນການຊ່ວງຊີງອັນດັບ 2 ແລະ 3 ມີ 3 ທີມທີ່ມີໂອກາດ(ໃນທາງທິດສະດີ) ຄື ມຊ, ປກສ ແລະ ດີເຄ. ເຊິ່ງທີມທີ່ໄດ້ ອັນດັບ 2 ຈະໄດ້ສິດ ໄປ Play off ໃນລາຍການ AFC Cup ລະດູການໜ້າ

ຂອບໃຈພາບຈາກເພສ ໄອດີຊີ ຈຳປາສັກ