ລາຍລະອຽດຂ່າວ
ສະຫວັນນະເຂດ ເຮັດສຳເລັດຕາມເປົ້າໝາຍ ຕິດ 1 ໃນ 3 ຕາຕະລາງຫຼຽນ ນົກກົກຄຳເກມ
ຂຽນເມື່ອ: 09/02/2017 21:02 | ໂດຍ: ແອັດມິນ | ອ່ານ: 1191 ຄັ້ງ

   ປິດສາກລົງ ຢ່າງເປັນທາງການ ແລະ ສົມບູນແບບ ງານມະຫາກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ 6 ຫຼື ນົກກົກຄຳເກມ ທີ່ບໍລິຄຳໄຊ ເມື່ອຕອນຄ່ຳຂອງມື້ນີ້ ວັນທີ 09 ກຸມພາ 2017 ທີ່ຜ່ານມາ.

  ການແຂ່ງຂັນຄັ້ງນີ້ ແມ່ນໄດ້ເລີ່ມແຂ່ງຂັນ ມາຕັ້ງແຕ່ວັນທີ 27 ມັງກອນ 2017 ກ່ອນພິທີເປີດ ຢ່າງເປັນທາງການ 5 ວັນ ແລະ ມີ 17 ແຂວງ ແລະ 1 ນະຄອນຫຼວງ ເຂົ້າຮ່ວມແຂ່ງຂັນຊີງໄຊ ໃນ 12 ປະເພດກິລາ. ສະຫວັນນະເຂດ ກໍ່ເປັນໜຶ່ງໃນແຂວງ ທີ່ມີທັບນັກກິລາທີ່ແຂງແກ່ນ ບໍ່ວ່າຈະເປັນລຸ້ນໃຫຍ່ ແລະ ລຸ້ນເຍົາວະຊົນ, ກ່ອນການແຂ່ງຂັນ ພວກເຂົາໄດ້ຖືກຄາດໝາຍ ວ່າຈະເປັນຄູ່ແຂ່ງ ຊີງຄວາມເປັນເຈົ້າຫຼຽນຄຳ ໃນນົກກົກຄຳເກມ ກັບ ນະຄອນຫຼວງວຽງຈັນ ໄດ້ຢ່າງດຸເດືອນສູສີ ແລະ ພວກເຂົາເອງ ກໍ່ໄດ້ຕັ້ງເປົ້າໝາຍໄວ້ ກ່ອນການແຂ່ງຂັນວ່າ ຈະພະຍາມໃຫ້ຕິດ 1 ໃນ 3 ອັນດັບຂອງ ຕາຕະລາງຫຼຽນລາງວັນ ໃນນົກກົກຄຳເກມ ໃຫ້ໄດ້.

   ຜ່ານການແຂ່ງຂັນ ຕັ້ງແຕ່ເລີ່ມຕົ້ນ ຈົນເຖິງສິ້ນສຸດການແຂ່ງຂັນ ຜົນປາກົດວ່າ ສະຫວັນນະເຂດ ຍາດໄດ້ 21 ຫຼຽນຄຳ 24 ຫຼຽນເງິນ ແລະ 14 ຫຼຽນທອງ ລວມທັງໝົດ 59 ຫຼຽນ ຄອງອັນດັບທີ 2 ຂອງຕາຕະລາງຫຼຽນລາງວັນ ນົກກົກຄຳເກມ ເຮັດໄດ້ສຳເລັດຕາມເປົ້າໝາຍ ຂອງຕົນເອງ ທີ່ໄດ້ຕັ້ງໄວ້ ແລະ ກິລາທີ່ ສະຫວັນນະເຂດ  ໄດ້ຫຼຽນຄຳ ຫຼາຍທີ່ສຸດຄື ກິລາແລ່ນລານ ໂດຍໄດ້ 12 ຫຼຽນຄຳ

   ກໍ່ຖືວ່າເປັນອີກແຂວງໜຶ່ງ ທີ່ມີຜົນງານທີ່ໂດດເດັ່ນ ໃນງານມະຫາກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ 6 ນີ້ ແລະ ເຮົາມາຮ່ວມຕິດຕາມ ຜົນງານຂອງ ທັບລູກຫຼານພໍ່ກະດວດ ໄດ້ອີກໃນງານມະຫາກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ 7 ທີ່ແຂວງສາລະວັນ ຈະເປັນເຈົ້າພາບໃນປີ 2020.

ຂອບໃຈພາບຈາກ ພູວອນ ດຳລົງບຸນ




ຂ່າວລ່າສຸດ