ລາຍລະອຽດຂ່າວ
ສະຫວັນນະເຂດ ຫຼານພໍ່ກະດວດ ເຂົ້າຊີງຫຼຽນຄຳກັບ ບໍ່ແກ້ວ ສາວນ້ອຍຈາກພາກເໜືອ ບານເຕະຍິງ ນົກກົກຄຳເກມ
ຂຽນເມື່ອ: 05/02/2017 20:02 | ໂດຍ: ແອັດມິນ | ອ່ານ: 3167 ຄັ້ງ

    ການແຂ່ງຂັນ ບານເຕະຍິງ ນົກກົກຄຳເກມ ມື້ນີ້ວັນທີ 05 ກຸມພາ 2017 ເປັນການແຂ່ງຂັນ ຮອບ 4 ທີມສຸດທ້າຍ ຄູ່ທຳອິດ ເວລາ 10:00 ບໍ່ແກ້ວ ພົບ ຊຽງຂວາງ, ຄູ່ທີ 2 ເວລາ 15:00 ນະຄອນຫຼວງວຽງຈັນ ແຊ້ມເກົ່າ ພົບ ສະຫວັນນະເຂດ.

  ຜ່ານການແຂ່ງຂັນ ອັນດຸເດືອດ ຜົນປະກົດວ່າ ສາວບໍ່ແກ້ວ ໄດ້ເປັນຕົວແທນ ນັກກິລາບານເຕະ ນັກຮຽນສາວພາກເໜືອ ຜ່ານເຂົ້າ ຮອບຊີງຊະນະເລີດ ພາຍຫຼັງສ້າງຜົນງານ ເອົາຊະນະ ນັກເຕະສາວຊຽງຂວາງ 1 ປະຕູຕໍ່ 0. ຄູ່ທີ 2 ນະຄອນຫຼວງວຽງຈັນ ແຊ້ມເກົ່າ ເສຍໃຫ້ກັບ ສະຫວັນນະເຂດ ສາວນັກຮຽນ ຈາກດິນແດນໄດໂນເສົາ ໄປ 2 ປະຕູຕໍ່ 3 ສົ່ງຜົນເຮັດໃຫ້ ຄູ່ຊີງຊະນະເລີດ ບານເຕະຍິງ ນົກກົກຄຳເກມ ຄັ້ງນີ້ ແມ່ນ ບໍ່ແກ້ວ ແລະ ສະຫວັນນະເຂດ ເຊິ່ງກ່ອນໜ້າ ການແຂ່ງຂັນໃນ ຮອບແບ່ງສາຍ ສາຍ ກ ສະຫວັນນະເຂດ ເຄີຍເອົາຊະນະ ບໍ່ແກ້ວ 3 ປະຕູຕໍ່ 2 ຢ່າງສຸດມັນ.

ໂດຍທີ່ການແຂ່ງຂັນ ນັດຊີງຊະນະເລີດ ແລະ ຊີງອັນດັບທີ 3 ແມ່ນຈະແຂ່ງຂັນໃນວັນທີ 07 ກຸມພາ

ນັດຊີງອັນດັບທີ 3 ຈະແຂ່ງຂັນ ເວລາ 13:30
ຊຽງຂວາງ ພົບ ນະຄອນຫຼວງວຽງຈັນ

ນັດຊີງຊະນະເລີດ ຈະແຂ່ງຂັນ ເວລາ 15:30
ບໍ່ແກ້ວ ພົບ ສະຫວັນນະເຂດ
(ເວລາແຂ່ງຂັນອາດມີການປ່ຽນແປງ)

  ເຮົາມາຕິດຕາມນຳກັນວ່າ ແຊ້ມບານເຕະຍິງ ກິລານັກຮຽນ ມັດທະຍົມສຶກສາ ທົ່ວປະເທດປີນີ້ ຈະຕົກເປັນຂອງທີມໃດ.

ຂອບໃຈພາບຈາກ ພູວອນ ດຳລົງບຸນ




ຂ່າວລ່າສຸດ