ລາຍລະອຽດຂ່າວ
ອຸດົມໄຊ ພົບ ໄຊຍະບູລີ ໃນຮອບຊີງຊະນະເລີດ  ບານສົ່ງຫາດຊາຍ ທີມຊາຍ “ນົກກົກຄຳ ເກມ 2017
ຂຽນເມື່ອ: 07/02/2017 21:02 | ໂດຍ: ແອັດມິນ | ອ່ານ: 1226 ຄັ້ງ

   ໃນຕອນເຊົ້າວັນທີ 7 ກຸມພາ ຜ່ານມາ ທີ່ສະໜາມກິລາ ໂຮງຮຽນມັດທະຍົມສົມບູນ ສີທ່ານາໄຊ ເມືອງປາກຊັນ ແຂວງບໍລິຄຳໄຊ ໄດ້ມີການແຂ່ງຂັນ ກິລາຫາດຊາຍ ປະເພດຊາຍ ຮອບຮອງຊະນະເລີດ ຫຼື 4 ທີມສຸດທ້າຍ

   ຜ່ານການແຂ່ງຂັນ ຜົນປາກົດວ່າ : ທີມບານສົ່ງຫາດຊາຍ ແຂວງອຸດົມໄຊ ເອົາຊະນະ ແຂວງຄຳມ່ວນ ໄປ 2-0 ເຊັດລວດ 21-18 ແລະ 22-20 ຄະແນນ ເຂົ້າໄປຊີງຊະນະເລີດ ຫຼື ຫຼຽນຄຳ ກັບ ທີມແຂວງໄຊຍະບູລີ ທີ່ເອົາຊະນະ ແຂວງສະຫວັນນະເຂດ ດ້ວຍ 21-10 ແລະ 21-16 ຄະແນນ ໃນງານມະຫາກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ.

   ສຳລັບ ນັດຊີງຊະນະເລີດ ຫຼື ຫຼຽນຄຳ ແມ່ນຈະມີຂຶ້ນໃນວັນທີ 8 ກຸມພາ 2017 ເວລາ 15:30 ໂມງ ລະຫວ່າງ ແຂວງອຸດົມໄຊ ພົບກັບ ແຂວງໄຊຍະບູລີ. ຂະນະທີ່ ຮອບຊີງອັນດັບ 3 ຫຼື ຫຼຽນທອງ ແມ່ນຈະແຂ່ງຂັນໃນມື້ດຽວກັນ ແຕ່ຈະມາແຂ່ງຂັນໃນເວລາ 9:30 ໂມງ ລະຫວ່າງ ແຂວງຄຳມ່ວນ ພົບກັບ ແຂວງສະຫວັນນະເຂດ

ໂດຍ ຊ້າງນ້ອຍ
ເກາະຕິດ "ນົກກົກຄຳ ເກມ 2017"




ຂ່າວລ່າສຸດ