ລາຍລະອຽດຂ່າວ
ຄວາມໜ້າຈະເປັນຂອງຄູ່ ໂປຕຸເກດ ພົບ ໂປແລນ
ຂຽນເມື່ອ: 30/06/2016 16:06 | ໂດຍ: ເພຣເມັກເກີ | ອ່ານ: 1358 ຄັ້ງ

      ຢູໂຣ 2016, ໂປຕູເກດຍັງບໍ່ເຄີຍຊະນະໄດ້ໃນ 90 ນາທີ ສ່ວນໂປແລນ ບໍ່ເສຍປະຕູເລີຍໃນຮອບ 24 ທີມ. ຜົນການພົບກັນຂອງທັງ 2 ທີມ ແມ່ນເຄີຍພົບກັນທັງໝົດ 9 ຄັ້ງ, ປ່ຽນກັນຊະນະ, ສະເໝີ ແລະ ເສຍທີມລະ 3 ຄັ້ງຖື ເປັນຄູ່ຕໍ່ສູ້ທີ່ສູສີກັນຫຼາຍ. ໃນຢູໂຣ 2016 ຄັ້ງນີ້ເຫັນວ່າ ໂປຕູເກດ ຫຼິ້ນບານຕ້ອງໄດ້ອາໃສ ຄວາມສາມາດສະເພາະໂຕ ຂອງນັກເຕະຢ່າງໂຣນານໂດ້ ໃນການສ້າງສັນເກມບຸກ ຫຼາຍສົມຄວນ ແຕ່ປະສິດທິພາບໃນເກມບຸກ ຍັງເຮັດບໍ່ໄດ້ດີເທົ່າທີ່ຄວນຈົນເຮັດໃຫ້ ໂຣນານໂດ້ ກາຍເປັນຜູ້ຫຼິ້ນທີ່ໃຊ້ໂອກາດ ເປືອງທີ່ສຸດໃນລາຍການນີ້ ຜິດກັບໂປແລນ ທີ່ມາໃນແບບ ທີມເວີກ. ປັດຈຸບັນ ໂປຕູເກດຢູ່ອັນດັບທີ 8 ຂອງໂລກ ສ່ວນໂປແລນຢູ່ອັນດັບ 27 ຂອງໂລກ ແລະ ໃນຮອບນີ້ ໃບເຫຼືອງໃນຮອບຜ່ານມາ ຈະຖືກລົບລ້າງທັງໝົດ, ສະນັ້ນຈະເຮັດໃຫ້ທັງ 2 ທີມສາມາດໃຊ້ນັກເຕະ ລົງສະໜາມໄດ້ເຕັມທີ່. ຄາດວ່າຜົນຂອງຄູ່ນີ້ຈະອອກມາສູສີ ແລະ ມີໂອກາດສູງທີ່ຈະຈົບລົງດ້ວຍຜົນສະເໝີ

ໂດຍ: ເພຣເມັກເກີ




ຂ່າວຍອດນິຍົມ 7 ວັນລ່າສຸດ