ລາຍລະອຽດຂ່າວ
ສະຫວັນນະເຂດ ແລະ ຈຳປາສັກ ກັບເສັ້ນທາງ ສູ່ນັດຊີງຊະນະເລີດ ບານເຕະຊາຍ ນົກກົກຄຳເກມ
ຂຽນເມື່ອ: 06/02/2017 20:02 | ໂດຍ: ແອັດມິນ | ອ່ານ: 3635 ຄັ້ງ

    ການແຂ່ງຂັນ ບານເຕະຊາຍ ນົກກົກຄຳເກມ ທີ່ໄດ້ເລີ່ມການແຂ່ງຂັນ ມາຕັ້ງແຕ່ ວັນທີ 27 ມັງກອນ 2017 ກໍ່ໄດ້ຄູ່ຊີງຊະເນະເລີດ ເປັນທີ່ຮຽບຮ້ອຍ ພາຍຫຼັງທີ່ການແຂ່ງຂັນ ຮອບ 4 ທີມຈົບລົງ ໃນມື້ນີ້ ວັນທີ 06 ກຸມພາ 2017 ຜົນການແຂ່ງຂັນມີຄື: ສະຫວັນນະເຂດ ເອົາຊະນະ ຫຼວງພະບາງ 3 ປະຕູຕໍ່ 1 ແລະ ຈຳປາສັກ ແຊ້ມເກົ່າ ເອົາຊະນະ ອັດຕະປື 6 ປະຕູຕໍ່ 0 ສົ່ງຜົນເຮັດໃຫ້ ສະຫວັນນະເຂດ ແລະ ຈຳປາສັກ ເປັນຄູ່ຊີງຊະນະເລີດ ສ່ວນ ຫຼວງພະບາງ ແລະ ອັດຕະປື ເປັນຄູ່ຊີງອັນດັບທີ 3.

  ກ່ອນການແຂ່ງຂັນ ນັດຊີງຊະນະເລີດ ເຮົາມາເບິ່ງຂໍ້ມູນການແຂ່ງຂັນ ແລະ ສະຖິຕິທີ່ໜ້າສົນໃຈຂອງ ຄູ່ຊີງຊະນະເລີດ ບານເຕະຊາຍ ນຳກັນ:
ເລີ່ມຈາກ ສະຫວັນນະເຂດ
ໃນຮອບແບ່ງສາຍ ຢູ່ຮ່ວມສາຍ ຂ ກັບ ນະຄອນຫຼວງ, ໄຊຍະບູລີ ແລະ ຫົວພັນ  ໂດຍຜົນການແຂ່ງຂັນດັ່ງນີ້:
ສະຫວັນນະເຂດ 2-0 ໄຊຍະບູລີ
ຫົວພັນ 2-4 ສະຫວັນນະເຂດ
ສະຫວັນນະເຂດ 6-0 ນະຄອນຫຼວງ
ສະຫວັນນະເຂດ ຜ່ານເຂົ້າຮອບ 8 ທີມ ດ້ວຍການເປັນ ອັນດັບທີ 1 ຂອງສາຍ ຂ ຈາກຊະນະ 3 ນັດຕິດ ຍິງໄດ້ 12 ປະຕູ ເສຍ 2 ປະຕູ ມີ 9 ຄະແນນເຕັມ
ການແຂ່ງຂັນ ຮອບ 8 ທີມ: ສະຫວັນນະເຂດ ເອົາຊະນະ ສະລະວັນ 2 ປະຕູຕໍ່ 1
ການແຂ່ງຂັນ ຮອບ 4 ທີມ: ສະຫວັນນະເຂດ ເອົາຊະນະ ຫຼວງພະບາງ ແຊ້ມສາຍ ກ 3 ປະຕູຕໍ່ 1

ຈຳປາສັກ
ໃນຮອບແບ່ງສາຍ ຢູ່ຮ່ວມສາຍ ງ ກັບ ສາລະວັນ ແລະ ໄຊສົມບູນ ໂດຍຜົນການແຂ່ງຂັນດັ່ງນີ້:
ໄຊສົມບູນ 0-7 ຈຳປາສັກ
ຈຳປາສັກ 2-4 ສາລະວັນ
ຈຳປາສັກ ຜ່ານເຂົ້າຮອບ 8 ທີມ ດ້ວຍການເປັນ ອັນດັບທີ 1 ຂອງສາຍ ງ ຈາກການຊະນະ 1 ເສຍ 1 ຍິງໄດ້ 9 ປະຕູ ເສຍ 4 ປະຕູ ມີ 3 ຄະແນນ (ຈາກຄະແນເຕັມ 6)
ການແຂ່ງຂັນ ຮອບ 8 ທີມ: ຈຳປາສັກ ຊະນະການດວນ ຈຸດໂທດຕັດສິນກັບ ນະຄອນຫຼວງ ດ້ວຍປະຕູລວມ 7-6 ພາຍຫຼັງສະເໝີກັນໃນເກມ 1-1
ການແຂ່ງຂັນ ຮອບ 4 ທີມ: ຈຳປາສັກ ເອົາຊະນະ ເພື່ອນຮ່ວມພາກໃຕ້ ອັດຕະປື 6 ປະຕູຕໍ່ 0

ໂດຍທີ່ການແຂ່ງຂັນ ນັດຊີງຊະນະເລີດ ແລະ ຊີງອັນດັບທີ 3 ແມ່ນຈະແຂ່ງຂັນໃນວັນທີ 08 ກຸມພາ
ນັດຊີງອັນດັບທີ 3 ຈະແຂ່ງຂັນ ເວລາ 13:30
ຫຼວງພະບາງ ພົບ ອັດຕະປື
ນັດຊີງຊະນະເລີດ ຈະແຂ່ງຂັນ ເວລາ 15:30
ສະຫວັນນະເຂດ ພົບ ຈຳປາສັກ

ຂອບໃຈພາບຈາກ ໜັງສຶພິມ ສຶກສາ-ກິລາ




ຂ່າວລ່າສຸດ