ລາຍລະອຽດຂ່າວ
ອັດຕະປື ພົບ ຈຳປາສັກ ແຊ້ມເກົ່າ ຫຼວງພະບາງ ພົບ ສະຫວັນນະເຂດ ຮອບ 4 ທີມ ບານເຕະຊາຍ ນົກກົກຄຳເກມ
ຂຽນເມື່ອ: 05/02/2017 16:02 | ໂດຍ: ແອັດມິນ | ອ່ານ: 4448 ຄັ້ງ

   ກໍ່ຜ່ານໄປແລ້ວ ສຳລັບການແຂ່ງຂັນ ບານເຕະຊາຍ ຮອບ 8 ທີມສຸດທ້າຍ ທີ່ລົງສະໜາມແຂ່ງຂັນກັນ ມື້ວານນີ້ ວັນທີ 04 ກຸມພາ ໂດຍທີ່ຜົນການແຂ່ງຂັນມີຄື:
ຫຼວງພະບາງ 3-0 ບໍລິຄຳໄຊ
ອັດຕະປື 2-1 ອຸດົມໄຊ
ສະຫວັນນະເຂດ 2-1 ສາລະວັນ
ຈຳປາສັກ 7-6 ນະຄອນຫຼວງ (ຫຼັງຈາກ ສະເໝີກັນ ໃນເວລາ 1-1)

  ເຮັດໃຫ້ ທີມບານເຕະ ນັກຮຽນຊາຍຈາກ ແຂວງຫຼວງພະບາງ, ອັດຕະປື, ສະຫວັນນະເຂດ ແລະ ຈຳປາສັກ ແຊ້ມເກົ່າ ຜ່ານເຂົ້າໄປແຂ່ງຂັນກັນໃນ ຮອບ 4 ທີມສຸດທ້າຍ.

   ພາຍຫຼັງຈົບ ກອງປະຊຸມປຶກສາຫາລື ແລະ ກຽມຄວາມພ້ອມ ກ່ອນການແຂ່ງຂັນ ຮອບ 4 ທີມສຸດທ້າຍ ບານເຕະຊາຍ, ທ່ານ ພູປະເສີດ ພົມມະຈັນ ຄູຝຶກຂອງທີມ ອັດຕະປຶ ກໍ່ໄດ້ກ່າວກັບທີມງານ laosportnews ຂອງພວກເຮົາວ່າ
"ກ່ຽວກັບເກມທີ່ຜ່ານມາ ຖືວ່າດຸເດືອດສົມຄວນ ໃນເກມການຫລີ້ນ ເພາະທັງສອງທິມມີໂອກາດ ທີ່ຈະທຳປະຕູ ປະຕູທີ່ເສຍກະຕ້ອງຊົມເຊິຍທາງ ກອງຫນ້າ ອຸດົມໄຊ ທີ່ຍິງໄດ້ດີ ແຕ່ເຮົາກະດີ ທີ່ຍິງປະຕູຄືນໄດ້ໄວ ເຮັດໄຫ້ກັບມາສູ່ເກມໄດ້ໄວ ຖ້ານັບໂອກາດ ທີ່ທາງເຮົາມີຄະແນນ ຫນ້າຈະຫລາຍກວ່ານີ້ ອາດຈະເປັນ 3-1 ຫລື 4-1. ສຳລັບເກມໃນມື້ອື່ນ ທີ່ຈະພົບກັບ ຈຳປາສັກ ທາງພວກເຮົາກະຖືວ່າພ້ອມ100% ນັກກິລາທຸກຄົນ ມີຄວາມຫມັ້ນໃຈ ມີຄວາມກະຫາຍ ໃນໄຊຊະນະ ເພື່ອເຂົ້າສູ່ຮອບຊິງຊະນະເລີດ. ສຳລັບ ຮອບ 4 ທີມນີ້ ເຮົາຄິດວ່າທຸກທິມທີ່ເຂົ້າມາ ແມ່ນມີຄວາມແຂງແກ່ນ ບໍ່ຫນ້ອຍຫນ້າກັນແນ່ນອນ ຂື້ນກັບມື້ແຂ່ງຂັນວ່າທິມໃດ ຈະກຳໄຊຊະນະທໍ່ນັ້ນ".

   ການແຂ່ງຂັນ ຮອບ 4 ທີມ ບານເຕະຊາຍ ນົກກົກຄຳເກມ ຈະມີຂຶ້ນໃນມື້ອື່ນ ວັນທີ 06 ກຸມພາ 2017 ໂດຍທີ່
ເວລາ 13:30 ຫຼວງພະບາງ ພົບ ສະຫວັນນະເຂດ
ເວລາ 15:30 ຈຳປາສັກ ພົບ ອັດຕະປື

ເຮົາມາຮ່ວມຕິດຕາມນຳກັນວ່າ 2 ທີມໃດຈະເປັນ 2 ທີມທີ່ຈະເຂົ້າຊີງຊະນະເລີດ ບານເຕະຊາຍ ໃນງານມະຫາກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ 6 ທີ່ບໍລິຄຳໄຊ ໃນຄັ້ງນີ້.

ຂອບໃຈຂໍ້ມູນ ແລະ ພາບຈາກ ທ່ານ ພູປະເສີດ ພົມມະຈັນ




ຂ່າວລ່າສຸດ