ລາຍລະອຽດຂ່າວ
ອັດຕະປື ບໍ່ຜ່ານເຂົ້າຊີງ ແຕ່ພວກເຂົາເຮັດໄດ້ເກີນເປົ້າ ບານເຕະຊາຍ ນົກກົກຄຳເກມ
ຂຽນເມື່ອ: 07/02/2017 14:02 | ໂດຍ: ແອັດມິນ | ອ່ານ: 2670 ຄັ້ງ

   ການແຂ່ງຂັນ ຮອບ 4 ທີມ ບານເຕະຊາຍ ນົກກົກຄຳເກມ ມື້ນີ້ ວັນທີ 06 ກຸມພາ 2017 ຈົບລົງດ້ວຍ ໄຊຊະນະຂອງ ສະຫວັນນະເຂດ ແລະ ຈຳປາສັກ ແຊ້ມເກົ່າ ທີ່ສາມາດຜ່ານເຂົ້າໄປແຂ່ງຂັນໃນ ນັດຊີງຊະນະເລີດ ໄດ້ສຳເລັດ.

  ຫຼັງຈາກຈົບການແຂ່ງຂັນ ບານເຕະຊາຍ ຄູ່ທີ 2 ສິ້ນສຸດລົງ, ທ່ານ ພູປະເສີດ ພົມມະຈັນ ຄູຝຶກຂອງທີມ ອັດຕະປຶ ກໍ່ໄດ້ກ່າວກັບທີມງານ laosportnews ຂອງພວກເຮົາວ່າ:" ໃນການແຂ່ງຂັນນັດນີ້ ນັກເຕະເຮົາ ແມ່ນຫຼິ້ນໄດ້ຕໍ່າກວ່າ ມາດຕະຖານຂອງຕົນເອງ ແລະ ຂາດຄວມໝັ້ນໃຈ ເຊິ່ງອາດຈະເປັນຜົນມາຈາກ ຜົນການແຂ່ງຂັນ ນັດອຸ່ນເຄື່ອງ ຊ່ວງຕົ້ນເດືອນມັງກອນ ກ່ອນທີ່ພວກເຮົາ ຈະເດີນທາງມາຮ່ວມ ການແຂ່ງຂັນຄັ້ງນີ້ ທີ່ ອັດຕະປື ເຄີຍເສຍໃຫ້ ຈຳປາສັກ. ໃນນັດຊີງອັນດັບທີ 3 ທີ່ ອັດຕະປື ຈະພົບກັບ ຫຼວງພະບາງ ໃນທັດສະນະຂອງຂ້າພະເຈົ້າ ກໍ່ຍັງເຊື່ອວ່າ ທີມຂອງພວກເຮົາຍັງມີດີຢູ່ ເພາະຜ່ານມາຮອດລະດັບນີ້ແລ້ວ ແລະ ຖ້າທີມຂອງພວກເຮົາ ຫຼິ້ນໄດ້ຕາມແທັກຕິກທີ່ວາງໄວ້ ກໍ່ຈະສາມາດເອົາຊະນະ ແລະ ນຳເອົາຫຼຽນທອງ ກັບໄປຝາກ ແຟນບານຊາວ ອັດຕະປື ຢ່າງແນ່ນອນ. ການທີ່ເຮົາມາຮອດຈຸດນີ້ໄດ້ນັ້ນ ແມ່ນຖືວ່າພວກເຮົາ ມາໄກກວ່າເປົ້າໝາຍທີ່ໄດ້ຕັ້ງໄວ້ ໂດຍກ່ອນທີ່ພວກເຮົາ ຈະເດີນທາງມາແຂ່ງຂັນຄັ້ງນີ້ ພວກເຮົາຕັ້ງໄວ້ ພຽງແຕ່ໃຫ້ສາມາດ ຜ່ານເຂົ້າໄປແຂ່ງໃນ ຮອບ 8 ທີມ ເທົ່ານັ້ນ".

ໂດຍທີ່ການແຂ່ງຂັນ ນັດຊີງຊະນະເລີດ ແລະ ຊີງອັນດັບທີ 3 ແມ່ນຈະແຂ່ງຂັນໃນວັນທີ 08 ກຸມພາ
ນັດຊີງອັນດັບທີ 3 ຈະແຂ່ງຂັນ ເວລາ 13:30
ຫຼວງພະບາງ ພົບ ອັດຕະປື
ນັດຊີງຊະນະເລີດ ຈະແຂ່ງຂັນ ເວລາ 15:30
ສະຫວັນນະເຂດ ພົບ ຈຳປາສັກ

ຂອບໃຈຂໍ້ມູນ ແລະ ພາບຈາກ ພູປະເສີດ ພົມມະຈັນ




ຂ່າວລ່າສຸດ