ລາຍລະອຽດຂ່າວ
Protugal ຜ່ານເຂົ້າຮອບຮອງຊະນະເລີດ ໂດຍຊະນະຈຸດໂທດ Poland
ຂຽນເມື່ອ: 01/07/2016 10:07 | ໂດຍ: ແອັດມິນ | ອ່ານ: 1007 ຄັ້ງ

   Protugal ຜ່ານເຂົ້າຮອບ ຮອງຊະນະເລີດໃນການແຂ່ງຂັນ  European Championship ເປັນຄັ້ງທີ 4 ໃນ 5 ລາຍການ ຈາກການເອົາຊະນະການດວນຈຸດໂທດ ຕັດສິນກັບ Poland.
   ການແຂ່ງຂັນ Euro 2016 ຮອບກ່ອນຮອງຊະນະເລີດລະຫວ່າງ Poland ທີ່ນຳທັບໂດຍ Robert Lewandowski ກອງໜ້າຈາກສະໂມສອນ Bayern Munich ກັບທີມຊາດ Protugal ທີ່ນຳທັບໂດຍ Cristiano Ronaldo ກອງໜ້າຈາກລາຊັນຊຸດຂາວ Real Madrid. ເລີ່ມເກມມາເປັນທາງ  Robert Lewandowski ທີ່ຍິງປະຕູໃຫ້ Poland ຂຶ້ນນຳ Protugal ໄປກ່ອນ 1-0 ໃນນາທີທີ 2 ແລະ Protugal ມາຍິງປະຕູຕີສະເໝີ ໂດຍ  Renato Sanches ໃນນາທີ ທີ 33. ຈົບ 90 ນາທີ່ສະເໜີກັນ 1-1 ຕ້ອງໄດ້ຕໍ່ເວລາພິເສດ ແຕ່ກໍ່ບໍ່ສາມາດຍິງປະຕູກັນໄດ້ ສຸດທ້າຍຕ້ອງໄດ້ຕັດສິນໂດຍການຍິງຈຸດໂທດ ໂດຍ Blaszczykowski ຂອງ Poland ຍິງຈຸດໂທດເປັນຄົນທີ 4 ແລະ ຍິງບໍ່ເຂົ້າ ສ່ວນ Protugal ຍິງເຂົ້າໝົດທຸກຄົນ ແລະ Protugal ສາມາດເອົາຊະນະຈຸດໂທດໄປ 5-3.
 Protugal ສາມາດຜ່ານເຂົ້າໄປໃນຮອບ 4 ທິມສຸດທ້າຍ ໂດຍການບໍ່ຊະນະໃນເວລາປົກຕະຕິ 90 ນາທີທັງ 3 ນັດໃນຮອບແບ່ງກຸ່ມ ແລະ ເປັນອັນດັບ 3 ທີ່ມີຄະແນນດີທີ່ສຸດໃນຮອບແບ່ງກຸ່ມ ແລະ ເອົາຊະນະ Croatia ໃນຊ່ວງຕໍ່ເວລາໃນຮອບ 16 ທີມສຸດທ້າຍ.

  ໃນຮອບຮອງຊະນະເລີດ Protugal ຈະພົບກັບຄູ່ຊະນະລະຫວ່າງ Wales ແລະ Belgium ໃນວັນທີ 02/07/2016 ເວລາ 02:00


ສະຖິຕິຫຼັງຈາກການແຂ່ງຂັນນັດນີ້:
-ຄັ້ງນີ້ເປັນຄັ້ງທີ 5 ທີ່  Protugal ໄດ້ຜ່ານເຂົ້າໄປຫຼິ້ນໃນຮອບຮອງຊະນະເລີດ ໃນການແຂ່ງຂັນ Euro ຄືໃນປີ 1984, 2000, 2004, 2012, 2016.
-Protugal ຊະນະຄູ່ແຂ່ງ ຈາກການດວນຈຸດໂທດຕັດສິນ 3 ໃນ 4 ເກມໃນລາຍການໃຫຍ່.
-Renato Sanches ເປັນນັກເຕະທີ່ມີອາຍຸນ້ອຍທີ່ສຸດ ທີ່ຍິງປະຕູໄດ້ໃນເກມຮອບ Knock-out ໃນການແຂ່ງຂັນ Euro ຄັ້ງນີ້ຄືອາຍຸ 18 ປີ 316 ວັນ.
-Nani ເປັນນັກເຕະ Protugal ທີ່ຈ່າຍບານໃຫ້ໝູ່ໃນການ ຍິງປະຕູໄດ້ 4 ຄັ້ງ ເຊິ່ງຜູ້ທີ່ຈ່າຍບານຫຼາຍທີ່ສຸດຂອງ Protugal ແມ່ນ Luis Figo ຄື 5 ຄັ້ງ
-Nani ເປັນນັກເຕະທີ່ມີສ່ວນຮ່ວມໃນການຍິງປະຕູ 50% ໃນການແຂ່ງຂັນຄັ້ງນີ້ ໂດຍ ຍິງໄດ້ 2 ປະຕູ ຈ່າຍບານໃຫ້ໝູ່ຍິງປະຕູໄດ້ 1 ຄັ້ງ
-Protugal ຫຼິ້ນໃນຊ່ວງຕໍ່ເວລາໃນການແຂ່ງຂັນ Euro ມາແລ້ວ 6 ຄັ້ງ ເຊິ່ງຫຼາຍທີ່ສຸດແມ່ນ Netherlads 7 ຄັ້ງ

ຂອບໃຈຂໍ້ມູນຈາກ bbc.com, wikipedia.org
ຂອບໃຈພາບຈາກ theguardian.com

ໂດຍ ໂດເຣມອນ
 




ຂ່າວຍອດນິຍົມ 7 ວັນລ່າສຸດ